Cꞌacꞌariꞌ xeꞌoc chipan ja jay in quetzꞌat ja tacꞌal rachbil ja María ja ruteꞌ. Xexuqueꞌ chwach ja tacꞌal, quemaj ryaꞌic rukꞌij. Cꞌacꞌariꞌ quiwasajto ja quicꞌamonel ja nimak rjil in cꞌoli quisipaj tre. Ja quisipaj tre, oro in nakun jeꞌe ja quiꞌ rxulaꞌ caniꞌ tre incienso in mirra.
Ja tok xacꞌaxtaj cumal ja bix chique rmal ja rey cꞌacꞌariꞌ xebe. Pro ja cꞌa chꞌumil ja quitzꞌatonto pan oriente jariꞌ cꞌamoꞌel quebey. Ja cꞌa chꞌumil tok xekaj pa rujic ja bar cꞌo wiꞌ ja tacꞌal ma xbin chi ta.
Pro bix chique rmal ja ángel: —Ma texbej ta ewiꞌ, tecꞌwaxaj mpeꞌ ja xtinbij chewe riꞌ como anin cꞌo jun utzlaj tzij ja ncꞌamonto chewe, jun utzlaj tzij janila quicotemal rcꞌamonto chique ja winak pro ni canojelal.
Ja cꞌa yukꞌul tak carnelo ejeꞌeꞌ xemeloji, congana quimajon ryaꞌic rukꞌij ja Dios rmal ja quicꞌaxan in rmal ja quitzꞌaton, ni bantaj wiꞌ cumplir ja caniꞌ bin can chique rmal ja ángel.