San Mateo 4:9 - Tz'utujil (Ja Cꞌacꞌa Chominem)

⁹ in xbij chic tre: —Wi xcatxuqueꞌ chinwach wi nayaꞌ nukꞌij, anin njach pan akꞌaꞌ ja gobierno rxin nojel ja tinamit ja nmajon rcꞌutic chawach leꞌ, neꞌ chic tre.

Tz'utujil NT

⁹ y cawra xbij chic tzra: —We xtcatexque'a chenwech y naya' nuk'ij, anen quenjach pnak'a' je' gobierno rxin njelal tnamet jnemjon rc'utic chawech, cara' xbij tzra.

San Mateo 4:9 Iomraidhean Croise

San Mateo 26:15

Ja cꞌa tok xekaj cuqꞌuin quewaꞌ xbij chique riꞌ: —¿Nak neyaꞌ chwe can njach pan ekꞌaꞌ ja Jesús? neꞌ chique. Xa treinta rkan pwok plata ocnak ja quichomij ruqꞌuin.

San Mateo 4:10

Ja cꞌa Jesús quewaꞌ xbij tre riꞌ: —Jat, catel chinwach Satanás como tzꞌibtal can chipan ja rtzobal Dios chi xa ruyon ja Dios ja rawajaw catxuqueꞌ chwach, xa ruyon arjaꞌ tayaꞌaꞌ rukꞌij, queriꞌ nbij, neꞌ tre.

San Juan 12:31

Camic xurwilaꞌ ja tiempo chi nkꞌalajini nak rbanic ja ritzelal ja cꞌo pa tak canma ja winak waweꞌ chwachꞌulew, xurwilaꞌ ja tiempo chi nkajsax rchokꞌakꞌ ja Satanás ja nbano mandar waweꞌ chwachꞌulew in nbatataxel.

San Juan 13:3

Ja cꞌa Jesús arjaꞌ bien rotak chi jachon pa rukꞌaꞌ nojelal rmal ja Tatixel in bien rotak chakajaꞌ chi arjaꞌ ruqꞌuin ja Dios penak wiꞌ in ruqꞌuin nmeloj chi wiꞌ jutij.

San Juan 14:30

Xa jurata chic incꞌo checojol chi noktzijon ewqꞌuin. Queriꞌ nbij chewe como ja Satanás ja nbano mandar waweꞌ chwachꞌulew arjaꞌ xajalal majaꞌn turkaji chi ninurchapaꞌ pro arjaꞌ mta rukꞌaꞌ chwe, majun nak ta ninrchapbej.

2 Corintios 4:4

Matichꞌobtaj cumal como ja diablo ja rcojon riꞌ como dios waweꞌ chwachꞌulew arjaꞌ rmoyirsan ja quewiꞌ canma. Queriꞌ nuban ja diablo chique ja winak ja matiyukeꞌ quecꞌuꞌx ruqꞌuin ja Jesucristo utzcꞌa ja luz xin Dios matekaji pa tak canma. Jariꞌ luz jariꞌ ja utzlaj tzij xin Dios ja ncꞌutuwi chi janila nim rukꞌij ja Cristo. Ja cꞌa Cristo arjaꞌ ni junan quinaꞌoj ruqꞌuin ja Dios.

1 Timoteo 3:6

Ja wi cꞌo jun cꞌa ma jaruꞌ ta tiempo tinimaj ja Jesucristo jariꞌ mta moda xquerucꞌaj ta ja kachꞌalal como chaka jalal nuyaꞌ rukꞌij in nkaji pa juicio ja caniꞌ xuban ja diablo.

Apocalipsis 19:10

Ja cꞌa ranin xinxuqueꞌ chwach ja ángel, laj xinyaꞌ rukꞌij pro arjaꞌ quewaꞌ xbij chwe riꞌ: —Ma taban ta quelaꞌ como ja ranin xa ok junan awqꞌuin, xa ok ajsamajelaꞌ rxin ja Dios e kachbil ja rawachꞌalal ja nqueyaꞌ testigoꞌil trij ja Jesús. Ja más mejor naban, Dios ja tayaꞌaꞌ rukꞌij. Queriꞌ nbij chawe como ja tok nkayaꞌ testigoꞌil trij ja Jesús jariꞌ tibij tzij chi ja mismo Espíritu Santo cꞌayon kaxin chi rbixic ja kꞌalasan jeꞌe rmal ja Dios.

Apocalipsis 19:16

Ja tziak rcojon cꞌo jun biꞌaj tzꞌibtal trij in bien kꞌalaj ja bar tzꞌibtal wiꞌ, quewaꞌ nbij ja biꞌaj riꞌ, Rey quixin nimak tak rey, Jefe quixin nimak tak jefe.