San Mateo 5:11 - Tz'utujil (Ja Cꞌacꞌa Chominem)

¹¹ Congana quiꞌil chewe ja tok nixtzꞌuji nixyokꞌi in tok nba̱n itzel chewe in tok nojel rwach ja ritzelal nbix chewe ja ma katzij ta pro mwal anin tok nba̱n queriꞌ chewe.

Tz'utujil NT

¹¹ Congan quicotemal rxin Dios nyataja chewa tak nquixtz'u'ja y nquixyo'k'a y tak nba'na njelal rwech lowlo' chewa y tak nbixa njelal rwech rtzilal chewa jme ktzij ta y xe nmal anen tak cara' nba'na chewa.

San Mateo 5:11 Iomraidhean Croise

San Mateo 10:18

Nixquecꞌamel chiquewach gobernador, nixquecꞌamel chiquewach rey pro mwal anin tok xtiban queriꞌ chewe. Queriꞌ xtiban chewe utzcꞌa chi nel ntzijoxic chiquewach ejeꞌeꞌ in chiquewach ja winak ja ma e aj Israel ta.

San Mateo 10:22

Ja cꞌa rixix xa itzel nixtzꞌat na cumal canojel ja winak pro mwal anin ja tok xtiban queriꞌ chewe. Pro canojel ja xtiquecochꞌ quewach chipan ja rpokonal in ni matiqueyaꞌ can wiꞌ ja yukulbal quecꞌuꞌx wqꞌuin ejeꞌeꞌ riꞌ nquewil na ja totajem xin Dios.

San Mateo 10:25

Ja cꞌa nuban ja discípulo mejor, queqꞌuejeꞌ conforme chi nba̱n chique ja caniꞌ nba̱n tre ja quimaestro, in ja rajsamajelaꞌ chakajaꞌ mejor, queqꞌuejeꞌ conforme chi nba̱n chique ja caniꞌ nba̱n tre ja quipatrón. Anin in Epatrón in como quibij chwe chi anin in jefe quixin ja demonio pior cꞌa ja chewe ixix, congana nixquitzelaj na chakajaꞌ ja rix ajsamajelaꞌ wxin.

San Mateo 10:39

Ja winak ja nquipokonaj nqueyaꞌ can ja quicꞌaslemal jariꞌ nquitzꞌilaꞌ ja utzlaj cꞌaslemal ja mta qꞌuisic trij. Pro ja winak ja matiquipokonaj nqueyaꞌ can ja quicꞌaslemal mwal anin jariꞌ nquewil na ja utzlaj cꞌaslemal ja mta qꞌuisic trij.

San Mateo 19:29

In ja winak xa nak ta chi winakil ja wi cꞌoli quiyaꞌon can caniꞌ tre cochoch owi caniꞌ chique quinimal owi quechakꞌ owi canaꞌ owi caniꞌ chique quitataꞌ queteꞌ owi caniꞌ chique quixjayilal owi calcꞌwal owi caniꞌ tre culew, ja cꞌa wi mwal anin ja tok quiyaꞌon can jariꞌ más chi na qꞌuiy ja xtiyataj na chique chwach ja caniꞌ quiyaꞌon can. In chakajaꞌ cꞌo jun herencia nyataj chique jariꞌ ja utzlaj cꞌaslemal ja mta qꞌuisic trij.

San Mateo 24:9

Ja cꞌa rixix nixjach na pa quekꞌaꞌ winak chi nba̱n pokon chewe in nixcamsax na. Xa itzel nixtzꞌat na cumal ja winak ja recꞌo nojel tak nación pro mwal anin ja tok xtiban queriꞌ chewe.

San Mateo 27:39

Ja cꞌa winak ja nekꞌaxi ja tok nquetzꞌat ja Jesús xa nquitzebej xa nqueyokꞌ in quewaꞌ nquibij tre riꞌ:

Marcos 13:13

Ja cꞌa rixix xa itzel nixtzꞌat na cumal canojel ja winak pro mwal anin ja tok xtiban queriꞌ chewe. Pro canojel ja xtiquecochꞌ quewach chipan ja rpokonal in ni matiqueyaꞌ can wiꞌ ja yukulbal quecꞌuꞌx wqꞌuin ejeꞌeꞌ riꞌ nquewil na ja totajem xin Dios.

Marcos 13:9

Pro tebanaꞌ jutzꞌit cuenta ewiꞌ chiquewach ja winak como ejeꞌeꞌ nixquecꞌamel na pa tak kꞌetbaltzij in nixquirapaj chakajaꞌ pa tak jay xin molbal riꞌil. Nixquecꞌamel chiquewach gobernador, nixquecꞌamel chiquewach rey pro mwal anin tok xtiban queriꞌ chewe. Queriꞌ xtiban chewe utzcꞌa chi nel ntzijoxic chiquewach.

Marcos 4:17

Pro ejeꞌeꞌ e caniꞌ juleꞌ tijcoꞌm ja mta rcꞌamal, xa ti jurata nquinimaj. Ja cꞌa tok xterilaꞌ ja cꞌayewalaj tiempo ja tok nmajtaj rbanic pokon chique ja winak rmal ja rtzobal Dios ejeꞌeꞌ chanim nqueyaꞌ can.

Marcos 8:35

Queriꞌ nbij chewe como xa nak ta ja npokonaj nuyaꞌ can ja rcꞌaslemal jariꞌ matuwil cꞌariꞌ ja utzlaj cꞌaslemal ja mta qꞌuisic trij. Pro xa nak ta ja matipokonaj nuyaꞌ can ja rcꞌaslemal mwal anin in rmal ja utzlaj tzij ja ncꞌamonto jariꞌ can nuwil ja utzlaj cꞌaslemal ja mta qꞌuisic trij.

San Lucas 21:12

Pro ja tok majaꞌn tibantaj cumplir nojel awaꞌ ja cꞌa xinbij chewe riꞌ cꞌo jeꞌe rpokonal netij na pa quekꞌaꞌ ja winak. Nixquechap na, nixquecꞌamel pa tak jay xin molbal riꞌil, nixquecoj pa tak cheꞌ, nixquecꞌamel chiquewach rey, nixquecꞌamel chiquewach gobernador pro mwal anin tok xtiban queriꞌ chewe.

San Lucas 21:17

Xa itzel nixtzꞌat na cumal canojel ja winak pro mwal anin ja tok xtiban queriꞌ chewe.

San Lucas 6:22

Congana quiꞌil chewe ixix ja nixtzelax cumal ja winak in maquixcꞌul cumal in xa nixtzꞌuj cumal in nbix chewe cumal chi xa ix itzel tak winak pro congana quiꞌil chewe ja wi mwal anin tok nba̱n queriꞌ chewe, anin ja rin Alcꞌwalaxel ja xinoc alaxic cuqꞌuin ja winak.

San Lucas 9:24

Queriꞌ nbij chewe como xa nak ta ja npokonaj nuyaꞌ can ja rcꞌaslemal jariꞌ matuwil cꞌariꞌ ja utzlaj cꞌaslemal ja mta qꞌuisic trij. Pro xa nak ta ja matipokonaj nuyaꞌ can ja rcꞌaslemal mwal anin in rmal ja utzlaj tzij ja ncꞌamonto jariꞌ can nuwil ja utzlaj cꞌaslemal ja mta qꞌuisic trij.

San Juan 15:21

Pro mwal anin ja tok xtetij pokon pa quekꞌaꞌ. Ejeꞌeꞌ nqueban na pokon chewe como ma cotak ta janiꞌ rnaꞌoj ja Dios ja takyonto wxin.

San Juan 9:28

Ejeꞌeꞌ congana pi quiyewal trij in quewaꞌ quibij tre riꞌ: —Ja ratat ni kꞌalaj chi at discípulo rxin arjaꞌ pro ja rajoj ok discípulo rxin ja Moisés.

Hechos 9:16

Como anin nchꞌobo chwach chi congana rpokonal nutij na pa nubiꞌ, neꞌe ja kajaw Jesucristo tre.

Romanos 8:36

Queriꞌ nba̱n chake ja caniꞌ ban chique ja rtinamit Dios ojer in tzꞌibtal can quewariꞌ: —Kꞌij kꞌij ni pa camíc wiꞌ okcꞌo wiꞌ pro amwal atat tok nba̱n queriꞌ chake. Ja nba̱n chake xa ok caniꞌ juleꞌ tak carnelo ja rechapon chi nepochꞌi, queriꞌ bix tre ja Dios cumal ja rtinamit.

1 Corintios 4:10

Ajoj tok nkayaꞌ rbixic ja Cristo chique ja winak xa ok nacnak tak winak nokcheꞌxi cumal no ixix nenaꞌ kaj chi congana ewotak chic nojelal tre nak rbanic ja Cristo. Ajoj ma kas ta ok fuerte no ixix congana ix fuerte nenaꞌ kaj. Ixix congana nixban respetar no ajoj xa itzel noktzꞌati.

2 Corintios 4:11

Queriꞌ nbij chewe como ja rokcꞌasli ni ncanox wiꞌ kij kawach nak nba̱n chake chi nokcamsaxi pro rumac ja Jesús ja tok nba̱n queriꞌ chake. Queriꞌ nba̱n chake utzcꞌa chi bien nkꞌalajin na janiꞌ rcꞌaslemal ja Jesús chi ntajini nsamaji chipan ja kacꞌaslemal masqui xa ok ulew.

Filipenses 1:29

Queriꞌ rbanic como ixix yatajnak jun privilegio chewe chi yukul ecꞌuꞌx ruqꞌuin ja Cristo in nixsamaj pa rcuenta. Pro ma ruyon tariꞌ como cꞌo chi na jun privilegio yatajnak chewe jariꞌ chi netij rpokonal rmal ja Cristo chakajaꞌ.

1 Pedro 2:23

Ja tok cꞌoli ja pokonlaj tak tzij bix tre ma xuyaꞌ ta rjil rcꞌaxel. Ja tok ban pokon tre cumal ja winak arjaꞌ ma xcꞌutuj ta chi npi rcꞌayewal chiquij. Nojel ja ban tre xujach pa rukꞌaꞌ ja Dios como bien rotak chi ja Dios arjaꞌ utzlaj kꞌetoj tzij ja nuban.

1 Pedro 4:14

Ja wi rmal ja yukulbal ecꞌuꞌx ruqꞌuin ja Cristo tok nixtzꞌuji in tok nixyokꞌi jariꞌ cꞌoli rcꞌamonto chewe. Ja wi queriꞌ nba̱n chewe jariꞌ ni kꞌalaj wiꞌ chi cꞌol ewqꞌuin ja lokꞌlaj Espíritu Santo xin Dios. Ja nebano pokon chewe ejeꞌeꞌ xa itzel netzijon tre ja rEspíritu Santo pro ja rixix neyaꞌ rukꞌij.

Apocalipsis 2:3

Ecochꞌon ja penak jeꞌe chewij in cꞌol epaciencia chi rcochꞌic in mwal anin congana ixsamajnak pro ni ma capujnak ta wiꞌ ecꞌuꞌx.