San Mateo 3:7 - Tz'utujil (Ja Cꞌacꞌa Chominem)

⁷ E qꞌuiy chique ja fariseo e cachbil ja saduceo ejeꞌeꞌ xeꞌekaj ruqꞌuin ja Juan chi neba̱n bautizar rmal pro ja cꞌa Juan tok xerutzꞌat arjaꞌ xbij chique: —Ixix congana itzel tak naꞌoj ewcꞌan, ix caniꞌ juleꞌ itzel tak cumatz. ¿Nak bin chewe chi nixanmaj chwach ja nimlaj juicio ja nnakajinto?

Tz'utujil NT

⁷ E q'uiy chca aj fariseo e quexbil aj saduceo arj-e' xe'ekaja ruq'uin Juan che nqueba'na bautizar per Juan tak xerutz'et arja' cawra xbij chca: —Ixix congan itzel tak na'oj ewc'an, ixix ix ajni' ix itzel tak cmetz. ¿Nak nbina chewa che nquixnanmaja chwech nimlaj juicio je ntajin ta?

San Mateo 3:7 Iomraidhean Croise

San Mateo 12:24

Ja cꞌa fariseo ejeꞌeꞌ quicꞌaxaj ja quibij ja winak in quewaꞌ quibij riꞌ: —Jalaꞌ rachi leꞌ ja tok nerlasaj itzel tak espíritu chique ja winak xa poder xin Beelzebú nucoj ja jefe quixin ja ritzel tak espíritu, xecheꞌe.

San Mateo 12:34

Ixix congana itzel tak naꞌoj ewcꞌan, ix caniꞌ juleꞌ itzel tak cumatz. Congana cꞌayew xtelpi ta juleꞌ utzlaj tak tzij pan echiꞌ como xa ix itzel tak winak. Queriꞌ nbij chewe como ja nojnak pa tak ewanma jariꞌ nelto pan echiꞌ.

San Mateo 15:12

Ja cꞌa rdiscípulo ejeꞌeꞌ xetiloc ruqꞌuin in quibij tre: —¿La awotak chi ja fariseo junwiꞌ quicꞌaxaj ja xabij leꞌ? xa pokon nquenaꞌ rmal, xecheꞌ tre.

San Mateo 16:1

Ecꞌo cꞌa juleꞌ fariseo e cachbil juleꞌ saduceo, ejeꞌeꞌ xeꞌekaj ruqꞌuin ja Jesús. Cꞌoli quicꞌaxaj tre pro xa nquicꞌambajbej rxin, quewaꞌ quibij tre riꞌ: —Tabanaꞌ jun milagro ja ncꞌutu chikawach chi Dios yoyon chawe ja poder ja cꞌo pan akꞌaꞌ, xecheꞌ tre.

San Mateo 16:6

Ja cꞌa Jesús xbij chique: —Kas bien techꞌoboꞌ, kas tebanaꞌ cuenta ewiꞌ chwach ja levadura quixin ja fariseo e cachbil ja saduceo, neꞌ chique.

San Mateo 22:15

Ja cꞌa fariseo ejeꞌeꞌ xebe, quechꞌob rij rwach nak nqueban tre ja Jesús utzcꞌa chi cꞌo jun tzij nelto pa ruchiꞌ in jariꞌ tzij nquichapbej rxin.

San Mateo 22:23

Jariꞌ mismo kꞌij chakajaꞌ ecꞌo juleꞌ saduceo xebe ruqꞌuin ja Jesús. Ja saduceo ejeꞌeꞌ matiquinimaj chi necꞌastaji ja camnakiꞌ. Ja cꞌa tok xeꞌekaj ruqꞌuin quewaꞌ quibij tre riꞌ:

San Mateo 22:34

Ja cꞌa fariseo tok xekaj rbixic cuqꞌuin chi tzꞌapix quechiꞌ ja saduceo rmal ja Jesús ejeꞌeꞌ quemol quiꞌ in xebe ruqꞌuin.

San Mateo 23:33

Congana ix itzel tak winak, ix caniꞌ juleꞌ itzel tak cumatz ¿nak moda xtetoꞌ ewiꞌ maquita xquixban condenar chi nixtakel pa kꞌakꞌ?

San Mateo 5:20

Anin nbij chewe, ja rewutzil wi xa junan ja caniꞌ cutzil ja maestro ja netijon quixin ja winak tre ja ley xin Dios, wi xa junan ja caniꞌ cutzil ja fariseo jariꞌ ni maquixoc wiꞌ chipan ja gobierno xin chilaꞌ chicaj, ni rjawaxic wiꞌ chi nechꞌuclaꞌaj ja rewutzil.

Marcos 12:13

Cꞌacꞌariꞌ ja Jesús xeta̱kel juleꞌ fariseo ruqꞌuin e cachbil juleꞌ winak ja recꞌo chipan ja partido xin Herodes, xeta̱kel chi netzijon ruqꞌuin utzcꞌa chi cꞌo jun tzij nelto pa ruchiꞌ in jariꞌ tzij nquichapbej rxin.

Marcos 12:18

Ecꞌo cꞌa juleꞌ saduceo xebe ruqꞌuin ja Jesús. Ja saduceo ejeꞌeꞌ matiquinimaj chi necꞌastaji ja camnakiꞌ. Ja cꞌa tok xeꞌekaj ruqꞌuin quewaꞌ quibij tre riꞌ:

Marcos 8:15

Ja cꞌa Jesús quewaꞌ xbij chique riꞌ: —Kas bien techꞌoboꞌ, kas bien tebanaꞌ cuenta ewiꞌ chwach ja levadura quixin ja fariseo in chwach chakajaꞌ ja levadura rxin ja Herodes, neꞌ chique.

San Lucas 16:14

Ja cꞌa fariseo ejeꞌeꞌ quicꞌaxaj chakajaꞌ nojel ja xbij ja Jesús tre ja mebaꞌil. Rmalcꞌariꞌ tok quemaj ryokꞌic como ejeꞌeꞌ chaka benak chi nquiyarij ja mebaꞌil xin rwachꞌulew.

San Lucas 18:11

Ja cꞌa tok xeꞌekaj chipan ja templo ja fariseo arjaꞌ peꞌi in xumaj rbanic jun oración pro xa yaꞌbal rukꞌij arjaꞌ xuban kaj ruyon, quewaꞌ ja roración ja xuban riꞌ: —Anin nmaltioxij chawe Dios ja ma in junan ta cuqꞌuin ja juleꞌ chic achiꞌiꞌ caniꞌ chique alakꞌomaꞌ in chique ja matiquinimaj ja ley in chique ja nebano rij tak quewiꞌ ja quixjayilal. Nmaltioxij chawe chakajaꞌ ja ma in junan ta ruqꞌuin alaꞌ jun achi ja molol impuesto leꞌ.

San Lucas 7:30

Pro ja cꞌa fariseo e cachbil ja maestro ja netijon quixin ja winak tre ja ley xin Dios ejeꞌeꞌ ma xcajoꞌ ta xeba̱n ta bautizar rmal ja Juan, jariꞌ xa nquechꞌaꞌ ja rvoluntad Dios pa tak quicꞌaslemal.

San Juan 1:24

Ja rachiꞌiꞌ ja retakonel ruqꞌuin ja Juan ecꞌo juleꞌ fariseo etakyonel quixin.

San Juan 8:44

Ixix ix ralcꞌwal ja diablo in nak cꞌo rgana ja diablo chi nuban nijawariꞌ cꞌol egana ixix neban chakajaꞌ. Ja diablo arjaꞌ ni camsanel wiꞌ ja tok winakarto ja rwachꞌulew. Nojelal ja nbij ja Dios xa rcꞌulel ja diablo como ja diablo arjaꞌ ni majutij ja katzij ta nbij. Ja tok nutzꞌak tzij ja diablo jariꞌ ni rxin wiꞌ como arjaꞌ ni tzꞌakol tzij wiꞌ, arjaꞌ kas nwinakarsani ja tzꞌakoj tak tzij.

San Juan 9:40

Ecꞌoli ja fariseo ecꞌo chinakaj ja Jesús tok quicꞌaxaj ja xbij congana pi quiyewal trij in quewaꞌ quibij tre riꞌ: —¿La ok moyaꞌ laꞌan ajoj chakajaꞌ chewiꞌ tok nabij queriꞌ? xecheꞌ tre.

Hechos 15:5

Pro ecꞌo juleꞌ kachꞌalal e fariseo, ejeꞌeꞌ xeyictaji in quewaꞌ quibij riꞌ: —Ni rjawaxic wiꞌ chi nekaban circuncidar ja kachꞌalal ja ma e kach aj Israel ta, ni rjawaxic wiꞌ chi nkabij chique chi puersa nquinimaj ja ley xin Dios ja tzꞌibtal can rmal ja Moisés, xecheꞌe.

Hechos 20:31

Rmalcꞌariꞌ ja tok nbij chewe, tebanaꞌ cuenta ewiꞌ, bien turkaj chewe ja roxiꞌ junaꞌ ja xinqꞌuejeꞌ ewqꞌuin, chi pa kꞌij chi chakꞌaꞌ ni cꞌo wiꞌ ja paxbanem xinyaꞌ chewe chejujunal, cꞌo nariꞌ xinokꞌ emwal.

Hechos 26:5

Ja wi cꞌo quigana nquibij chawe bien cotak chi fariseo xinoc wiꞌ, bien cotak chi cꞌa in cꞌajol na ja tok xinocto fariseo. Ja cꞌa rok fariseo, ajoj más chi na nkatij kakꞌij chi rnimaxic ja kareligión chiquewach ja juleꞌ chic wach tak aj Israel.

Hechos 5:17

Pro yictaji ja lokꞌlaj sacerdote in xeyictaji chakajaꞌ canojel ja recꞌo ruqꞌuin, ejeꞌeꞌ riꞌ ja saduceo, ejeꞌeꞌ congana quiakirnak canma chiquij ja rapóstol.

Romanos 1:18

Como ja Dios ja cꞌo chilaꞌ chicaj arjaꞌ rkꞌalasan chic camic chi congana ryewal penak rumac nojel ja nqueban ja winak ja quimestan chic ja Dios in matiqueyaꞌ chic caso tre ja nbij in xa itzelal ja nqueban. Ja cꞌa ritzelal nqueban jariꞌ nquitzꞌapbej quixquin, maticajoꞌ ncotakij nak ja kas mero rbanic ja Dios ja katzij chi Dios.

Romanos 5:9

Ja Cristo wi conforme xuban queriꞌ chake ja tok cꞌa okcꞌo na chipan ja kil kamac más chi na conforme chi nokrutoꞌ camic. Como ja camic, rumac ja rquiqꞌuel banon chic chake caniꞌ mta kil kamac kabanon in rmalariꞌ tok bien kotak chi ma xtikaj ta chakij ja ryewal Dios como ja Cristo arjaꞌ xtitoꞌo kaxin chipan.

1 Tesalonicenses 1:10

in tok xeꞌeyaꞌ can ja cachbal tak winak in rachbal tak nakun in maquixxuqueꞌ chic chiquewach in nixquicot chic chi raybexic ja kꞌij tok xtipi chic jutij ja Ralcꞌwal Dios chilaꞌ chicaj. Arjaꞌ Jesús yataj tre rmal ja Dios chi cꞌastaji chiquicojol ja camnakiꞌ, arjaꞌ noktoꞌowi chipan ja ryewal Dios ja penak chakij.

Hebreos 11:7

Ja Noé chakajaꞌ, rmal ja yukulbal rucꞌuꞌx ruqꞌuin ja Dios arjaꞌ xnimaj ja Dios ja tok bix tre chi cꞌo jun juicio penak. Arjaꞌ bien xnimaj masqui majaꞌn tutzꞌat ja juicio penak. Rmal cꞌa ja yukulbal rucꞌuꞌx tok xuban jun nimlaj lancha, xeꞌoc chipan e rachbil canojel ja recꞌo pa rochoch, queriꞌ queban xetotaji chipan ja juicio. Triꞌ cꞌa nkatzꞌat wiꞌ chi ja ma xeniman ta ni pa quil wiꞌ ban chique xecamsaxi. Ja Noé yukeꞌ rucꞌuꞌx ruqꞌuin ja Dios xa chewiꞌ tok cꞌul rmal como queriꞌ nuban ja Dios chawe natrucꞌul ja tok nyukeꞌ acꞌuꞌx ruqꞌuin.

Hebreos 6:18

Queriꞌ cꞌa xuban ja Dios, caꞌiꞌ ja xbij can, jun, cꞌoli ja xtzujuj in jun chic, cꞌo jun juramento xuban ja ncꞌutbej chi ni nuyaꞌ wiꞌ ja xtzujuj in ni mta wiꞌ qꞌuextajic trij awaꞌ ja caꞌiꞌ riꞌ ja xbij can como ja Dios mta moda xtutzꞌak ta juleꞌ tzij. Queriꞌ xuban pro kumal ajoj ja xokanmaj chwach ja il mac in xekatoꞌoꞌ kiꞌ ruqꞌuin. Queriꞌ xuban chi ryukbaxic kacꞌuꞌx utzcꞌa chi nyukeꞌe ja kacꞌuꞌx chijutij ruqꞌuin ja rtzujun can chake ja kayben camic.

1 Juan 3:10

Waweꞌ nkatzꞌat wiꞌ echinatak ja ralcꞌwal Dios in echinatak ja ralcꞌwal diablo, ja wi ma utz ta ja nqueban in wi maquecajoꞌ ja cachꞌalal ma e ralcꞌwal Dios ta cꞌariꞌ.