San Mateo 3:2 - Tz'utujil (Ja Cꞌacꞌa Chominem)

² Quewaꞌ nbij chique ja winak riꞌ: —Teqꞌuexaꞌ ja renaꞌoj in teyaꞌaꞌ can ja ritzelal como xa nnakajinto ja gobierno xin chilaꞌ chicaj, neꞌ chique.

Tz'utujil NT

² Cawra nbij chca wnak: —Tec'xa' ena'oj y tey-a' cana rtzilal com xyamer npeta jgobierno rxin chcaj, cara' nbij chca.

San Mateo 3:2 Iomraidhean Croise

San Mateo 10:7

Chipan ja viaje xteban nijawawaꞌ xteyaꞌ rbixic chique ja winak riꞌ: —Xa nnakajinto ja gobierno xin chilaꞌ chicaj, quixcheꞌ chique.

San Mateo 11:20

Ja cꞌa Jesús arjaꞌ xumaj quinataxic ja winak ja recꞌo pa tak tinamit ja bar rbanon wiꞌ jeꞌe nimak tak milagro. Arjaꞌ xbij juleꞌ cowlaj tak tzij chique rumac ja ma quiqꞌuexon ta ja quinaꞌoj in ma quiyaꞌon can ta ja ritzelal. Quewaꞌ xbij chique riꞌ:

San Mateo 12:41

Ja tok xterilaꞌ ja nimlaj kꞌij xin juicio ja rachiꞌiꞌ ja recꞌo chipan ja tinamit Nínive ojer ejeꞌeꞌ xqueyictaji ix cachbil ja rix tinamit Israel in ejeꞌeꞌ neꞌoc e kꞌetol tak tzij chewij. Queriꞌ nbij chewe como ja raj Nínive ejeꞌeꞌ tok quicꞌaxaj ja rtzobal Dios ja bix chique rmal ja Jonás ojer qꞌuextaji ja quinaꞌoj in queyaꞌ can ja ritzelal. In ja camic nbij chewe, anin más chi na nim nukꞌij chwach ja Jonás.

San Mateo 13:11

Ja cꞌa Jesús arjaꞌ xbij chique: —Ja rixix yatajnak chewe chi newotakij nak rbanic ja rawatal jeꞌe tre ja gobierno xin chilaꞌ chicaj pro ja chique ja juleꞌ chic winak leꞌ ejeꞌeꞌ ma yatajnak ta chique.

San Mateo 13:24

In cꞌo chic jun ja cꞌambal tzij xbij chique quewariꞌ: —Ja gobierno xin chilaꞌ chicaj queriꞌ rbanic caniꞌ xuban jun achi xutic juleꞌ utzlaj ijaꞌtz xin trigo pa rchenoj.

San Mateo 13:31

In cꞌo chi cꞌa jun ja cꞌambal tzij xbij chique quewariꞌ: —Ja gobierno xin chilaꞌ chicaj queriꞌ rbanic caniꞌ jun ti chirwach mostaza cꞌamarel rmal jun achi, xutic pa rchenoj.

San Mateo 13:33

In cꞌo chic jun ja cꞌambal tzij xbij chique quewariꞌ: —Ja gobierno xin chilaꞌ chicaj queriꞌ rbanic caniꞌ nuban juleꞌ levadura ja nsapoji caxlanway rmal in cꞌo jun ixok xucꞌam, xuyaꞌ chipan juleꞌ kꞌor, oxiꞌ pajbal harina ocnak. Ja cꞌa tok qꞌuiswani ja levadura mta ja maquita xekaj wiꞌ tre ja kꞌor, congana samaj chipan. Queriꞌ ja cꞌambal tzij xbij chique.

San Mateo 13:47

In jun chic, ja gobierno xin chilaꞌ chicaj queriꞌ rbanic caniꞌ jun cꞌam nqꞌuia̱k pa mar in neꞌoqui ja chꞌuꞌ chipan pro nojel quewach ja chꞌuꞌ neꞌoc chipan.

San Mateo 13:52

In xbij chic jutij chique: —Como nchꞌobtaj emwal rmalcꞌariꞌ nbij chewe chi canojel ja maestro ja nquitijoj quiꞌ tre ja gobierno xin chilaꞌ chicaj ejeꞌeꞌ e junan ruqꞌuin jun rajaw jay ja cꞌoli nojel ruqꞌuin ja ncꞌatzini, cꞌo cꞌacꞌa, cꞌo ma cꞌacꞌa ta chakajaꞌ in arjaꞌ nlasajto xa nak ta ncꞌatzin tre chi caꞌiꞌ. Queriꞌ ja xbij chique.

San Mateo 18:23

Rmalcꞌariꞌ tok nbij jun cꞌambal tzij chewe riꞌ. Ja gobierno xin chilaꞌ chicaj queriꞌ rbanic caniꞌ nuban jun rey tok nchomij cuenta cuqꞌuin ja nesamaj ruqꞌuin.

San Mateo 20:1

Ja gobierno xin chilaꞌ chicaj queriꞌ rbanic caniꞌ xuban jun tatixel jutij, pa jun akꞌabil chanim xelel, be chi quicanoxic juleꞌ rmoso chi nesamaj chipan ja rtijcoꞌm.

San Mateo 22:2

—Ja gobierno xin chilaꞌ chicaj queriꞌ rbanic caniꞌ xuban jun rey, cꞌo jun rcꞌajol cꞌuleꞌe in xuban jun nimlaj waꞌim rxin ja cꞌulbic.

San Mateo 23:13

Pro congana lawuloꞌ chewe ixix ja rix maestro rxin ja ley xin Dios ja tzꞌibtal can rmal ja Moisés in chewe ixix ja rix fariseo, cacaꞌ epalaj como ixix nixtajini netzꞌapij quebey ja winak chiquewach utzcꞌa chi maqueꞌoc chipan ja gobierno xin chilaꞌ chicaj. Nixtacꞌa ixix ta ixocnak ta chipan in nixtacꞌa neyaꞌ ta lugar chique ja winak ja cꞌo quigana neꞌoc chipan.

San Mateo 25:1

Ja cꞌa chipan ariꞌ tiempo ja gobierno xin chilaꞌ chicaj queriꞌ rbanic caniꞌ queban e lajuj xtaniꞌ kꞌapojaꞌ. Ejeꞌeꞌ como cꞌo jun cꞌulbic nbani quecꞌamel quicandil chiquijujunal, xebe chi rcꞌulic ja rachi ja ncꞌuleꞌe.

San Mateo 25:14

In jun chic, ja gobierno xin chilaꞌ chicaj queriꞌ rbanic caniꞌ xuban jun achi tok xajalal majaꞌn tibe pa viaje, arjaꞌ xersiqꞌuij ja rmoso. Ja cꞌa tok xeꞌekaj ruqꞌuin xumaj rjachic ja rmebaꞌil pa quekꞌaꞌ ja nquibanbej can rnegocio.

San Mateo 4:17

Ja cꞌa Jesús jariꞌ kꞌij xumajel rbixic ja rtzobal Dios chique ja winak in quewaꞌ nbij chique riꞌ: —Ja gobierno xin chilaꞌ chicaj xa nnakajinto rmalcꞌariꞌ tok nbij chewe, teqꞌuexaꞌ ja renaꞌoj, teyaꞌaꞌ can ja ritzelal, neꞌ chique.

San Mateo 4:23

Ja cꞌa Jesús arjaꞌ be nat nakaj chipan ja departamento Galilea, nertijoj ja winak pa tak jay xin molbal riꞌil ja bar nquemol wiꞌ quiꞌ chi rcꞌaxaxic ja rtzobal Dios, nuyaꞌ rbixic chique ja utzlaj tzij tre ja gobierno xin chilaꞌ chicaj in chakajaꞌ ecꞌoli ja yawaꞌiꞌ nertzursaj xa nak ta ntiꞌon chique.

San Mateo 5:10

Congana quiꞌil chique ja winak ja nba̱n itzel chique rumac ja rutzil xin Dios nqueban, congana quiꞌil chique como quixin cꞌariꞌ ja gobierno xin chilaꞌ chicaj.

San Mateo 5:3

—Congana quiꞌil chique ja winak ja chꞌobtajnak cumal chi ni ncꞌatzin wiꞌ ja rEspíritu Santo chique chi nqꞌuejeꞌ pa tak canma, congana quiꞌil chique como quixin cꞌariꞌ ja gobierno xin chilaꞌ chicaj.

San Mateo 6:10

Xtikajpi ta ja ragobierno waweꞌ chwachꞌulew, xtinimax ta ja ravoluntad atat waweꞌ ja caniꞌ ntajini nba̱n chilaꞌ chicaj nnimaxi.

San Mateo 6:33

Pro ja kas rjawaxic chi neban nabey, ja gobierno xin Dios ni ta ja wariꞌ nechꞌob in ja rutzil xin Dios chakajaꞌ. Ja wi queriꞌ neban nojel awaꞌ ja ncꞌatzin chewe nyataj chewe.

Marcos 1:15

Quewaꞌ nbij riꞌ: —Camic xurtzꞌakati ja tiempo, ja gobierno xin Dios xa nnakajinto rmalcꞌariꞌ tok nbij chewe, teqꞌuexaꞌ ja renaꞌoj in teyaꞌaꞌ can ja ritzelal, tenimaj ja utzlaj tzij ja rcꞌamonto ja totajem xin Dios, neꞌe.

Marcos 1:4

In queriꞌ bantaji, peti ja tajkoꞌm, Juan rubiꞌ, arjaꞌ neruban bautizar ja winak. Arjaꞌ chipan ja lugar ja kas talan wiꞌ triꞌ nqꞌuejeꞌ wiꞌ in quewaꞌ nbij chique ja winak riꞌ: —Teqꞌuexaꞌ ja renaꞌoj, teyaꞌaꞌ can ja ritzelal in quixban bautizar, quirtariꞌ neban utzcꞌa chi ncuytaji ja rewil emac, neꞌ chique.

Marcos 6:12

Ja cꞌa cablajuj discípulo ejeꞌeꞌ xeꞌelel, xebe cuqꞌuin ja winak in quewaꞌ nquibij chique riꞌ: —Teqꞌuexaꞌ ja renaꞌoj in teyaꞌaꞌ can ja ritzelal, necheꞌ chique.

San Lucas 1:16

Rmal arjaꞌ tok e qꞌuiy ja winak ja rawach tak aj Israel ejeꞌeꞌ nqueqꞌuex na quinaꞌoj in nquinimaj chic ja kajaw Dios.

San Lucas 11:20

Ja ranin poder xin Dios ncoj ja tok nenlasaj ja demonio in wi queriꞌ nban tibij cꞌa tzij ariꞌ chi ja gobierno xin Dios kajnakto chic checojol.

San Lucas 13:3

Ma queriꞌ ta. Tzucꞌa chewe ixix chakajaꞌ wi mateqꞌuex ja renaꞌoj, wi mateyaꞌ can ja ritzelal jariꞌ camíc nesiqꞌuij chewij chakajaꞌ.

San Lucas 13:5

Ma queriꞌ ta. Tzucꞌa ixix chakajaꞌ wi mateqꞌuex ja renaꞌoj, wi mateyaꞌ can ja ritzelal jariꞌ camíc nesiqꞌuij chewij chakajaꞌ, neꞌe ja Jesús chique.

San Lucas 15:10

In queriꞌ cꞌa nbij anin chewe chakajaꞌ, jun ajꞌil ajmac tok nuqꞌuex rnaꞌoj in nuyaꞌ can ja ritzelal jariꞌ congana nequicoti ja ángel trij xin Dios. Queriꞌ xbij ja Jesús chique.

San Lucas 15:7

In queriꞌ cꞌa nbij anin chewe chakajaꞌ, jun ajꞌil ajmac tok nuqꞌuex rnaꞌoj in nuyaꞌ can ja ritzelal jariꞌ más chi na nequicoti ja recꞌo chilaꞌ chicaj chwach ja tok ecꞌo noventinueve ja re utzlaj tak winak necheꞌxi ja mta rjawaxic chique chi nqueqꞌuex quinaꞌoj.

San Lucas 16:30

—Mni nataꞌ Abraham, pro wi cꞌo jun camnak nelel chiquicojol ja camnakiꞌ in nekaj cuqꞌuin jariꞌ nqueqꞌuex quinaꞌoj, neꞌ tre.

San Lucas 21:31

In queriꞌ cꞌa tre chakajaꞌ ja tok xtemaj rtzꞌatic chi majtajnak rbanic cumplir nojel awaꞌ ja cꞌa xinbij chewe riꞌ jariꞌ retal nucꞌut chewach chi xa nnakajinto ja gobierno xin Dios.

San Lucas 24:47

In tzꞌibtal can chakajaꞌ chi pa rubiꞌ ja Cristo nekaj na rbixic cuqꞌuin canojel ja winak ja recꞌo pa tak nación jeꞌe chi rjawaxic chi nqueqꞌuex ja quinaꞌoj in nqueyaꞌ can ja ritzelal utzcꞌa chi ncuytaji ja quil quemac, jariꞌ pa Jerusalén nmajtajel wiꞌ rbixic.

San Lucas 6:20

Cꞌacꞌariꞌ ja Jesús xertzꞌelwachij ja rdiscípulo in quewaꞌ xbij riꞌ: —Ixix ja rix tak mebaꞌiꞌ congana quiꞌil chewe como ewxin cꞌariꞌ ja gobierno xin Dios.

San Lucas 9:2

In xerutakel chi nequiyaꞌaꞌ rbixic ja gobierno xin Dios utzcꞌa chakajaꞌ chi neꞌequitzursaj ja yawaꞌiꞌ.

Hechos 11:18

Ja cꞌa tok bix queriꞌ chique mchita quibij tre ja Pedro. Quemaj ryaꞌic rukꞌij ja Dios, quewaꞌ quibij riꞌ: —Ni katzij wiꞌ chi ja ma e aj Israel ta yatajnak chique ejeꞌeꞌ chakajaꞌ rmal ja Dios chi nqueqꞌuex quinaꞌoj in nqueyaꞌ can ja ritzelal in nquewil ja utzlaj cꞌaslemal ja mta qꞌuisic trij, xecheꞌe.

Hechos 17:30

Ja chipan ja rojer tak tiempo ja kꞌaxnak can ja winak ma cotak ta janiꞌ ja Dios pro ja Dios arjaꞌ xucochꞌ. Pro ja cꞌa camic neruban mandar chi nqueqꞌuex ja quinaꞌoj in nqueyaꞌ can ja ritzelal. Queriꞌ nuban chique canojelal xa bar ta triꞌ ecꞌo wiꞌ.

Hechos 2:38

Ja cꞌa Pedro xbij chique: —Teqꞌuexaꞌ ja renaꞌoj in teyaꞌaꞌ can ja ritzelal in chakajaꞌ quixban bautizar chejujunal pa rubiꞌ ja Jesucristo utzcꞌa chi ncuytaji ja rewil emac. Ja wi queriꞌ neban ja Dios arjaꞌ nutakto na ja rEspíritu Santo ewqꞌuin.

Hechos 20:21

Xixnpaxbaj ewanojel chi ix wach tak aj Israel chi ma ix aj Israel ta, xinbij chewe chi rjawaxic neqꞌuex ja renaꞌoj in nenimaj ja Dios in nyukeꞌ ecꞌuꞌx ruqꞌuin ja kajaw Jesucristo.

Hechos 26:20

Ja kas xinyaꞌ wiꞌ rbixic nabey chique ja winak ja recꞌo pa Damasco. Xinbij chique chi rjawaxic chi nqueqꞌuex ja quinaꞌoj in nqueyaꞌ can ja ritzelal in nquejach quiꞌ pa rukꞌaꞌ ja Dios. Xinbij chique chakajaꞌ chi rjawaxic chi nqueban ja nrajoꞌ ja Dios chique chi nqueban utzcꞌa chi bien kꞌalaj chi quiqꞌuexon chic ja quinaꞌoj. Cꞌacꞌariꞌ xinyaꞌ rbixic chique ja winak ja recꞌo pa Jerusalén in chique ja recꞌo chipan ja departamento Judea in chique chakajaꞌ ja winak ja ma e aj Israel ta.

Hechos 3:19

Rmalcꞌariꞌ tok nbij chewe, teqꞌuexaꞌ ja renaꞌoj in teyaꞌaꞌ can ja ritzelal. In quixmelojto ruqꞌuin ja Dios utzcꞌa chi nchuptaji ja rewil emac. Quirtariꞌ neban utzcꞌa chi newilaꞌ jun tiempo ja tok nqꞌuejeꞌe ja kajaw Dios checojol in nixquicot rmal.

2 Corintios 7:10

Queriꞌ nbij chewe como ja bis tok Dios nyoꞌ chawe rmal ja rawil amac abanon jariꞌ jun bis ja ncowini nuqꞌuex ja ranaꞌoj in natrucꞌamel chipan ja totajem xin Dios in natquicot rmal. Pro ja tok nebisoni ja winak ja xa ruqꞌuin rwachꞌulew yukul wiꞌ quecꞌuꞌx jariꞌ jun bis maticowini nuqꞌuex ja ranaꞌoj in xa pa camíc natrucꞌamel wiꞌ.

Colosenses 1:13

Arjaꞌ xokrutoꞌ pa rukꞌaꞌ ja kꞌekumal in xokrucoj chic chipan ja gobierno xin Jesucristo ja chakꞌlaj Ralcꞌwal.

2 Timoteo 2:25

Ja tok ecꞌoli nechꞌaꞌo rxin arjaꞌ nuchꞌob chiquewach pan ekal, ma pan ayewal ta. Queriꞌ nuban como chaka jalal maxla Dios nuyaꞌ chique chi nqueqꞌuex ja quinaꞌoj in nqueyaꞌ can ja ritzelal in ncotakij ja utzlaj tzij xin Jesucristo.

Hebreos 6:1

Koqꞌuiy cꞌa wachꞌalal. Ja tok kas kanimajto ja utzlaj tijonem nabey chꞌob chikawach jeꞌe nak rbanic ja Jesucristo. Jariꞌ tijonem yaꞌ chake caniꞌ rsimientoꞌil jun jay ticon chic. Pro ma chaka ta jaꞌ tikaqꞌuis tikacꞌam rtiquic wachꞌalal, joꞌ koqꞌuiy más, ma koqꞌuejeꞌ ta chi queriꞌ. Quewaꞌ ja rsimientoꞌil, quewaꞌ ja nabey tijonem ja ticon chic riꞌ, jun, ja naqꞌuex anaꞌoj, nayaꞌ can nojel ja raniman ja ni majun rcꞌamonto in nyukeꞌ chic acꞌuꞌx ruqꞌuin ja Dios.

2 Pedro 3:9

Queriꞌ nbij chewe como ecꞌoli winak ja nebini chi ja kajaw Dios cꞌamalo nuban cumplir ja rbin can pro jariꞌ ma queriꞌ ta. Xar congana rpaciencia ja Dios kuqꞌuin ja rok winak como arjaꞌ matirajoꞌ chi cꞌo ta jun xtibe ta chipan ja nimlaj rpokonal. Ja nrajoꞌ chake kanojelal chi nkaqꞌuex kanaꞌoj in nkayaꞌ can ja ritzelal.

Apocalipsis 2:21

Anin nyaꞌon tiempo tre chi nuqꞌuex ja rnaꞌoj pro arjaꞌ ni matirajoꞌ wiꞌ nuqꞌuex, cꞌa rmajon na rbanic ja il mac cuqꞌuin ja rachiꞌiꞌ.

Apocalipsis 2:5

Kas cꞌa bien turkaj chewe ja bar ixtzaknak wiꞌ, teqꞌuexaꞌ ja renaꞌoj in tebanaꞌ ja caniꞌ ebanonto nabey. Nowi mateban, can ninbe ewqꞌuin chanim, ja cꞌa candelero ewxin jariꞌ nwasajel chipan ja rlugar. Queriꞌ nban chewe ja wi mateqꞌuex ja renaꞌoj.