San Mateo 24:3 - Tz'utujil (Ja Cꞌacꞌa Chominem)

³ Ja cꞌa Jesús arjaꞌ tzꞌubul parwiꞌ ja ti jayuꞌ rbinaꞌan Rjayuꞌal Olivo in ecꞌoli chique ja rdiscípulo quiyonaj quiꞌ ruqꞌuin in quibij tre: —Tabij chake ¿nak kꞌij xtibantaji jalaꞌ ja cꞌa xabij kaj chake leꞌ? In chakajaꞌ ¿nak chi retalil nwinakari ja ncꞌutu rxin chi xajalal majaꞌn catmelojpi chic jutij in ja tok xtiqꞌuis awaꞌ ja rwachꞌulew riꞌ? xecheꞌ tre.

Tz'utujil NT

³ Ja' Jesús tz'bula pe rwá' ch'it jyu' rbin-an Olivo y ec'ola nic'aj rdiscípulo xecyonaj qui' ruq'uin y cawra xecc'axaj tzra: —Tbij chka ¿nak k'ij nbantaja jxabij kaja chka? Chka' ¿nak rital nwankera je nc'utbej che xyamer ncatemloj pchic jmul y tak xtetz'kata tiemp je rxin rwech ruch'lew? cara' xecc'axaj.

San Mateo 24:3 Iomraidhean Croise

San Mateo 13:36

Cꞌacꞌariꞌ ja Jesús xeruban can despedir ja winak, be, xoc pa jay. Ja cꞌa rdiscípulo ejeꞌeꞌ xeꞌekaj ruqꞌuin in quibij tre: —Tachꞌoboꞌ chikawach nak rcꞌamonto ja cꞌambal tzij ja xabij tre ja ritzel tijcoꞌm ja tic chicojol ja trigo, xecheꞌ tre.

San Mateo 13:49

In queriꞌ cꞌa xtibantaji chakajaꞌ chipan ja qꞌuisbal tak kꞌij, nepeti ja ángel, neꞌurquiwasajel ja ritzel tak winak chiquicojol ja re utz

San Mateo 15:12

Ja cꞌa rdiscípulo ejeꞌeꞌ xetiloc ruqꞌuin in quibij tre: —¿La awotak chi ja fariseo junwiꞌ quicꞌaxaj ja xabij leꞌ? xa pokon nquenaꞌ rmal, xecheꞌ tre.

San Mateo 16:27

Queriꞌ nbij chewe como anin ja rin Alcꞌwalaxel ja xinoc alaxic cuqꞌuin ja winak ninpi chi na jutij e wachbil ja ángel wxin, tokoriꞌ ja gloria xin Dios congana nchꞌaꞌan chwij in ja winak nunyaꞌaꞌ na rtojbalil chique chiquijujunal ja queban waweꞌ chwachꞌulew.

San Mateo 16:28

Ni katzij wiꞌ ja xtinbij chewe riꞌ, ecꞌoli chewe ja recꞌo waweꞌ camic riꞌ cꞌa ecꞌas na ja tok xtiquetzꞌat ja Ralcꞌwalaxel ja xoc alaxic cuqꞌuin ja winak, arjaꞌ ocnak chic Rey in xtumaj rbanic mandar chipan ja rgobierno. Queriꞌ xbij ja Jesús chique.

San Mateo 17:19

Ja cꞌa rdiscípulo ja Jesús ejeꞌeꞌ quiyonaj quiꞌ ruqꞌuin in quewaꞌ quibij tre riꞌ: —¿Nak tre ja rajoj ma xokcowin ta kawasajel ja ritzel espíritu? xecheꞌ tre.

San Mateo 21:1

Quimajon bey ebenak, xa chinakaj ja tinamit Jerusalén ecꞌo chi wiꞌ in xeꞌekaj chuchiꞌ ja tinamit Betfagé ja bar cꞌo wiꞌ ja jayuꞌ rbinaꞌan Rjayuꞌal Olivo. Ja cꞌa Jesús ecꞌo caꞌiꞌ chique ja rdiscípulo xerutak

San Mateo 24:27

Queriꞌ nbij chewe como caniꞌ nuban ja cayipaꞌ tok nuqꞌuiak riꞌ chicaj chaka bar ta triꞌ ntzꞌa̱t wiꞌ in queriꞌ cꞌa tre chakajaꞌ ja Ralcꞌwalaxel ja xoc alaxic cuqꞌuin ja winak, ja tok xtipi chic jutij waweꞌ chwachꞌulew jariꞌ mta bar ta triꞌ ja maquita ntzꞌa̱t wiꞌ.

San Mateo 24:30

Cꞌacꞌariꞌ cꞌo jun retal nwinakar chicaj jariꞌ retal ja Ralcꞌwalaxel ja xoc alaxic cuqꞌuin ja winak chi xajalal majaꞌn tipi chic jutij waweꞌ chwachꞌulew. Ja cꞌa winak ja recꞌo nojel tinamit waweꞌ chwachꞌulew ejeꞌeꞌ nquemaj na jun nimlaj bis, nquetzꞌat na ja Ralcꞌwalaxel ja xoc alaxic cuqꞌuin ja winak, arjaꞌ penak cꞌamonto rmal juleꞌ sutzꞌ, janila jun nimlaj poder cꞌo chic pa rukꞌaꞌ in congana nim chic rukꞌij.

San Mateo 24:37

Xarwariꞌ, ja caniꞌ bantaji ja pa rtiempo ja Noé ojer queriꞌ cꞌa xtibantaj chic chakajaꞌ ja tok xtipi chic jutij waweꞌ chwachꞌulew ja Ralcꞌwalaxel ja xoc alaxic cuqꞌuin ja winak.

San Mateo 24:39

Ja cꞌa winak ni ma xquechꞌob ta wiꞌ ja penak chiquij, cꞌa tokoriꞌ chꞌobtaj cumal ja tok peti ja nimlaj kꞌekaljab chiquij, congana lawuloꞌ ban chique rmal ja yaꞌ in xejikꞌi canojelal. In queriꞌ cꞌa tre chakajaꞌ ja Ralcꞌwalaxel ja xoc alaxic cuqꞌuin ja winak ja tok xtipi chic jutij waweꞌ chwachꞌulew, cꞌa jaꞌ xtiquenaꞌ ja winak tok xtipeti.

San Mateo 24:43

Pro bien teyaꞌaꞌ ewxquin tre ja xtinbij chewe riꞌ, jun rajaw jay ja tok nba̱n alakꞌ ruqꞌuin, ja wixta rotak nak hora chi nekaji ja ralakꞌom ruqꞌuin chakꞌaꞌ nchajij ta cꞌariꞌ rochoch, ncꞌascꞌot ta cꞌariꞌ in maquita nuyaꞌ lugar tre ja ralakꞌom chi noc ta pa rochoch.

San Mateo 28:20

Techꞌoboꞌ chiquewach nak nqueban chi rnimaxic nojel ja mandamiento ja nyaꞌon chewe. In bien turkaj chewe chi anin ni mta wiꞌ jun kꞌij ja maquita incꞌol ewqꞌuin in nij incꞌo wiꞌ ewqꞌuin ja tok xterilaꞌ ja qꞌuisbal kꞌij rxin ja rwachꞌulew. Amén.

San Lucas 21:7

—Pro tabij chake Maestro ¿nak kꞌij xtibantaji jalaꞌ ja cꞌa xabij kaj chake leꞌ? In chakajaꞌ ¿nak chi retalil nwinakari ja ncꞌutu rxin chi xajalal majaꞌn tibantaj cumplir nojelal ja cꞌa xabij chake? xecheꞌ tre.

Hechos 1:7

—Ixix ma yatal ta chewe chi newotakij nak kꞌij xtibantaji. Ja Tatixel arjaꞌ otakyon ariꞌ in xa ruyon arjaꞌ cꞌo rukꞌaꞌ tre nak kꞌij xtichomij.

Hebreos 9:26

Ja wixta queriꞌ jaruꞌ pa tiempo winakarnakto ja rwachꞌulew qꞌuiylaj mul ta cꞌariꞌ camsanto. Pro ja xuban arjaꞌ, xa jutij peti, xtzujuj riꞌ chi camsax pa kacuenta, ja cꞌa rcamic jariꞌ xchupbej ja kil kamac kanojel. Ja tiempo ja pi wiꞌ jariꞌ qꞌuisbal rxin ja tiempo jeꞌe ja rchominto ja Dios ojer.