San Mateo 24:7 - Tz'utujil (Ja Cꞌacꞌa Chominem)

⁷ Queriꞌ nbij chewe como cꞌo jeꞌe tinamit xtiyictaj na trij juleꞌ chic tinamit in chakajaꞌ ja gobierno jeꞌe nyictaj trij juleꞌ chic gobierno. In chakajaꞌ cꞌo nimak tak rcꞌayewal xtiwinakar na pa tak lugar jeꞌe caniꞌ tre nimak tak waꞌal, nimak tak yobil in cubarkan.

Tz'utujil NT

⁷ Cara' quenbij chewa com c'ola je' tnamet xtyictaj na tzrij jle' chic tnamet, chka' je' gobierno nyictaja tzrij jle' chic gobierno. Chka' c'ola nmak tak lowlo' xtwanker na ptak je' lwar ajni' nmak tak wyejal, nmak tak yubil y je' nmak tak cbarkan.

San Mateo 24:7 Iomraidhean Croise

San Lucas 21:11

Cꞌo nimak tak cubarkan xtibantaj na in chakajaꞌ cꞌo nimak tak rcꞌayewal xtiwinakar na pa tak lugar jeꞌe caniꞌ tre nimak tak waꞌal in nimak tak yobil. Cꞌo nimak tak retal ja xtiwinakar na chicaj ja congana nquixbej quiꞌ ja winak rmal.

Hechos 11:28

Ja cꞌa tok xeꞌekaji cꞌo jun chique Agabo rubiꞌ, arjaꞌ peꞌi chiquewach ja kachꞌalal in xbij chique ja bin tre rmal ja rEspíritu Santo, quewaꞌ xbij chique riꞌ: —Cꞌo jun nimlaj waꞌal penak chwach ja rwachꞌulew, neꞌ chique. In queriꞌ xuban cꞌo jun nimlaj waꞌal peti pa rtiempo ja Claudio ja nimlaj rey xin Roma.

Hechos 2:19

In cꞌo jeꞌe nwinakarsaj na chwach ja caj ja ni majutij quitzꞌaton ta ja winak. In ja chwachꞌulew chakajaꞌ cꞌo retal jeꞌe ja nwinakarsaj na caniꞌ tre quicꞌ caniꞌ tre kꞌakꞌ in caniꞌ tre sib.

Hebreos 12:27

—Jutij chic, neꞌe ja Dios, tibij cꞌa tzij ariꞌ chi xa nak ta ja cꞌo siltajic trij ja xa winakarsan jariꞌ xa nocꞌowi pro ja mta siltajic trij jariꞌ matocꞌowi.

Apocalipsis 6:12

Ja cꞌa Carnelo xlasaj chic jun ja sello. Ja cꞌa tok lastaj rmal chaka jalal tok xintzꞌat cꞌo jun nimlaj cubarkan xuban, ja cꞌa kꞌij xoc kꞌekuꞌm caniꞌ jun tziak xucoj banbal bis, ja cꞌa icꞌ xoqui caniꞌ quicꞌ pro ni chi jun.

Apocalipsis 6:5

Ja cꞌa Carnelo xlasaj chic jun ja sello. Ja cꞌa tok lastaj rmal cꞌo chi na jun chique ja re quijiꞌ tzijoni xincꞌwaxaj: —Catajoꞌ, tatzꞌataꞌ mpeꞌ leꞌ, neꞌe. In chaka jalal tok xintzꞌat jun quiej kꞌek rij in cꞌo jun tzꞌubul trij rcꞌan jun lipra pa rukꞌaꞌ.

Apocalipsis 6:6

In cꞌo jun kulaj xincꞌwaxaj chiquicojol ja re quijiꞌ quewaꞌ xbij riꞌ: —Ja jun quetzal xa caꞌiꞌ libra trigo nya̱ꞌ chwach in xa wakiꞌ libra cebada nulokꞌ. Pro maxta taban camíc tre ja tijcoꞌm ja nuyaꞌ aceite in vino, neꞌe.

Apocalipsis 6:8

Chaka jalal tok xintzꞌat jun quiej kꞌen rij in cꞌo jun tzꞌubul trij, Camíc rubiꞌ. In cꞌo chic jun chic tran trij, Quilugar Camnakiꞌ rubiꞌ. Ejeꞌeꞌ yataj chique chi nequicamsaj ja winak ja recꞌo chwachꞌulew. Ja cꞌa nequicamsbej, espada, waꞌal, itzel tak yobil in ja ritzel tak chicop ja recꞌo chwachꞌulew. Ejeꞌeꞌ yataj chique chi cꞌo quekꞌaꞌ tre ja cuarta parte rxin ja rwachꞌulew ja nqueban wiꞌ ja camíc.