San Mateo 21:11 - Tz'utujil (Ja Cꞌacꞌa Chominem)

¹¹ —Jalaꞌ Jesús ja profeta ja raj Nazaret ja cꞌo pa rcuenta Galilea, xecheꞌxi cumal ja winak.

Tz'utujil NT

¹¹ —Jala Jesús je profeta ja aj Nazaret jc'ola precwent Galilea, cara' xbixa chca cmal wnak.

San Mateo 21:11 Iomraidhean Croise

San Mateo 2:23

Ja cꞌa tok xeꞌekaji ja pa Galilea chipan ja tinamit Nazaret xeqꞌuejeꞌ wiꞌ. Queriꞌ queban rumac chi triꞌ bantaj wiꞌ cumplir ja quibin can ja profeta tre ja Cristo quewariꞌ: —Xtibinaꞌax tre chi aj Nazaret, xticheꞌx na. Queriꞌ ja quibin can tre.

San Mateo 21:10

Ja cꞌa tok xoc chipan ja tinamit Jerusalén xeyictaji ja tinamit pro canojel in quewaꞌ nquibij riꞌ: —¿Nak cꞌa chi achiꞌal alaꞌ ja xurkaji leꞌ? xecheꞌe.

San Mateo 21:26

In wi xtikabij tre chi xa winak xeyoꞌ tre jariꞌ nak la xtiban chake cumal ja winak como ja chiquewach ejeꞌeꞌ ja Juan arjaꞌ jun profeta xin Dios, xecheꞌe.

San Mateo 21:46

Laj quechap chi nquecoj preso pro xa nquixbej quiꞌ chiquewach ja winak como ja nquibij ja winak chi ja Jesús arjaꞌ jun profeta xin Dios.

Marcos 6:15

Pro ecꞌo chic juleꞌ quewaꞌ quibij riꞌ: —Ja rachi arjaꞌ Elías, xecheꞌe. In ecꞌo chic juleꞌ quewaꞌ quibij riꞌ: —Ja rachi arjaꞌ jun profeta, queriꞌ rbanic ja caniꞌ quibanic ja rojer tak profeta, xecheꞌe.

San Lucas 13:33

Pro camic puersa nmajel chic jutij nubey. Ninbini camic, chwak in cabij, puersa ninbe pa Jerusalén in triꞌ nincamsax wiꞌ como jun profeta xin Dios mta moda ja maquita pa Jerusalén xticamsax wiꞌ.

San Lucas 24:19

—¿Nak cꞌa ja bantaji? neꞌe ja Jesús chique. Ja cꞌa rejeꞌeꞌ quewaꞌ quibij tre riꞌ: —Noktzijon tre ja Jesús ja raj Nazaret. Ja Jesús arjaꞌ jun profeta xin Dios, congana nimak tak milagro xuban in congana poder rcꞌan ja rtzobal, jariꞌ bien kꞌalaj chwach ja Dios in bien kꞌalaj chiquewach canojel ja winak chakajaꞌ.

San Lucas 7:16

Ja cꞌa winak congana quixbej quiꞌ rmal ja bantaji pro canojelal in quemaj ryaꞌic rukꞌij ja Dios: —Jalaꞌ jun nimlaj profeta xin Dios ja winakarnak chikacojol camic. Ja Dios camic rtakonto jun Toꞌonel chikacojol ja rok tinamit rxin, xecheꞌe.

San Lucas 7:39

Ja cꞌa fariseo ja banyon invitar rxin ja Jesús tok xutzꞌat ja xuban ja rixok quewaꞌ xuchꞌob kaj pa ranma riꞌ: —Ja Jesús wixta katzij chi profeta xin Dios rotak ta cꞌariꞌ nak rbanic ja jun ixok leꞌ ja ntajini nuchap rkan. Como jalaꞌ jun ixok leꞌ xa itzel rcꞌaslemal. Queriꞌ xuchꞌob kaj.

San Juan 1:21

In quibij chic tre: —¿Nak cꞌa atocnak wiꞌ, la maxta cꞌa atat ja rat Elías? xecheꞌ chic tre. —Mni, neꞌe ja Juan chique. In quibij chic tre: —¿La maxta cꞌa atat ja rat profeta ja bitajnak can chake chi natpi na? xecheꞌ chic tre. —Mni, ma anin ta chakajaꞌ, neꞌ chic chique.

San Juan 1:25

In quibij chic tre: —Ja wi ma atat ta ja rat Cristo in wi ma at Elías ta in nixtacꞌa at profeta ta ja kayben chi npi na ¿nak cꞌa tre tok neꞌaban bautizar ja winak? xecheꞌ chic tre.

San Juan 4:19

—Ja nchꞌob anin maxla at jun profeta xin Dios.

San Juan 6:14

Ja winak tok quetzꞌat ja milagro ja xuban ja Jesús chiquewach quewaꞌ quibij riꞌ: —Jalaꞌ jun achi leꞌ ni katzij wiꞌ chi arjaꞌ ja profeta xin Dios ja tzꞌibtal can chi npi na, xecheꞌe.

San Juan 7:40

Ja winak tok quicꞌaxaj ja xbij ja Jesús ecꞌoli chique quibij: —Jalaꞌ jun achi leꞌ ni katzij wiꞌ chi jalaꞌ ja profeta xin Dios ja bitajnak can chi npi na, xecheꞌe.

San Juan 9:17

In quibij chic tre ja rachi ja jaktaj rwach: —In atat ¿nak nabij tre ja rachi rbinaꞌan Jesús? como arjaꞌ xujak awach. ¿Nak ocnak wiꞌ nachꞌob atat? xecheꞌ tre. —Arjaꞌ jun profeta xin Dios, xecheꞌx rmal ja rachi.

Hechos 7:37

Ja mismo Moisés quewaꞌ xbij chique ja tinamit xin Dios riꞌ: —Ja kajaw Dios arjaꞌ cꞌo jun profeta ja xtutakto na chi etoꞌic ja caniꞌ xuban anin chwe tok xinrutak ewqꞌuin. Jariꞌ profeta arjaꞌ kach aj Israel in bien teyaꞌaꞌ ewxquin tre xa nak ta ja xtibij chewe. Queriꞌ xbij ja Moisés chique.