San Mateo 22:3 - Tz'utujil (Ja Cꞌacꞌa Chominem)

³ Xerutak ja rmoso chi quisiqꞌuixic ja winak ja rerbanon chic invitar tre ja waꞌim pro ejeꞌeꞌ ma xcajoꞌ ta, mta quigana xepeti.

Tz'utujil NT

³ Xerutak je' rmos che csic'sic wnak je erebnon chic invitar tzra nimk'ij per arj-e' majo'n xcajo' ta, majo'n cgan xepeta.

San Mateo 22:3 Iomraidhean Croise

San Mateo 21:34

Ja tok nakajinto ja tiempo ja xtiwachin wiꞌ ja rtijcoꞌm, arjaꞌ ecꞌo juleꞌ rmoso xerutakel cuqꞌuin ja rajchonlaꞌiꞌ chi nequicꞌamaꞌ ja renta.

San Mateo 23:37

Ixix ja rix aj Jerusalén, anin congana ninbison emwal. Ja profeta xin Dios xa neꞌecamsaj. Ja cꞌa juleꞌ chic ajsamajelaꞌ rxin Dios ja neta̱k ewqꞌuin xa neꞌeqꞌuiak tzaꞌn abaj. Anin qꞌuiylaj mul xinwajoꞌ ta xixnutoꞌ ta ja caniꞌ nuban jun acꞌ nermutzej ja tak ral xeꞌ rupan pro ja rixix ma xewajoꞌ ta.

San Mateo 3:2

Quewaꞌ nbij chique ja winak riꞌ: —Teqꞌuexaꞌ ja renaꞌoj in teyaꞌaꞌ can ja ritzelal como xa nnakajinto ja gobierno xin chilaꞌ chicaj, neꞌ chique.

San Mateo 9:15

Ja cꞌa Jesús arjaꞌ xbij chique: —Caniꞌ chique juleꞌ winak ebanon invitar tre jun cꞌulbic, ja tok cꞌa cꞌo na ja rachi chiquicojol ja ncꞌuleꞌe ¿la yatal chiquij chi nqueban ayuno nechꞌob ixix? Pro nerilaꞌ na jun kꞌij ja tok ejeꞌeꞌ xtilasax chiquicojol ja rachi ja ncꞌuleꞌe, cꞌa tokocꞌariꞌ tok xtiqueban ja rayuno.

San Lucas 13:34

Ixix ja rix aj Jerusalén, anin congana ninbison emwal. Ja profeta xin Dios xa neꞌecamsaj. Ja cꞌa juleꞌ chic ajsamajelaꞌ rxin Dios ja neta̱k ewqꞌuin xa neꞌeqꞌuiak tzaꞌn abaj. Anin qꞌuiylaj mul xinwajoꞌ ta xixnutoꞌ ta ja caniꞌ nuban jun acꞌ nermutzej ja tak ral xeꞌ rupan pro ja rixix ma xewajoꞌ ta.

San Lucas 15:28

Ja tok xcꞌaxaj ja tzij riꞌ congana yictaj ryewal rmal, ni mchita wiꞌ rgana noc pa jay. Rmalcꞌariꞌ tok xelto na ja rtataꞌ in xumaj rbochiꞌixic utzcꞌa chi noc pa jay.

San Lucas 19:27

Ja cꞌa winak ja xa itzel ninquetzꞌat ja mta quigana chi xinoc rey pa quewiꞌ queꞌecꞌamaꞌto camic, ni chinwach queꞌecamsaj wiꞌ, neꞌe ja rey chique ja rajsamajelaꞌ. Queriꞌ ja cꞌambal tzij ja xbij ja Jesús chique ja winak.

San Juan 5:40

Pro ja rixix ni majun egana xtiyukeꞌ ta ecꞌuꞌx wqꞌuin, xa nechꞌaꞌ ja utzlaj cꞌaslemal ja ntzujuj chewe ja ni mta wiꞌ qꞌuisic trij.

Hechos 13:45

Pro ja raj Israel tok quetzꞌat chi congana e qꞌuiy ja winak congana quiakari ja canma. Quemaj rchꞌaꞌic tre ja Pablo ja nbij in cꞌo juleꞌ itzel tak tzij quibij tre.

Romanos 10:21

Pro ja cꞌa rixix ja rix aj Israel kꞌij kꞌij ni nbin wiꞌ chewe pan utzlaj tzij: —Quixmelojto wqꞌuin, inchenak chewe, pro ni maquixniman wiꞌ, ni mateban wiꞌ ja nwajoꞌ chewe chi neban, neꞌe ja Dios chique ja rtinamit. Queriꞌ ja tzꞌibtal can rmal ja rIsaías.

Hebreos 12:25

Rmalcꞌawaꞌ nojel ja xintzꞌibaj chewe riꞌ camic nbij chewe, tebanaꞌ cꞌa cuenta ewiꞌ, maxta ticowir ewiꞌ ewanma ixix chi matecꞌwaxaj ja rmajon rbixic ja Dios chewe camic. Ja raj Israel ojer ma xcajoꞌ ta quicꞌaxaj ja bix chique rmal ja tzijon cuqꞌuin waweꞌ chwachꞌulew in lawuloꞌ ban chique rmal, majun quitobej quiꞌ. Pior cꞌa ajoj wi matikajoꞌ nkacꞌaxaj ja nbix chake rmal ja ntzijonto kuqꞌuin chilaꞌ chicaj tewotakij chi más chi na lawuloꞌ ja xtiban na chake, majun nkatobej kiꞌ.

Hebreos 9:15

Rmalcꞌariꞌ tok yatajnak tre ja Cristo chi arjaꞌ cꞌamyonto ja cꞌacꞌa chominem ja nercojbej ja winak chwach ja Dios. Rmal cꞌa ja rcamic ja Cristo tok cuytajnak chic ja il mac ja bantaji chipan ja chominem ja cꞌoli nabey. In camic ja roksiqꞌuin rmal ja Dios nokcowini nkawil ja rutzil ja tzujunto ojer rmal, jariꞌ ja herencia xin Dios ja ni mta wiꞌ qꞌuisic trij.

Apocalipsis 22:17

Ja rEspíritu Santo rachbil ja rxjayil ja Carnelo ejeꞌeꞌ quewaꞌ nquibij riꞌ: —Catpeti Jesús, necheꞌe. In chakajaꞌ ja necꞌaxani quirtawaꞌ xtiquibij riꞌ: —Catpeti Jesús, xquecheꞌ ta. Ja winak ja nquenaꞌ chakichiꞌ quepi cꞌa in xa nak ta ja cꞌo rgana npeti tipeti, turtijaꞌ ja yaꞌ ja rcꞌamonto ja utzlaj cꞌaslemal ja mta qꞌuisic trij in xa sipan ja yaꞌ.