San Mateo 27:3 - Tz'utujil (Ja Cꞌacꞌa Chominem)

³ Ja cꞌa Judas ja jacho rxin ja Jesús pa quekꞌaꞌ ja xetzelan rxin arjaꞌ tok xutzꞌat chi ncamsaxi ja Jesús congana xumaj tiꞌonem ja ranma. Be, xermeloj ja treinta rkan pwok ja plata ocnak, xermeloj pa quekꞌaꞌ ja jefe quixin sacerdote in pa quekꞌaꞌ ja principaliꞌ xin tinamit.

Tz'utujil NT

³ Judas je xejchowa rxin Jesús pquek'a' je nquetzelana rxin arja' tak xutz'et che ncamsasa Jesús congan xumaj t-onem ranm. Xba xermeloj juwnak ljuj rkan pak plata ocnak, xermeloj pquek'a' cjefe sacerdote y principal-i' rxin tnamet.

San Mateo 27:3 Iomraidhean Croise

San Juan 13:2

Arjaꞌ rmajon waꞌim cuqꞌuin ja rdiscípulo. Ja cꞌa diablo arjaꞌ rbanon chic ja samaj pa ranma ja Judas Iscariote ja rcꞌajol Simón, rtakchiꞌin chic chi nujach ja Jesús pa quekꞌaꞌ ja winak ja netzelan rxin.

San Juan 13:27

Ja cꞌa Judas arjaꞌ tok cꞌamtaj rmal ja caxlanway cꞌacꞌariꞌ xoqui ja Satanás pa ranma in bix tre rmal ja Jesús: —Ja ramajon rchꞌobic chi naban jat, tabanaꞌ chanim, neꞌxi.

San Juan 18:3

Ja cꞌa Judas arjaꞌ xeꞌercꞌamaꞌ juleꞌ soldado e rachbil juleꞌ pulisiyaꞌ ja nesamaj pa quicuenta ja jefe quixin sacerdote in pa quicuenta ja fariseo. Ja tok xecꞌamtaj rmal cꞌacꞌariꞌ xucꞌamel chic quebey, xebe chipan ja lugar. Cꞌo kꞌakꞌ quecꞌamel ja nquitzꞌatbej quebey in cꞌoli banbal tak chꞌaꞌoj quecꞌamel chakajaꞌ.

Hechos 1:18

Pro ja xuban be, xulokꞌ jun ulew tre ja pwok ja toj tre rmal ja ritzelal ja xuban. Cꞌacꞌariꞌ xerqꞌuiakaꞌto riꞌ, ni rwiꞌ xurkajbej kaj, chictaji ja rxcoloꞌ, ni xelto nojelal.

2 Corintios 7:10

Queriꞌ nbij chewe como ja bis tok Dios nyoꞌ chawe rmal ja rawil amac abanon jariꞌ jun bis ja ncowini nuqꞌuex ja ranaꞌoj in natrucꞌamel chipan ja totajem xin Dios in natquicot rmal. Pro ja tok nebisoni ja winak ja xa ruqꞌuin rwachꞌulew yukul wiꞌ quecꞌuꞌx jariꞌ jun bis maticowini nuqꞌuex ja ranaꞌoj in xa pa camíc natrucꞌamel wiꞌ.