San Mateo 27:4 - Tz'utujil (Ja Cꞌacꞌa Chominem)

⁴ Ja cꞌa tok xekaj cuqꞌuin quewaꞌ xbij chique riꞌ: —Camic, xinban jun il mac, xinjach pa camíc jun achi pro mta ril, neꞌ chique. —Jalaꞌ nabij leꞌ, ajoj ni majun nak ta nkabij tre, kas atat walaꞌ nak ja xtaban ruqꞌuin, neꞌxi.

Tz'utujil NT

⁴ Tak xe'ekaja cuq'uin cawra xbij chca ra: —Camic xenban jun il mac, xenjach pe cmic jun acha jmajo'n ril, cara' xbij. —Jala jnabij, ajoj majo'n achnak nekbij tzra, kas atet wala' nak kas xtaban ruq'uin, cara' xbixa tzra.

San Mateo 27:4 Iomraidhean Croise

San Mateo 27:19

Ja Pilato arjaꞌ tzꞌubul chipan ja lugar ja bar nuban wiꞌ ja kꞌetoj tzij ja tok chaka cꞌa jalal tak rbixic juleꞌ tzij tre rmal ja rxjayil quewariꞌ: —Ma tacoj ta awiꞌ atat chi rcamsaxic ja rachi, arjaꞌ utzlaj achi. Ma tacoj ta awiꞌ como ni jaꞌ rachi xinwachcꞌaj camic in ja rachicꞌ congana lawuloꞌ xuban chwe. Queriꞌ ja takonel rbixic tre rmal ja rxjayil.

San Mateo 27:54

Ja capitán e rachbil ja recꞌo ruqꞌuin chi rchajixic ja Jesús ejeꞌeꞌ quetzꞌat ja cubarkan xuban, quetzꞌat nojel ja bantaji in congana quixbej quiꞌ rmal: —Jalaꞌ rachi leꞌ ni katzij wiꞌ chi Ralcꞌwal Dios, xecheꞌe.

San Lucas 23:22

Ja cꞌa Pilato pa roxmul xbij chique: —Pro ¿nak cꞌa tre tok necꞌutuj rcamic, nak rbanon chewiꞌ? Ja ntzꞌat anin ni majun rbanon ja yatal ta trij chi xtikacamsaj ta. Rmalcꞌariꞌ mejor nyaꞌ jun orden chi nrapaxi in tok xtiraptaji cꞌacꞌariꞌ nsokpijel, neꞌ chic chique.

San Lucas 23:41

Ja rajoj ni yatal wiꞌ chakij chi nokcamsaxi como jariꞌ nkatojbej ja ritzelal kabanon pro ja jun chic achi leꞌ arjaꞌ mta nak ta itzelal rbanon, neꞌ tre.

San Lucas 23:47

Cꞌo cꞌa jun capitán paꞌl triꞌ, arjaꞌ tok xutzꞌat ja bantaji xumaj ryaꞌic rukꞌij ja Dios, quewaꞌ xbij riꞌ: —Jalaꞌ jun achi leꞌ ni katzij wiꞌ chi mta ril rbanon, neꞌe.

San Juan 19:7

—Ajoj cꞌo jun ley kaxin in jariꞌ ley nbini chi yatal trij alaꞌ jun achi leꞌ chi ncamsaxi como arjaꞌ xbij: —Anin ja rin Ralcꞌwal Dios, kas neꞌe, queriꞌ quibij tre ja Pilato.

Hechos 13:28

Quicanoj ril ja Jesús in masqui mta ril pro quicꞌutuj rcamic tre ja Pilato.

Romanos 3:19

Queriꞌ cꞌa nbij ja ley xin Dios in bien kotak chi chique nbij wiꞌ ja re aj Israel como ejeꞌeꞌ ecꞌo pa rukꞌaꞌ ja ley. Queriꞌ cꞌa rbanic utzcꞌa ja winak ni majun chique ja xticanoy chi ta rmal nak la chi tzijal xtibij ta ja xtitobej chi ta riꞌ chwach ja Dios in xticotakij na canojel chi e ajꞌil e ajmaquiꞌ pro ni canojelal in puersa nquejach na cuenta chwach ja Dios chi aj Israel chi ma aj Israel ta.

1 Timoteo 4:2

Jawaꞌ tijonem nyaꞌi cumal juleꞌ winak ja xa cacaꞌ quipalaj, xa e tzꞌakol tak tzij in matitiꞌon chique ja ritzelal nqueban.

Tito 1:16

Nquibij chi cotak rwach ja Dios pro ni kꞌalaj wiꞌ chi ma katzij ta como xa itzelal ja nqueban. Xa itzel netzꞌati, ma e nimanelaꞌ ta in maquecowini nquecꞌut ja rutzil chiquewach ja winak.

Hebreos 7:26

Queriꞌ cꞌa rbanic ja Jesús, nij arjaꞌ wiꞌ ja lokꞌlaj sacerdote ja ncꞌatzin chake. Arjaꞌ ni utz wiꞌ ntzꞌa̱t rmal ja Dios. Majun nak ta itzel rbanon ta. Ni majun ril rumac. Lasaxel chiquicojol ja rajꞌil ajmaquiꞌ, cꞌamarel chilaꞌ chicaj ja bar cꞌo wiꞌ ja Dios.

1 Pedro 1:19

Pro ja lokꞌlaj rquiqꞌuel ja Cristo jariꞌ xixlokꞌbexi. Ja cꞌa Cristo arjaꞌ camsaxi, ban sacrificar ja caniꞌ nba̱n tre jun carnelo ja ni majun nak ta falta tre.

1 Juan 3:12

Maxta queriꞌ tikaban ajoj ja caniꞌ xuban ja Caín ojer, xoc pa rcuenta ja diablo ja Caín in xcamsaj ja ruchakꞌ. ¿Nak tre tok xcamsaj? Como arjaꞌ xa itzel rcꞌaslemal pro ja ruchakꞌ utz rcꞌaslemal xa chewiꞌ tok xcamsaj.

Apocalipsis 11:10

Ja recꞌo chwachꞌulew ejeꞌeꞌ congana nequicoti rmal ja xecamsaxi ja caꞌiꞌ testigo, nqueban nmakꞌij rmal in nqueyaꞌ regalo chibil tak quiꞌ. Queriꞌ xtiqueban como ja caꞌiꞌ profeta congana pokon quibanon chique ja recꞌo chwachꞌulew.