San Mateo 5:12 - Tz'utujil (Ja Cꞌacꞌa Chominem)

¹² Ja tok queriꞌ nqueban chewe quixquicoti pro congana quixquicoti como jariꞌ cꞌo jun nimlaj rtojbalil ja nyataj na chewe chilaꞌ chicaj. Quixquicoti como queriꞌ ban chique ja rojer tak profeta chakajaꞌ ban itzel chique.

Tz'utujil NT

¹² Tak cara' nqueban chewa quixquicot c'a, per ncongan quixquicota, com jara' c'ola jun nimlaj rtojbalil nyataj na chewa chcaj. Quixquicota com cara' xba'na chca ojer tak profeta, congan lowlo' xba'na chca.

San Mateo 5:12 Iomraidhean Croise

San Mateo 16:27

Queriꞌ nbij chewe como anin ja rin Alcꞌwalaxel ja xinoc alaxic cuqꞌuin ja winak ninpi chi na jutij e wachbil ja ángel wxin, tokoriꞌ ja gloria xin Dios congana nchꞌaꞌan chwij in ja winak nunyaꞌaꞌ na rtojbalil chique chiquijujunal ja queban waweꞌ chwachꞌulew.

San Mateo 6:16

In jun chic, ja tok neban ayuno chi ryabexic rukꞌij ja Dios maxta teban ixix ja caniꞌ nqueban ja winak ja xa cacaꞌ quipalaj como ejeꞌeꞌ ni quigana wiꞌ nqueban nbisoni ja quipalaj, ni lawuloꞌ nqueban tre utzcꞌa chi netzꞌati cumal ja winak chi ayuno ja quimajon rbanic. Anin ni katzij wiꞌ ja xtinbij chewe riꞌ, ja tok nya̱ꞌ quekꞌij cumal ja winak tok nqueban ja rayuno ni xa ruyon wariꞌ ja rtojbalil nquechꞌec trij, mchita nak chi ta.

San Lucas 13:34

Ixix ja rix aj Jerusalén, anin congana ninbison emwal. Ja profeta xin Dios xa neꞌecamsaj. Ja cꞌa juleꞌ chic ajsamajelaꞌ rxin Dios ja neta̱k ewqꞌuin xa neꞌeqꞌuiak tzaꞌn abaj. Anin qꞌuiylaj mul xinwajoꞌ ta xixnutoꞌ ta ja caniꞌ nuban jun acꞌ nermutzej ja tak ral xeꞌ rupan pro ja rixix ma xewajoꞌ ta.

San Lucas 6:23

Ja tok queriꞌ nqueban chewe quixquicoti pro congana quixquicoti como jariꞌ cꞌo jun nimlaj rtojbalil ja nyataj na chewe chilaꞌ chicaj. Como ja catiꞌt quimamaꞌ queriꞌ queban chique chakajaꞌ ja rojer tak profeta ja re xin Dios.

San Lucas 6:35

Pro ja cꞌa rixix queꞌewajoꞌ ja recꞌulel, tebanaꞌ ja rutzil, teyaꞌaꞌ kajonem pro maxta quixoclaꞌ il tre ja rcꞌaxel. Ja wi queriꞌ neban jariꞌ cꞌo jun nimlaj rtojbalil nyataj na chewe in triꞌ nixkꞌalajin wiꞌ chi ix ralcꞌwal ja nimlaj Dios como ja Dios arjaꞌ nuban utzil chique ja winak masqui ejeꞌeꞌ ni matiquimaltioxij wiꞌ tre, masqui xa e itzel tak winak.

Hechos 16:25

Pa tak ncꞌajakꞌaꞌ ja Pablo in Silas ejeꞌeꞌ quimajon rbanic oración in quimajon rbixaxic rubiꞌ ja Dios. Ja cꞌa juleꞌ chic preso ejeꞌeꞌ quimajon rcꞌaxaxic ja roración in bix.

Hechos 5:41

Xebe ja rapóstol, congana nequicoti como yataj chique chi quetij pokon pa rubiꞌ ja Jesucristo.

Romanos 5:3

In jun chic, congana nokquicot rmal chakajaꞌ ja rpokonal ja nkatij pa rubiꞌ ja Jesucristo. Nokquicoti como bien kotak chi chipan ja rpokonal nqꞌuiy wiꞌ más ja kapaciencia.

1 Corintios 3:8

Ja nticowi ja tijcoꞌm rachbil ja nyaꞌan rxin xa e junan chi e caꞌiꞌ, e moso, janiꞌ ja samaj nqueban chi e caꞌiꞌ jariꞌ ja rtojbalil nyataj na chique chi e caꞌiꞌ chakajaꞌ.

2 Corintios 4:17

Queriꞌ nbij chewe como ja rpokonal ja kamajon rtijic waweꞌ chwachꞌulew jariꞌ ma al ta, xa jurata nocꞌowi como ja rpokonal ja nkatij quewaꞌ rcꞌamonto chake riꞌ, nyataj na chake chi noqui ja gloria xin Dios chake pro jun gloria janila nim rukꞌij, ni mta wiꞌ qꞌuisic trij in mta bar ta triꞌ xtikajunsaj chi ta wiꞌ.

Filipenses 1:29

Queriꞌ rbanic como ixix yatajnak jun privilegio chewe chi yukul ecꞌuꞌx ruqꞌuin ja Cristo in nixsamaj pa rcuenta. Pro ma ruyon tariꞌ como cꞌo chi na jun privilegio yatajnak chewe jariꞌ chi netij rpokonal rmal ja Cristo chakajaꞌ.

Filipenses 2:17

Pro masqui nincamsax na pro ni ninquicot wiꞌ chakajaꞌ. Como ja yukulbal ecꞌuꞌx ixix jariꞌ caniꞌ jun ofrenda ja netzujuj chwach ja Dios in wi anin nincamsaxi jariꞌ ninoc in caniꞌ jun ofrenda chakajaꞌ, jun ofrenda ja nrachbilaj riꞌ ruqꞌuin ja rofrenda ja netzujuj ixix. Jariꞌ ninquicoti wachꞌalal in ninquicot ewqꞌuin ewanojelal.

Colosenses 1:24

Ja cꞌa camic incꞌo chipan ja rpokonal chi etoꞌic pro ninquicot rmal. Como anin in rachbil ja Cristo chi rtijic ja rpokonal ja majaꞌn tikꞌax trij como cꞌa ntiꞌon na tre ja Cristo nojel ja nba̱n chake ja rok cuerpo rxin ja rok iglesia.

Colosenses 3:24

Queriꞌ nbij chewe como ixix bien ewotak chi ruqꞌuin ja kajaw Jesucristo npi wiꞌ ja kas mero rtojbalil jariꞌ ja herencia ja rtzujun chake como ja Cristo ja kajaw jariꞌ ja kas mero Epatrón.

1 Tesalonicenses 2:15

Ni quirwariꞌ quibanon ja raj Israel. Ja xebano pokon chique ja kachꞌalal ejeꞌeꞌ xecꞌutun rcamic ja kajaw Jesucristo. In chakajaꞌ e aj Israel ja xecamsan quixin ja rojer tak profeta ja cach aj tinamit. In camic e wach aj Israel chakajaꞌ ja xelasanto kaxin. Ja Dios arjaꞌ ma utz ta nutzꞌat ja nqueban. Ejeꞌeꞌ congana e quicꞌulel canojelal ja winak.

Hebreos 10:34

Como ja xeqꞌuejeꞌ pa tak cheꞌ rumac ja Jesucristo xepokonaj quewach. In tok majtaj chewe ja mebaꞌil ma xepokonaj ta, xixquicoti. Como bien ewotak chi cꞌol emebaꞌil chilaꞌ chicaj ja más chi na utz ja ni mta wiꞌ qꞌuisic trij chewiꞌ tok xixquicoti.

Hebreos 11:26

Más na vale ja ntij rpokonal rumac ja Cristo chwach ja xtinchꞌec ta nojelal ja mebaꞌil ja cꞌo pan Egipto, neꞌ kaj. Arjaꞌ kas tzꞌel pon rwach trij ja rtojbalil ja nya̱ꞌ na tre rmal ja Dios chewiꞌ tok queriꞌ xuchꞌob.

Hebreos 11:33

Ejeꞌeꞌ chakajaꞌ rmal ja yukulbal quecꞌuꞌx ruqꞌuin ja Dios chewiꞌ tok yataj chique chi quechꞌec ja gobierno jeꞌe ja rocnak quicꞌulel, chewiꞌ tok utz queban chi cucꞌaxic ja winak in chewiꞌ chakajaꞌ tok quewil jeꞌe ja tzujunto ojer rmal ja Dios. Rmal ja yukulbal quecꞌuꞌx chakajaꞌ tok xecowini quitzꞌapij quechiꞌ ja cój.

Hebreos 11:6

Ja Dios wi mta yukulbal acꞌuꞌx ruqꞌuin jariꞌ mta moda utz ta xtutzꞌat ja racꞌaslemal. Ja wi cꞌol agana nattiloc ruqꞌuin ja Dios rjawaxic chawe ja caꞌiꞌ riꞌ, jun, nanimaj chi cꞌoli ja Dios, in jun chic, nanimaj chi ja Dios, wi natij akꞌij chi rilic arjaꞌ nyoꞌ chawe ja rtojbalil.

Santiago 1:2

Wachꞌalal, ja tok newil jeꞌe prueba chipan ja recꞌaslemal congana ta nixquicot rmal, ma quixbison ta.

Santiago 5:10

Queriꞌ ta neban ja caniꞌ queban ja ojer tak profeta ja xebini ja rtzobal ja kajaw Dios, ejeꞌeꞌ quetij ja rpokonal pro qꞌuejeꞌe ja quipaciencia chi rcochꞌic.

1 Pedro 4:13

Ja neban, quixquicoti rmal ja yatajnak chewe chi xa jun neban ruqꞌuin ja Cristo chi rtijic ja rpokonal. Ja wi queriꞌ neban jariꞌ más chi na nixquicoti chakajaꞌ ja tok xtipi chic jutij ja Jesucristo tokoriꞌ tok nkꞌalajin na chi congana nim rukꞌij.