San Mateo 2:4 - Tz'utujil (Ja Cꞌacꞌa Chominem)

⁴ Ja cꞌa Herodes xerumol canojel ja jefe quixin sacerdote e cachbil ja maestro ja netijon quixin ja winak tre ja ley xin Dios ja tzꞌibtal can ojer rmal ja Moisés in quewaꞌ xcꞌwaxaj chique riꞌ: —¿Bar triꞌ nalax na wiꞌ ja Cristo? neꞌ chique.

Tz'utujil NT

⁴ Ja' Herodes xerumol conjelal cjefe sacerdote e quexbil maestro je nquetijona cxin wnak tzrij rley Dios jtz'ibtanak cana ojer rmal Moisés y cawra xc'axaj chca ra: —¿Abar tzra' nalex wa' Cristo? cara' xc'axaj chca.

San Mateo 2:4 Iomraidhean Croise

San Mateo 13:52

In xbij chic jutij chique: —Como nchꞌobtaj emwal rmalcꞌariꞌ nbij chewe chi canojel ja maestro ja nquitijoj quiꞌ tre ja gobierno xin chilaꞌ chicaj ejeꞌeꞌ e junan ruqꞌuin jun rajaw jay ja cꞌoli nojel ruqꞌuin ja ncꞌatzini, cꞌo cꞌacꞌa, cꞌo ma cꞌacꞌa ta chakajaꞌ in arjaꞌ nlasajto xa nak ta ncꞌatzin tre chi caꞌiꞌ. Queriꞌ ja xbij chique.

San Mateo 2:3

Ja cꞌa rey Herodes tok xcꞌaxaj chi cꞌo chic jun rey xalaxi congana junwiꞌ xunaꞌ in canojel ja recꞌo pa Jerusalén junwiꞌ quicꞌaxaj chakajaꞌ.

San Mateo 2:5

—Chipan ja tinamit Belén nalax wiꞌ ja cꞌo pa rcuenta Judea, xecheꞌ tre. —Queriꞌ nkabij chawe como queriꞌ tzꞌibtal can rmal ja profeta quewariꞌ:

San Mateo 21:15

Ja cꞌa jefe quixin sacerdote e cachbil ja maestro ja netijon quixin ja winak tre ja ley xin Dios ja tzꞌibtal can rmal ja Moisés ejeꞌeꞌ quetzꞌat nojel ja xuban ja Jesús ja congana ncꞌascꞌoꞌi natzꞌat in ecꞌo juleꞌ acꞌalaꞌ xequicꞌaxaj chakajaꞌ, quimajon rakic quechiꞌ chipan ja templo in quewaꞌ nquibij riꞌ: —Dios, koꞌatoꞌoꞌ camic, peti ja Ralcꞌwal can ja rojer rey David, necheꞌe. In congana pi quiyewal rmal ja quetzꞌat in ja quicꞌaxaj

San Mateo 21:23

Ja cꞌa tok xeꞌekaj chipan ja tinamit xoqui ja Jesús chipan ja nimlaj templo xin Dios in xumaj quitijoxic ja winak. Kas rmajon quitijoxic ja tok xeꞌekaji ja jefe quixin sacerdote e cachbil ja principaliꞌ xin tinamit in quibij tre: —¿Nak atocnak wiꞌ chewiꞌ tok amajon rbanic nojel awaꞌ ja kamajon rtzꞌatic in nak yoyon chawe chi naban? xecheꞌ tre.

San Mateo 26:3

Ja cꞌa jefe quixin sacerdote e cachbil ja maestro ja netijon quixin ja winak tre ja ley xin Dios e cachbil chakajaꞌ ja principaliꞌ xin tinamit ejeꞌeꞌ xequimoloꞌ quiꞌ chwach ja nimlaj jay rxin ja Caifás ja lokꞌlaj sacerdote.

San Mateo 26:47

Kas cꞌa rmajon na tzij ja Jesús cuqꞌuin ja rdiscípulo ja tok peti ja Judas. Jariꞌ Judas arjaꞌ jun chique ja cablajuj apóstol. Arjaꞌ e qꞌuiy ja winak erachbilanto in cꞌoli banbal chꞌaꞌoj quicꞌamonto caniꞌ tre espada in cheꞌ, etakonto cumal ja jefe quixin sacerdote in cumal ja principaliꞌ xin tinamit chi nurquichapaꞌ ja Jesús.

San Mateo 27:1

Ja cꞌa tok sakari canojel ja jefe quixin sacerdote e cachbil ja principaliꞌ xin tinamit ejeꞌeꞌ quemaj rchꞌobic nak nqueban tre ja Jesús chi nquicamsaj.

San Mateo 7:29

Queriꞌ queban ja winak como ja tijonem nuyaꞌ chique congana nerusil, bien kꞌalaj chi ruqꞌuin Dios penak wiꞌ ja nbij, ma junan ta ruqꞌuin ja tijonem ja nqueyaꞌ ja maestro ja netijon quixin ja winak tre ja ley xin Dios ja tzꞌibtal can rmal ja Moisés.

Marcos 8:31

Cꞌacꞌariꞌ xumaj rkꞌalasaxic chiquewach ja rdiscípulo nak xtiban na tre, quewaꞌ xbij chique riꞌ: —Anin ja rin Alcꞌwalaxel ja xinoc alaxic cuqꞌuin ja winak qꞌuiy rwach ja rpokonal ntij na, xa itzel ninquetzꞌat na ja principaliꞌ xin tinamit e cachbil ja jefe quixin sacerdote e cachbil chakajaꞌ ja maestro ja netijon quixin ja winak tre ja ley xin Dios, nincamsax na in chi rox kꞌij nincꞌastaj na, neꞌ chique.

San Lucas 20:19

Ja cꞌa jefe quixin sacerdote e cachbil ja maestro xin ley tok quicꞌaxaj ja cꞌambal tzij bien chꞌobtaj cumal chi ejeꞌeꞌ ja xebixi. Rmalcꞌariꞌ tok ni jariꞌ hora laj quechap ja Jesús quecoj ta preso pro xa nquixbej quiꞌ chiquewach ja winak.

San Lucas 23:10

Ecꞌo cꞌa ja jefe quixin sacerdote e cachbil ja maestro ja netijon quixin ja winak tre ja ley xin Dios, ejeꞌeꞌ congana nqueban, quemaj rbixic ril ja Jesús chwach ja Herodes.

San Juan 18:3

Ja cꞌa Judas arjaꞌ xeꞌercꞌamaꞌ juleꞌ soldado e rachbil juleꞌ pulisiyaꞌ ja nesamaj pa quicuenta ja jefe quixin sacerdote in pa quicuenta ja fariseo. Ja tok xecꞌamtaj rmal cꞌacꞌariꞌ xucꞌamel chic quebey, xebe chipan ja lugar. Cꞌo kꞌakꞌ quecꞌamel ja nquitzꞌatbej quebey in cꞌoli banbal tak chꞌaꞌoj quecꞌamel chakajaꞌ.

San Juan 3:10

Ja cꞌa Jesús xbij chic tre: —At maestro waꞌan quixin ja tinamit Israel ja rtinamit Dios pro takaꞌan matichꞌobtaj amwal ja nbij chawe.

San Juan 7:32

Ja cꞌa fariseo ejeꞌeꞌ quicꞌaxaj chi ja winak kas pan ekal quimajon rbixic chi ja Jesús arjaꞌ ja Cristo. Rmalcꞌariꞌ tok quecꞌam quiꞌ cuqꞌuin ja jefe quixin sacerdote, xequetak juleꞌ soldado chi nquechap ja Jesús.

San Juan 8:3

Ja maestro ja netijon quixin ja winak tre ja ley xin Dios e cachbil ja fariseo ejeꞌeꞌ cꞌo jun ixok quicꞌamonto, xiltaji macunnak ruqꞌuin jun achi ja ma rchajil ta. Xequiyaꞌaꞌ ja rixok chiquicojol ja winak.

Hechos 23:9

Cꞌacꞌariꞌ quemaj jun nimlaj sícꞌ. Ecꞌo juleꞌ maestro quixin ja fariseo ejeꞌeꞌ xeyictaji in quewaꞌ quibij ja nquitobej ja Pablo riꞌ: —Mta ril ja rachi leꞌ. Maxla cꞌo jun espíritu owi jun ángel takonto rmal ja Dios tzijonnakto ruqꞌuin. Mejor ma kochꞌojin ta ruqꞌuin ja Dios, xecheꞌe.

Hechos 4:5

Ja cꞌa chi rcab kꞌij ja kꞌetol tak tzij quixin ja raj Israel quemol quiꞌ pa Jerusalén e cachbil ja principaliꞌ xin tinamit e cachbil chakajaꞌ ja maestro ja netijon quixin ja winak tre ja ley xin Dios.

Hechos 6:12

Queriꞌ queban ja rachiꞌiꞌ, quetzꞌak tzij trij ja rEsteban in rmalariꞌ tok ja tinamit e cachbil ja principaliꞌ e cachbil chakajaꞌ ja maestro xin ley ejeꞌeꞌ xeyictaj trij. Ja cꞌa rachiꞌiꞌ tok xeꞌekaj ruqꞌuin ja rEsteban quechap in quecꞌamel chiquewach ja kꞌetol tak tzij.