San Mateo 27:1 - Tz'utujil (Ja Cꞌacꞌa Chominem)

¹ Ja cꞌa tok sakari canojel ja jefe quixin sacerdote e cachbil ja principaliꞌ xin tinamit ejeꞌeꞌ quemaj rchꞌobic nak nqueban tre ja Jesús chi nquicamsaj.

Tz'utujil NT

¹ Tak xeskara, conjelal cjefe sacerdote e quexbil principal-i' rxin tnamet arj-e' xquemaj rch'obic nak nqueban tzra Jesús che neccamsaj.

San Mateo 27:1 Iomraidhean Croise

San Mateo 23:13

Pro congana lawuloꞌ chewe ixix ja rix maestro rxin ja ley xin Dios ja tzꞌibtal can rmal ja Moisés in chewe ixix ja rix fariseo, cacaꞌ epalaj como ixix nixtajini netzꞌapij quebey ja winak chiquewach utzcꞌa chi maqueꞌoc chipan ja gobierno xin chilaꞌ chicaj. Nixtacꞌa ixix ta ixocnak ta chipan in nixtacꞌa neyaꞌ ta lugar chique ja winak ja cꞌo quigana neꞌoc chipan.

Marcos 15:1

Ja cꞌa tok sakari quemol quiꞌ canojel ja jefe quixin sacerdote chi rchomarsaxic nak nqueban tre ja Jesús e cachbil ja principaliꞌ xin tinamit e cachbil chakajaꞌ ja maestro ja netijon quixin ja winak tre ja ley xin Dios in canojel ja juleꞌ chic kꞌetol tak tzij quixin ja tinamit Israel. Quebaqꞌuel ja Jesús, quecꞌamel, xequijachaꞌ pa rukꞌaꞌ ja Pilato ja gobernador.

San Lucas 13:1

Ecꞌo cꞌa juleꞌ winak triꞌ ejeꞌeꞌ quemaj rcholic chwach ja Jesús ja queban juleꞌ achiꞌiꞌ ja raj Galilea ja xecamsax rmal ja gobernador Pilato. Ja quiquiqꞌuel ja rachiꞌiꞌ jariꞌ xeryujuꞌ riꞌ ruqꞌuin ja quiquiqꞌuel juleꞌ chicop ja netajini netzujux chwach ja Dios cumal ja rachiꞌiꞌ como sacrificio.

San Lucas 22:66

Ja cꞌa tok sakari quemol quiꞌ ja principaliꞌ xin tinamit e cachbil ja jefe quixin sacerdote e cachbil chic ja maestro ja netijon quixin ja winak tre ja ley xin Dios. Quecꞌamel ja Jesús chipan ja kꞌetbaltzij quixin. Ja tok xeꞌekaji quewaꞌ quibij tre riꞌ:

San Juan 18:28

Cꞌacꞌariꞌ quecꞌamel chic jutij ja Jesús, xeꞌelel ruqꞌuin ja Caifás xebe chic ja bar cꞌo wiꞌ ja jay rxin ja gobernador. Kas nsakari xebe. Ja cꞌa tok xeꞌekaji ma xeꞌoc ta chipan ja jay como cꞌo jun costumbre quiniman chi jun aj Israel xajan wi noc pa jay ruqꞌuin jun winak ja ma rach aj Israel ta. In jun chic quiniman, wi xatoqui pa jay ruqꞌuin jariꞌ xajan chic natiꞌ ja ntiꞌi cumal ja raj Israel chipan ja nmakꞌij pascua.

Hechos 5:21

Ja tok quicꞌaxaj ja bix chique xebe, kas nsamukeꞌe xeꞌekaj chipan ja templo in quemaj quitijoxic ja winak. Ja lokꞌlaj sacerdote in ja recꞌo ruqꞌuin ejeꞌeꞌ quemol quiꞌ cuqꞌuin ja kꞌetol tak tzij rxin ja tinamit Israel, xequetakel juleꞌ pulisiyaꞌ chi quicꞌamaric ja rapóstol.