San Mateo 2:6 - Tz'utujil (Ja Cꞌacꞌa Chominem)

⁶ —Ja tinamit Belén ja cꞌo pa rcuenta Judá, janila nim rukꞌij ntzꞌa̱t cumal ja kꞌetol tak tzij xin Judá. Queriꞌ rbanic como triꞌ nwinakar wiꞌ jun kꞌetol tzij, arjaꞌ nucꞌan quixin ja ntinamit Israel, neꞌe ja Dios. Queriꞌ ja tzꞌibtal can rmal ja profeta, xecheꞌ tre.

Tz'utujil NT

⁶ —Je tnamet Belén jc'ola precwent Judá, ajni'la nim ruk'ij ntz'e'ta cmal ja e k'toy tak tzij rxin Judá. Cara' nba'na tzra com tzra' nwanker wa' jun k'toy tzij, arja' nc'ana cxin netnamet Israel, cara' xbij Dios. Cara' tz'ibtanak cana rmal profeta. Cara' xecbij tzra.

San Mateo 2:6 Iomraidhean Croise

San Mateo 2:1

Ja cꞌa Jesús, chipan ja tinamit Belén xalax wiꞌ ja cꞌo pa rcuenta Judea. Jariꞌ tiempo ja Herodes arjaꞌ ocnak rey. Cꞌacꞌariꞌ ecꞌo caꞌiꞌ oxiꞌ achiꞌiꞌ epenak chipan jun nación ja cꞌo pan oriente, ejeꞌeꞌ xeꞌurkaj chipan ja tinamit Jerusalén. Jariꞌ achiꞌiꞌ e magos necheꞌxi. Ejeꞌeꞌ quemaj rcꞌaxaxic chique ja winak:

San Mateo 28:18

Peti ja Jesús in quewaꞌ xbij chique riꞌ: —Nojel ja poder xin chilaꞌ chicaj jachon pa nukꞌaꞌ rachbil nojel ja poder xin rwachꞌulew.

San Juan 21:16

Cꞌacꞌariꞌ ja Jesús xcꞌaxaj chic jutij tre: —Simón ja rat rcꞌajol Jonás ¿la ninawajoꞌ? neꞌ tre. —Queriꞌ Wajaw, atat awotak chi congana nel nucꞌuꞌx chawij, neꞌx chic jutij rmal ja Pedro. —Queꞌachajij cꞌa ja ncarnelo, neꞌe ja Jesús tre.

San Juan 7:42

¿La ma tzꞌibtal can ta cꞌa chipan ja rtzobal Dios chi pa Belén npi wiꞌ ja Cristo como ja Belén jariꞌ rtinamit ja rojer rey David in ja Cristo arjaꞌ riy rumam can ja David? xecheꞌe.

Efesios 1:22

Ja Dios mta nak ta ja maquita rcojon xeꞌ rukꞌaꞌ rkan ja Cristo. Jawaꞌ Cristo riꞌ arjaꞌ chaꞌon rmal ja Dios chi nokruban cuenta ja rok iglesia pro jun Cristo ja paꞌl trij nojelal.

Colosenses 1:18

Arjaꞌ nbano mandar kaxin ja rok iglesia caniꞌ nuban jun wiꞌaj nuban mandar ja cuerpo. Ruqꞌuin arjaꞌ winakarto wiꞌ ja cꞌacꞌa cꞌaslemal kucꞌan como arjaꞌ ja kas nabey cꞌastaji chijutij chiquicojol camnakiꞌ. Queriꞌ rbanic utzcꞌa chi nij arjaꞌ wiꞌ nnabeyaji utzcꞌa chi mchita jun nak chi ta nim ta rukꞌij chwach arjaꞌ.

Apocalipsis 11:15

Jun chic ángel xulaj ja rtrompeta. Ja cꞌa tok xultaj rmal cꞌo juleꞌ nimak tak kulaj cꞌaxaxi chilaꞌ chicaj, quewaꞌ nbij riꞌ: —Ja gobierno jeꞌe ja cꞌo chwachꞌulew, camic ocnak pa rukꞌaꞌ ja kajaw Dios in pa rukꞌaꞌ ja Cristo ja rchaꞌon. Camic arjaꞌ nbano mandar como Rey in ni nuban wiꞌ mandar camic, chwak in chijutij, neꞌe.

Apocalipsis 2:27

Congana jun nimlaj poder nqꞌuejeꞌ pa quekꞌaꞌ jariꞌ nquecoj chiquij ja winak chi cow nequechap tre in nequibanbej mandar caniꞌ poder rxin jun chꞌichꞌ nya̱ꞌ pa rukꞌaꞌ jun achi in npaxij juleꞌ bojoꞌy tre in ni nchictaji ja bojoꞌy rmal. Queriꞌ ja poder ja xtiyataj chique ja caniꞌ yataj anin chwe como cꞌoli ja poder ja yatajnak anin chwe rmal ja nataꞌ Dios.

Apocalipsis 7:17

Queriꞌ xtiqueban como ja Carnelo ja cꞌo mero pa nicꞌaj ja bar cꞌo wiꞌ ja trono arjaꞌ xtiyukꞌun quixin. Arjaꞌ xquerucꞌaj ja bar cꞌo wiꞌ tzꞌuquel tak yaꞌ pro jariꞌ yaꞌ rcꞌamonto ja utzlaj cꞌaslemal. Ja cꞌa Dios arjaꞌ xtisuꞌuwi ja riyaꞌl quewach pro ni nojelal in ni mchita wiꞌ okꞌej xtiqueban. Queriꞌ xbij chwe ja ranciano.