San Mateo 4:3 - Tz'utujil (Ja Cꞌacꞌa Chominem)

³ Ja cꞌa diablo ja takchinel arjaꞌ xekaj ruqꞌuin ja Jesús in quewaꞌ xbij tre riꞌ: —Ja wi katzij chi atat ja rat Ralcꞌwal Dios tabij cꞌa trewaꞌ ja juleꞌ abaj riꞌ chi noc way, neꞌ tre.

Tz'utujil NT

³ Ja itzel wnak xba ruq'uin Jesús chnerebna' tentar y cawra xbij tzra: —We ktzitzij at Rlec'wal Dios tbij c'a tzra nic'aj abaj jawra che noca way, cara' xbij tzra.

San Mateo 4:3 Iomraidhean Croise

San Mateo 14:33

Ja cꞌa recꞌo chipan ja lancha ejeꞌeꞌ quemaj ryaꞌic rukꞌij, quewaꞌ quibij tre riꞌ: —Ni katzij wiꞌ chi atat ja rat Ralcꞌwal Dios, xecheꞌ tre.

San Mateo 16:16

Peti ja Simón Pedro, xbij tre: —Ja ratat at Cristo at Ralcꞌwal ja cꞌaslic Dios, neꞌ tre.

San Mateo 26:63

Pro ja Jesús ni maticꞌulbaꞌ wiꞌ ja nbix tre. In bix chic tre rmal ja lokꞌlaj sacerdote: —Chwach ja cꞌaslic Dios tabij chake ¿la atat ja rat Cristo ja rat Ralcꞌwal Dios? neꞌx rmal.

San Mateo 3:17

In cꞌo jun kulaj penak chilaꞌ chicaj cꞌaxaxi, quewaꞌ xbij riꞌ: —Jawaꞌ wariꞌ jawaꞌ chakꞌlaj Walcꞌwal, congana ninquicot trij, neꞌe ja kulaj xin Dios.

Marcos 1:1

Quewaꞌ rbanic ja tok majtaj rkꞌalasaxic ja utzlaj tzij ja nucꞌut chikawach nak rbanic ja Jesucristo ja Ralcꞌwal Dios.

Marcos 3:11

Ja cꞌa ritzel tak espíritu ja recꞌo chique ja winak ejeꞌeꞌ tok quetzꞌat ja Jesús xexuqueꞌ chwach, quemaj rakic quechiꞌ in quewaꞌ quibij tre riꞌ: —Atat ja rat Ralcꞌwal Dios, xecheꞌ tre.

Marcos 5:7

in xumaj rakic ruchiꞌ: —Jesús, atat ja rat Ralcꞌwal ja nimlaj Dios ¿nak nawajoꞌ chwe? Chwach Dios nbij chawe, maxta taban pokon chwe, neꞌ tre.

San Lucas 1:35

Quewaꞌ bix chic tre rmal ja ángel riꞌ: —Ja rEspíritu Santo arjaꞌ nkajto na awqꞌuin in ja poder rxin ja nimlaj Dios jariꞌ nsamaj na awqꞌuin rmalcꞌariꞌ tok ja santilaj acꞌal ja xtiqꞌuejeꞌ chwiakꞌaꞌ Ralcꞌwal Dios xtibinaꞌax tre.

San Lucas 22:70

—¿La atat cꞌa ja rat Ralcꞌwal Dios? xecheꞌ tre. —Queriꞌ ja caniꞌ nebij leꞌ, neꞌe ja Jesús chique.

San Lucas 4:3

Peti ja diablo: —Ja wi katzij chi atat ja rat Ralcꞌwal Dios tabij cꞌa trewaꞌ ja jun abaj riꞌ chi noc way, neꞌe ja diablo tre ja Jesús.

San Lucas 4:41

In chakajaꞌ e qꞌuiy chique ja winak ecꞌol itzel tak espíritu xeꞌel pa tak canma. Ja cꞌa ritzel tak espíritu tok xeꞌeli querak quechiꞌ in quewaꞌ quibij tre ja Jesús riꞌ: —Atat ja rat Ralcꞌwal Dios, xecheꞌ tre. Pro ja cꞌa Jesús arjaꞌ xerukꞌil chi maquetzijon más como ejeꞌeꞌ cotak chi arjaꞌ ja Cristo ja chaꞌon rmal ja Dios.

San Lucas 4:9

Cꞌacꞌariꞌ ja diablo xucꞌamel chic ja Jesús, xebe chipan ja tinamit Jerusalén. Ja cꞌa tok xeꞌekaji xjotbaꞌ parwiꞌ ja nimlaj templo xin Dios in xbij tre: —Ja wi katzij chi atat ja rat Ralcꞌwal Dios taqꞌuiakaꞌel cꞌa awiꞌ waweꞌ riꞌ

San Juan 1:34

in caniꞌ xbij chwe ni queriꞌ xintzꞌat in camic nbij chewe chi jalaꞌ jun achi leꞌ arjaꞌ ja Ralcꞌwal Dios. Queriꞌ xbij ja Juan chique ja winak.

San Juan 1:49

—Rabí, camic bien chꞌobtaj mwal chi atat ja rat Ralcꞌwal Dios, atat ja rat Rey kaxin ja rok aj Israel, neꞌe ja Natanael tre.

San Juan 20:31

Pro cꞌoli ja xintzꞌibaj chipan awaꞌ jun libro riꞌ utzcꞌa chi nenimaj ja Jesús chi arjaꞌ ja Cristo ja Ralcꞌwal Dios in tok queriꞌ nenimaj jariꞌ nyataj chewe ja utzlaj cꞌaslemal ja mta qꞌuisic trij como jariꞌ nyataj chake ja tok xa jun nkaban ruqꞌuin.

San Juan 9:35

Ja cꞌa Jesús tok xcꞌaxaj chi wasaxto ja rachi in maticꞌul chic arjaꞌ be, xerilaꞌ in quewaꞌ xcꞌaxaj tre riꞌ: —¿La yukul chic acꞌuꞌx ruqꞌuin ja Ralcꞌwal Dios? neꞌ tre.

Hechos 9:20

Cꞌacꞌariꞌ xumaj oquem pa tak jay xin molbal riꞌil ja bar nquemol wiꞌ quiꞌ ja raj Israel in xumaj rbixic chique nak ocnak wiꞌ ja Jesús: —Ja Jesús arjaꞌ Ralcꞌwal Dios, neꞌ chique.

2 Corintios 1:19

Como ja kayaꞌ rbixic chewe jariꞌ Jesucristo ja Ralcꞌwal Dios, queriꞌ xinban anin e wachbil ja Silvano in Timoteo. Ja Jesucristo arjaꞌ mta jutij xbij ta jun tzij ja xta chuchiꞌ cꞌo wiꞌ pro ni nuban wiꞌ cumplir ja ntzujuj.

Gálatas 2:20

Ja chwe anin, anin jun xincamsax ruqꞌuin ja Cristo chwach ja cruz. Ja cꞌaslemal ja cꞌo chic chwe camic jariꞌ ma anin chi ta ja rincꞌasli, Cristo chic ja cꞌas pa wanma. Ja yukulbal nucꞌuꞌx ruqꞌuin ja Cristo ja Ralcꞌwal Dios jariꞌ cꞌayon chic wxin chipan awaꞌ cꞌaslemal ja cꞌo chic chwe waweꞌ chwachꞌulew. Janila ninrajoꞌ ja Cristo como arjaꞌ ma xpokonaj ta xuyaꞌ riꞌ pa camíc mwal.

1 Tesalonicenses 3:5

Rmalariꞌ ja tok ma xcochꞌtaj chi ta mwal ja mchita ewach ntzꞌaton nak ebanon in xintakel ja Timoteo ewqꞌuin chi nwotakij nak rbanon ja yukulbal ecꞌuꞌx ruqꞌuin ja Jesucristo. Queriꞌ xinban como chaka jalal tok nixrtakchiꞌij ja diablo chipan ja ritzelal in ja wi queriꞌ neban jariꞌ xa mta noc wiꞌ ja samaj kabanon checojol.

Hebreos 12:16

Maxta cꞌo jun chewe toc ruqꞌuin jun chic ja wi ma rxjayil ta owi ma rchajil ta. Ja ntzujuj ja Dios chake maxta cꞌo jun chewe tuban tre ni ma vale ta chwach. Caniꞌ tre ja rEsaú ojer, ja nabey rwinakil xuban tre ni ma vale ta chwach, xa xcꞌayij pon, xa jutzꞌit ti rway xcꞌutuj pa rqꞌuexwach.

Hebreos 4:14

Wachꞌalal, ja Jesús ja Ralcꞌwal Dios como arjaꞌ ocnak jun lokꞌlaj sacerdote kaxin ja ncojo kaxin chwach ja Dios in como arjaꞌ chijutij ekajnak triꞌ ja bar cꞌo wiꞌ ja Dios rmalcꞌariꞌ nbij jutzꞌit rubiꞌ chewe, cow kopeꞌi jutzꞌit, maxta tikayaꞌ can ja utzlaj tzij ja kaniman.

Hebreos 7:3

Ma ecꞌo ta ja rtataꞌ ruteꞌ ja Melquisedec ja nenatax ta chipan ja rtzobal Dios, ma ecꞌo ta ratiꞌt rmamaꞌ nenatax ta chipan chakajaꞌ in mta ja ralaxic nnatax ta in nixtacꞌa rcamic ta chakajaꞌ. Pro ja rbanic, chijutij ocnak sacerdote in ni mta wiꞌ qꞌuisic trij ja rsacerdoteꞌil jariꞌ junan caniꞌ tre rbanic ja Ralcꞌwal Dios.

1 Juan 3:8

Pro ja winak ja chaka nemacuni ejeꞌeꞌ riꞌ e ralcꞌwal diablo caniꞌ tre ja diablo arjaꞌ nij ajꞌil nij ajmac wiꞌ ja tok tzꞌucarsaxto ja rwachꞌulew. Ja cꞌa Ralcꞌwal Dios peti waweꞌ chwachꞌulew chi ryojic ja samaj ja nuban ja diablo.

Apocalipsis 2:10

Ma texbej ta ewiꞌ chwach ja rpokonal ja nixkꞌax na chipan. Bien tecꞌwaxaj ja xtinbij chewe riꞌ, ecꞌoli chewe ja diablo arjaꞌ nerucoj na pa cheꞌ jariꞌ nixrtakchibej chi neyaꞌ can ja yukulbal ecꞌuꞌx ruqꞌuin ja Dios in lajuj kꞌij nixqꞌuejeꞌ na chipan ja rpokonal. Ni ta yukul wiꞌ ecꞌuꞌx ruqꞌuin ja Dios chijutij, ni ta quirwariꞌ ebanon ja tok xquixcami. Ja wi queriꞌ neban cꞌo jun corona ja nyataj chewe jariꞌ ja utzlaj cꞌaslemal ja mta qꞌuisic trij.