San Mateo 5:16 - Tz'utujil (Ja Cꞌacꞌa Chominem)

¹⁶ In quirtacꞌariꞌ nuban ja luz ja cꞌo pa tak ewanma ixix chakajaꞌ, tisakirsaj quebey ja winak chiquewach utzcꞌa ja winak tok nquetzꞌat ja rutzil neban, ejeꞌeꞌ xtiqueyaꞌ ta rukꞌij ja Tatixel ewxin ja cꞌo chilaꞌ chicaj.

Tz'utujil NT

¹⁶ Cara' tc'a nuban jluz jc'ola ptak ewanm ixix chka', xtsakersaj ta quebey wnak chquewech ch-utz c'ara' je' wnak tak xtquetz'et utzil jneban chca, arj-e' xtqueya' ta ruk'ij Ttixel ewxin jc'ola chcaj.

San Mateo 5:16 Iomraidhean Croise

San Mateo 23:5

Pro xa nak ta ja nqueban xa por interés, ja kas ncajoꞌ chi utz netzꞌa̱t cumal ja winak. Caniꞌ tre ja nqueyaꞌ chi quipalaj in chi quekꞌaꞌ ja tzꞌibtali ja rtzobal Dios chwach jariꞌ más chi na nimak nqueban tre. Queriꞌ nqueban tre utzcꞌa chi nquicꞌutbej quiꞌ chiquewach winak chi más chi na e utzlaj tak winak. In jun chic nqueban, congana nqueban rbanic ja ruchiꞌ quitziak, más chi na nimak tak pleca nquecoj tre.

San Mateo 23:9

In como xa jun Tatixel ewxin ja cꞌo chilaꞌ chicaj chewiꞌ tok nbij chewe chakajaꞌ chi mta jun xtebij ta Tatixel tre waweꞌ chwachꞌulew.

San Mateo 5:45

Quirtariꞌ neban utzcꞌa chi ixix nij ix kꞌalaj wiꞌ chi ix ralcꞌwal Dios ja Tatixel ewxin ja cꞌo chilaꞌ chicaj, caniꞌ nuban arjaꞌ nlasajto kꞌij pa quewiꞌ xa nak ta chi winakil chi e itzel tak winak chi e utzlaj tak winak in chakajaꞌ nkajsaj jab pa quewiꞌ canojelal chi nimanel rxin chi ma nimanel ta.

San Mateo 6:16

In jun chic, ja tok neban ayuno chi ryabexic rukꞌij ja Dios maxta teban ixix ja caniꞌ nqueban ja winak ja xa cacaꞌ quipalaj como ejeꞌeꞌ ni quigana wiꞌ nqueban nbisoni ja quipalaj, ni lawuloꞌ nqueban tre utzcꞌa chi netzꞌati cumal ja winak chi ayuno ja quimajon rbanic. Anin ni katzij wiꞌ ja xtinbij chewe riꞌ, ja tok nya̱ꞌ quekꞌij cumal ja winak tok nqueban ja rayuno ni xa ruyon wariꞌ ja rtojbalil nquechꞌec trij, mchita nak chi ta.

San Mateo 6:9

Rmalcꞌariꞌ nbij chewe, ja tok neban oración quewaꞌ nebij riꞌ: —Katataꞌ Dios ja ratcꞌo chilaꞌ chicaj, lokꞌ ta xtinaꞌi ja rabiꞌ cumal ja winak.

San Mateo 9:8

Ja cꞌa winak ejeꞌeꞌ congana cꞌascꞌoꞌi quetzꞌat ja xuban ja Jesús in quemaj ryaꞌic rukꞌij ja Dios rmal. Como ja Dios arjaꞌ pa rukꞌaꞌ jun winak ryaꞌon wiꞌ jawaꞌ nimlaj poder ja quetzꞌat riꞌ chewiꞌ tok queyaꞌ rukꞌij.

San Lucas 11:2

Ja cꞌa Jesús xbij chique: —Ja tok neban oración quewaꞌ nebij riꞌ: —Katataꞌ Dios ja ratcꞌo chilaꞌ chicaj, lokꞌ ta xtinaꞌi ja rabiꞌ cumal ja winak. Xtikajpi ta ja ragobierno waweꞌ chwachꞌulew, xtinimax ta ja ravoluntad atat waweꞌ ja caniꞌ ntajini nba̱n chilaꞌ chicaj nnimaxi.

San Juan 15:8

Ja wi buena nwachini ja rutzil xin Dios pa tak ecꞌaslemal jariꞌ nya̱ꞌ rukꞌij ja Nataꞌ cumal ja winak emwal in triꞌ nixtzꞌat wiꞌ chi ni katzij wiꞌ chi ix ndiscípulo.

Hechos 9:36

Cꞌo cꞌa jun kachꞌalal ixok chipan ja tinamit Jope, Tabita rubiꞌ. Ja chipan ja tzobal griego, Dorcas rubiꞌ. Ja cꞌa Dorcas arjaꞌ ni cꞌo wiꞌ ja rutzil rbanon, ni cꞌo wiꞌ nuyaꞌ chique ja winak ja cꞌo rjawaxic chique.

1 Corintios 14:25

Ja rwawan jeꞌe pa ranma jariꞌ nkꞌalasaxi, nel pa sak. Queriꞌ cꞌa xtuban, cꞌacꞌariꞌ xtixuqueꞌe in xtumaj ryaꞌic rukꞌij ja Dios in quewaꞌ xtibij chewe riꞌ: —Ni katzij wiꞌ chi Dios cꞌo checojol, xticheꞌe.

2 Corintios 9:13

Ja cꞌa tok xteyaꞌ chique ja rayuda jariꞌ nucꞌut chiquewach janiꞌ enaꞌoj in nqueyaꞌ na rukꞌij ja Dios emwal. Nqueyaꞌ na rukꞌij ja tok xtiquetzꞌat chi ni katzij wiꞌ ja nebij chi eniman ja utzlaj tzij xin Cristo in nqueyaꞌ na rukꞌij chakajaꞌ ja tok xtiquetzꞌat chi nim ja rayuda ja neyaꞌ chique ejeꞌeꞌ in chique canojelal.

Gálatas 1:24

in queyaꞌ rukꞌij ja Dios mwal.

Efesios 2:10

Queriꞌ nbij chewe como ja utzlaj cꞌaslemal ja kucꞌan camic Dios winakarsyon, ma ajoj ta como arjaꞌ xuyaꞌ jun cꞌacꞌa cꞌaslemal chake, tokoriꞌ xuyaꞌ chake ja tok xa jun kaban ruqꞌuin ja Cristo Jesús. Xuyaꞌ jun cꞌacꞌa cꞌaslemal chake utzcꞌa chi nkaban chic ja rutzil pro juleꞌ utzil ja ni rchominto wiꞌ ojer chi nkaban.

Efesios 5:8

Como ja recꞌaslemal ixix ma queriꞌ chi ta ja caniꞌ nabey como ja nabey solo kꞌekumal ixcꞌayon pro ja camic luz xin Dios ixcꞌayon pro xa rmal ja xa jun ebanon ruqꞌuin ja kajaw Jesucristo chewiꞌ tok queriꞌ chic ebanon. Tebanaꞌ cꞌa ja bien nucꞌam riꞌ ruqꞌuin ja luz xin Dios como ix ralcꞌwal chic ja Dios ja sakirsyon ebey chewach.

1 Tesalonicenses 2:12

In chakajaꞌ kabij chewe chi ni neban wiꞌ ja caniꞌ nrajoꞌ ja Dios chewe chi neban como ix rxin chic ja Dios, arjaꞌ ni nixrsiqꞌuij wiꞌ chi nixqꞌuejeꞌ na chipan ja gobierno xin Dios pa gloria.

1 Timoteo 2:10

Ja nqueban, tiquicꞌutuꞌ ja cutzil chiquewach winak como ja nebini chi cotak rwach ja Dios nijawariꞌ yatal chique chi nquecꞌut.

1 Timoteo 5:10

In rjawaxic chi nbix chique chi e utzlaj tak ixokiꞌ in utz quiqꞌuittzixic ja cal quibanon, in quiyaꞌon quiposada ja cꞌo rjawaxic chique, in ma quipokonan ta quilixic ja kachꞌalal caniꞌ tre ja chꞌajoj cakan, in equitoꞌon ja quitijon rpokonal in congana quicꞌutun ja cutzil chiquewach ja winak.

1 Timoteo 5:25

In queriꞌ chique chakajaꞌ ja utzlaj tak winak, ecꞌoli chique ja ni kꞌalaj wiꞌ ja rutzil nqueban in ecꞌo juleꞌ chakajaꞌ ja ni majun nnabexi tok nqueban ja rutzil pro nerilaꞌ na jun kꞌij tok xquekꞌalajini.

1 Timoteo 6:18

Tabij chique chakajaꞌ chi ni tiquicꞌutuꞌ wiꞌ ja cutzil chiquewach winak. Tiquipokonaj quewach ja cꞌo rjawaxic chique, quequitoꞌoꞌ.

Tito 2:14

Kumal ajoj tok xujach riꞌ pa quekꞌaꞌ ja winak chi camsaxi, xokrutoꞌ chipan ja kil kamac utzcꞌa chi arjaꞌ nchꞌachꞌojirsaj ja kacꞌaslemal. Queriꞌ xuban utzcꞌa chi nokoc tinamit rxin utzcꞌa chi nel kacꞌuꞌx trij ja banoj utzil.

Tito 2:7

In atat chakajaꞌ rjawaxic chi ni nacꞌut wiꞌ jun utzlaj ejemplo chiquewach. Ja tok neꞌatijoj maxta rmal cꞌoli nawajoꞌ chewiꞌ tok neꞌatijoj in ni nayaꞌ wiꞌ rukꞌij ja tijonem ja nayaꞌ chique.

Tito 3:14

In chique ja kachꞌalal chakajaꞌ rjawaxic chi ncotakij chi nquecꞌut ja cutzil chiquewach ja winak in nequetoꞌ ja tok cꞌo rjawaxic chique. Ja wi queriꞌ nqueban jariꞌ cꞌoli neꞌoc wiꞌ.

Tito 3:4

Pro ja Dios ja Toꞌonel kaxin arjaꞌ xucꞌut ja rutzil chikawach, xokrajoꞌ kanojel ja rok winak.

Hebreos 10:24

Kachꞌoboꞌ rij rwach nak nkaban ja xtikabanbej ta animar kiꞌ chi nkajobej más kiꞌ in nkacꞌutbej más ja rutzil.

1 Pedro 2:12

Ja neban, tecꞌutuꞌ ja rewutzil chiquewach ja winak ja ma cotak ta rwach ja Dios. Ejeꞌeꞌ xa nquemol tzij chewij camic in nquibij chewe chi ix itzel tak winak pro nquetzꞌat na ja rutzil neban in rmalariꞌ ja tok nqueyaꞌ na rukꞌij ja Dios tok xturbanaꞌ jun nimlaj samaj chiquicojol.

1 Pedro 2:9

Pro ja rixix ix tinamit rxin ja Dios, ixchaꞌon rmal. Arjaꞌ xixrpartiꞌij chi neban ja rsamaj. Ix sacerdote rxin ja nimlaj Rey ja cꞌo chilaꞌ chicaj. Jariꞌ samaj yatajnak chewe utzcꞌa chi neyaꞌ rbixic ja nimlaj samaj ja rbanon ja katataꞌ Dios. Kas turkaj chewe chi arjaꞌ lasan ewxin chipan ja kꞌekumal in camic ixrcojon chic pa rcuenta arjaꞌ pa jun nimlaj sakil.

1 Pedro 3:1

In ixix chakajaꞌ ja rix ixokiꞌ queꞌenimaj ja rewachajilal. Como ecꞌoli chewe ja rewachajilal ma quiniman ta ja rtzobal Dios pro ja tok nixquetzꞌat chi ewcꞌan jun utzlaj anma in cꞌol erespeto xa rmalariꞌ tok xtiqueqꞌuex ja quinaꞌoj in xtiquinimaj ja rtzobal Dios in ma kas ta rjawaxic chakajaꞌ chi xqueꞌepaxbaj ta.

1 Pedro 3:16

Maxta cꞌoli teban ja ma utz ta ja xa ntiꞌon ewanma rmal. Como ecꞌoli winak ja nquibij chewe chi: —Xa itzel quicꞌaslemal ja winak ja neniman rxin ja Cristo, necheꞌe, pro ja wi mta ja ma utz ta ebanon ejeꞌeꞌ nqueyaꞌ na queqꞌuix ja tok xtikꞌalajini chi ma katzij ta ja quibij chewe.

1 Pedro 4:11

Ecꞌoli chewe quicochin tre ja Dios chi necowini nqueyaꞌ mensaje, kas turkaj chique chi rtzobal Dios ja nquecoj, ma quinaꞌoj ta winak ja nquecoj. In chakajaꞌ ecꞌoli ja yatajnak chique chi necowini nequetoꞌ winak, kas turkaj chique chi ja Dios arjaꞌ yoyon chique chi necowini nequetoꞌ. Rmal ja Jesucristo chewiꞌ tok qꞌuiy rwach ja yatajnak chewe ja recochin tre ja Dios, tebanaꞌ cꞌa nojelal chi nyabex rukꞌij. Ni ta xtiyaꞌ wiꞌ rukꞌij, ni ta xtinatax wiꞌ chi pa rukꞌaꞌ cꞌo wiꞌ nojelal camic, chwak in chijutij. Amén.

1 Pedro 4:14

Ja wi rmal ja yukulbal ecꞌuꞌx ruqꞌuin ja Cristo tok nixtzꞌuji in tok nixyokꞌi jariꞌ cꞌoli rcꞌamonto chewe. Ja wi queriꞌ nba̱n chewe jariꞌ ni kꞌalaj wiꞌ chi cꞌol ewqꞌuin ja lokꞌlaj Espíritu Santo xin Dios. Ja nebano pokon chewe ejeꞌeꞌ xa itzel netzijon tre ja rEspíritu Santo pro ja rixix neyaꞌ rukꞌij.