San Mateo 26:11 - Tz'utujil (Ja Cꞌacꞌa Chominem)

¹¹ Ja cꞌa tak mebaꞌiꞌ ejeꞌeꞌ nij ecꞌo wiꞌ checojol ja wi cꞌol egana neban utzil chique pro ja chwe anin maquinqꞌuejeꞌ ewqꞌuin nojel tiempo, ninwasaxel na checojol.

Tz'utujil NT

¹¹ Je' ch'tak mibi' arj-e' nec'ol wa' checjol wc'ola egan neban utzil chca per chwa anen majo'n quenc'je' ta ewq'uin njelal tiemp, quenlsas na checjol.

San Mateo 26:11 Iomraidhean Croise

San Mateo 18:20

Queriꞌ nbij chewe como ja tok ecꞌo caꞌiꞌ owi e oxiꞌ ja quimolon quiꞌ pro wi pa nubiꞌ anin tok quimolon quiꞌ jariꞌ incꞌo chiquicojol. Queriꞌ xbij ja Jesús chique.

San Mateo 26:10

Ja cꞌa Jesús arjaꞌ bien rotak ja quimajon rbixic in quewaꞌ xbij chique riꞌ: —¿Nak tre tok nenak ja rixok? Jawaꞌ xuban chwe riꞌ congana utz.

San Mateo 28:20

Techꞌoboꞌ chiquewach nak nqueban chi rnimaxic nojel ja mandamiento ja nyaꞌon chewe. In bien turkaj chewe chi anin ni mta wiꞌ jun kꞌij ja maquita incꞌol ewqꞌuin in nij incꞌo wiꞌ ewqꞌuin ja tok xterilaꞌ ja qꞌuisbal kꞌij rxin ja rwachꞌulew. Amén.

Marcos 14:7

Ja tak mebaꞌiꞌ ejeꞌeꞌ nij ecꞌo wiꞌ checojol in xa nak ta tiempo cꞌol egana neban utzil chique jariꞌ ix libre chi neꞌetoꞌ pro ja chwe anin maquinqꞌuejeꞌ ewqꞌuin nojel tiempo, ninwasaxel na checojol.

San Juan 12:8

Ja tak mebaꞌiꞌ ejeꞌeꞌ nij ecꞌo wiꞌ checojol ja wi cꞌol egana neban utzil chique pro ja chwe anin maquinqꞌuejeꞌ ewqꞌuin nojel tiempo, ninwasaxel na checojol, neꞌe.

San Juan 13:33

Chakꞌlaj walcꞌwal, anin xa jun ti tiempo chic ninqꞌuejeꞌ checojol. Ninecanoj chi na pro caniꞌ xinbij chique ja juleꞌ chic aj Israel queriꞌ nbij chic chewe ixix camic quewariꞌ, ja bar xquinbe chi wiꞌ maquixcowin ixix nixekaj triꞌ.

San Juan 14:19

Xajalal majaꞌn quinbe. Ja cꞌa tok xquinbe maquinquetzꞌat chic ja winak ja xa ruqꞌuin rwachꞌulew yukul wiꞌ quecꞌuꞌx pro ja rixix ninetzꞌat chi na. Como anin wcꞌan ja utzlaj cꞌaslemal ja mta qꞌuisic trij rmalariꞌ newcꞌaj na ixix chakajaꞌ ja utzlaj cꞌaslemal ja mta qꞌuisic trij.

San Juan 16:28

Ruqꞌuin ja Tatixel inelnakto wiꞌ, inpenak waweꞌ chwachꞌulew in camic nyaꞌ can ja rwachꞌulew, ninmeloj chic jutij ruqꞌuin ja Tatixel. Queriꞌ xbij ja Jesús chique.

San Juan 16:5

Pro ja camic como ninbe chewiꞌ tok nbij can chewe. Camic ninmeloj ruqꞌuin ja takyonto wxin pro ni majun chewe ncꞌwaxaj ta chwe: —¿Bar cꞌa natbe wiꞌ? neꞌ ta chwe.

San Juan 17:11

Padre Santo, camic maquinqꞌuejeꞌ chic más waweꞌ chwachꞌulew pro ja rejeꞌeꞌ neqꞌuejeꞌ na pro ja ranin ninmeloj chic jutij awqꞌuin. Pan abiꞌ atat queꞌachajij can queꞌawaraj can ja reꞌayaꞌon chwe utzcꞌa xta jun xtiqueban ja caniꞌ kabanon ajoj awqꞌuin xa jun kabanon.

Hechos 3:21

Ja Jesús arjaꞌ nqꞌuejeꞌ na chilaꞌ chicaj camic pro nerilaꞌ na jun kꞌij ja tok xtipi chic jutij chi nurchomij na nojelal ja yojtajnak tre ja rwachꞌulew ja caniꞌ bin can cumal ja santilaj tak profeta ojer chipan ja rtzobal Dios.

Gálatas 2:10

Xar ja queban recomendar chake chi: —Maxta queꞌemestaj jutzꞌit ja tak mebaꞌiꞌ, xecheꞌ chake, pro jariꞌ ni cꞌo wiꞌ ngana chi nenutoꞌ ja cꞌo rjawaxic chique.

1 Juan 3:17

Pro ja wi cꞌo jun awachꞌalal wi cꞌoli ncꞌatzin tre ja ntzukbej riꞌ in wi cꞌol awqꞌuin ja ncꞌatzin tre, ja cꞌa wi matapokonaj rwach, wi matatoꞌ jariꞌ ni kꞌalaj wiꞌ chi mta ja rajoben riꞌil xin Dios pan awanma.