San Mateo 23:3 - Tz'utujil (Ja Cꞌacꞌa Chominem)

³ Ja wi ley xin Dios ja nquecꞌut chewach teyaꞌaꞌ ewxquin tre nojelal ja nquibij chewe in tenimaj. Pro maxta queriꞌ ja recꞌaslemal ixix ja caniꞌ quicꞌaslemal ejeꞌeꞌ como ejeꞌeꞌ congana netzijon tre ja ley xin Dios pro xa matiqueban cumplir ja nbij.

Tz'utujil NT

³ Wley rxin Dios nquec'ut chewech tey-a' ewexquin tzrij je njelal necbij chewa y tnimaj. Per mteban ta cara' tzra ec'aslemal ixix ajni' cc'aslemal j-e' com j-e' congan nquetzijona tzrij rley Dios per majo'n necnimaj ta je nbij.

San Mateo 23:3 Iomraidhean Croise

San Mateo 21:30

Ja cꞌa tatixel arjaꞌ be chic ruqꞌuin ja jun chic rcꞌajol in caniꞌ xbij tre ja jun rcꞌajol nabey queriꞌ xbij tre chakajaꞌ ja jun chic. In xbij ja ralaꞌ tre ja rtataꞌ: —Utz cꞌariꞌ taꞌ, can ninbe, neꞌ tre, pro ma xbe ta.

San Mateo 23:2

—Ja maestro e cachbil ja fariseo ejeꞌeꞌ yatajnak chique chi nquechꞌob chewach ja ley xin Dios ja tzꞌibtal can rmal ja Moisés.

San Mateo 23:4

Queriꞌ nbij chewe como ja nqueban tre ja tijonem ja nqueyaꞌ caniꞌ nimak tak ijkaꞌm nquichomij ja congana rajlal, congana cꞌayew chi rijkaxic in nqueyaꞌ chiquij ja winak pro ja rejeꞌeꞌ nixtacꞌa nquechap ta jutzꞌit ja rijkaꞌm tre jun rwiꞌ quekꞌaꞌ.

Hechos 5:29

Ja cꞌa Pedro e rachbil ja juleꞌ chic apóstol quewaꞌ quibij chique riꞌ: —Ajoj puersa nkanimaj ja nbij ja Dios chake chi nkaban chwach ja nixkanimaj ixix.

Romanos 13:1

Tenimaj ewanojel ja ley ja cꞌo pa rukꞌaꞌ ja kꞌetbal tak tzij. Queriꞌ nbij chewe como ni majun kꞌetbaltzij nwinakari ja maquita Dios nwinakarsan rxin. Ja kꞌetbal tak tzij ja cꞌoli camic Dios chaꞌyon rxin.

2 Timoteo 3:5

Nepeti pa tak culto pro xa matiquinimaj chi ja Dios nuyaꞌ poder chake ja rok winak chi nkaqꞌuex ja kanaꞌoj. Ejeꞌeꞌ riꞌ winak maxta tacoj awiꞌ cuqꞌuin.

Tito 1:16

Nquibij chi cotak rwach ja Dios pro ni kꞌalaj wiꞌ chi ma katzij ta como xa itzelal ja nqueban. Xa itzel netzꞌati, ma e nimanelaꞌ ta in maquecowini nquecꞌut ja rutzil chiquewach ja winak.