San Mateo 17:2 - Tz'utujil (Ja Cꞌacꞌa Chominem)

² Ja cꞌa rachbal ja Jesús xuqꞌuex riꞌ chiquewach in ja rpalaj congana ruchꞌaꞌ caniꞌ kꞌij in ja rtziak congana sak xeli caniꞌ luz.

Tz'utujil NT

² Jruplaj Jesús xuq'uex ri' chquewech, congan ruch'a' xwankera cara' ajni' k'ij y retziak congan sak xela ajni' luz.

San Mateo 17:2 Iomraidhean Croise

San Mateo 17:1

Ja cꞌa chi wakiꞌ kꞌij ja Jesús xerucꞌamel ja Pedro e rachbil Jacobo in Juan ja rchꞌalal ja Jacobo, xebe, xequiyonaj quiꞌ parwiꞌ jun nimlaj jayuꞌ.

San Mateo 17:3

Chaka jalal tok winakar chiquewach ja Moisés rachbil Elías, quimajon tzij ruqꞌuin ja Jesús.

San Mateo 28:3

Ja ncaꞌyi ja ángel caniꞌ ncaꞌy kꞌakꞌ xin jab tok nuqꞌuiak riꞌ in ja rtziak rcojon congana sak.

Marcos 9:3

Ja rtziak congana ncꞌacꞌot chic, congana sak sak, ni majun chꞌajol tziak waweꞌ chwachꞌulew xticowin ta xtuban ta sak tre ja caniꞌ xeli rtziak ja Jesús.

San Lucas 9:29

Kas rmajon oración ja tok xuqꞌuex riꞌ ja rachbal in ja rtziak kas sak xeli, congana ncꞌacꞌoti.

San Juan 1:14

Ja Ralcꞌwalaxel ja nkꞌalasani janiꞌ rnaꞌoj ja Dios arjaꞌ kajto, xoc kach winak, qꞌuejeꞌ chikacojol. Katzꞌat ruqꞌuin kawach chi ja rcꞌaslemal arjaꞌ mero rcꞌaslemal ja Dios, junan ruqꞌuin ja rcꞌaslemal Dios Tatixel, mchita jun ralcꞌwal ja Tatixel ja queriꞌ chi ta. Arjaꞌ nojnak ja rutzil xin Dios pa ranma, nojel ja nuchꞌob, nojel ja nbij in nojel ja nuban ni katzij wiꞌ.

San Juan 17:24

Nataꞌ, ja winak ja reꞌayaꞌon chwe cꞌo ngana chi triꞌ neꞌeqꞌuejeꞌ wiꞌ ja bar xquineqꞌuejeꞌ wiꞌ anin. Queriꞌ nwajoꞌ chique utzcꞌa chi necowini nquetzꞌat ja nimlaj gloria xin Dios wcꞌan ja caniꞌ ayaꞌon chwe. Como atat nij inawajoꞌonto wiꞌ ja tok majaꞌn titzꞌucarsaxto ja rwachꞌulew.

Romanos 12:2

Maxta tewcꞌaj ixix jun cꞌaslemal ja caniꞌ quicꞌaslemal winak ja xa ruqꞌuin rwachꞌulew yukul wiꞌ quecꞌuꞌx. Pro ja neban, kꞌij kꞌij teyaꞌaꞌ lugar tre ja Dios chi arjaꞌ nuqꞌuex ja renaꞌoj, teyaꞌaꞌ lugar tre chi nucoj cꞌacꞌa tak naꞌoj chewe. Queriꞌ ta xteban jutzꞌit utzcꞌa chi newotakij janiꞌ rvoluntad ja Dios utzcꞌa chi newotakij nak ja utz ntzꞌa̱t rmal ja Dios utzcꞌa chi newotakij chakajaꞌ chi ja rvoluntad ja Dios jariꞌ ni utz wiꞌ in majun nak ta falta tre.

Apocalipsis 10:1

Cꞌo chi na cꞌa jun ángel xintzꞌat congana rchokꞌakꞌ, arjaꞌ ntajini nkajto chilaꞌ chicaj, cꞌopi chipan juleꞌ sutzꞌ in cꞌo jun xconkꞌaꞌ parwiꞌ. Ja ncaꞌyi ja rpalaj caniꞌ ncaꞌy kꞌij in ja rkan caniꞌ kꞌakꞌ ocnak.

Apocalipsis 20:11

Cꞌacꞌariꞌ cꞌo jun nimlaj trono sak xintzꞌat in chakajaꞌ xintzꞌat ja tzꞌubul chipan. Qꞌuisi ja caj, qꞌuisi ja rwachꞌulew, ma xucochꞌ ta qꞌuejeꞌ ta chwach ja tzꞌubul chipan ja trono, sachi pro chijutij.