San Mateo 16:8 - Tz'utujil (Ja Cꞌacꞌa Chominem)

⁸ Pro ja Jesús arjaꞌ rotak ja quimajon rbixic in quewaꞌ xbij chique riꞌ: —Achiꞌiꞌ, takaꞌan ma nim ta ja yukulbal ecꞌuꞌx wqꞌuin. ¿Nak tre tok nebij: —Takaꞌan mta way kacꞌampi ta, kas nixcheꞌe?

Tz'utujil NT

⁸ Per Jesús arja' rutkin nak quemjon rbixic y cawra xbij chca: —Ach-i', ntak majo'n yukbal ec'u'x wq'uin. ¿Nak tzra tak nebij: —Tak nmajo'n way xkac'om pa?

San Mateo 16:8 Iomraidhean Croise

San Mateo 14:31

Ja cꞌa Jesús chanim xuyuk pon rukꞌaꞌ, xuyic ja Pedro in quewaꞌ xbij tre riꞌ: —Achi, xa ma nim ta ja yukulbal acꞌuꞌx wqꞌuin ¿nak tre tok xuban caꞌiꞌ acꞌuꞌx? neꞌ tre.

San Mateo 16:7

Ja cꞌa rdiscípulo ejeꞌeꞌ quemaj tzij chibil tak quiꞌ, quewaꞌ nquibij riꞌ: —Queriꞌ nbij chake rumac ja mta way kacꞌampi ta, xecheꞌe.

San Mateo 6:30

Ja cotzꞌiꞌj masqui xa ncami, masqui xa nchakiji chanim in nporox pa kꞌakꞌ pro ja Dios arjaꞌ nuyaꞌ rcoloril. Ja wi queriꞌ nuban ¿la matuyaꞌ cꞌariꞌ chewe chakajaꞌ ja retziak necoj? Xarwariꞌ nbij chewe, ma kas ta yukul ecꞌuꞌx ruqꞌuin ja Dios.

San Mateo 8:26

—¿Nak tre tok nexbej ewiꞌ? takaꞌan xa ma nim ta ja yukulbal ecꞌuꞌx wqꞌuin, xecheꞌxi rmal ja Jesús. Cꞌacꞌariꞌ yictaji ja Jesús, xukꞌil ja ikꞌ, xukꞌil ja yaꞌ chakajaꞌ, ni chanim cami ja ikꞌ in sileꞌe ja yaꞌ.

Marcos 16:14

Ja cꞌa tok be jutzꞌit tiempo tre xucꞌut chic jutij riꞌ ja Jesús chiquewach ja julajuj rdiscípulo, ejeꞌeꞌ kas eꞌocnak pa mesa. Ja Jesús arjaꞌ xumaj quichꞌolixic rmal ja ma kas ta yukul quecꞌuꞌx ruqꞌuin in rmal ja kas maril nquinimaj chi cꞌastaji. Queriꞌ xuban chique como ejeꞌeꞌ ma xquinimaj ta ja bix chique cumal ja xetzꞌato rxin chi cꞌastajnak chic.

San Juan 16:30

Ja camic bien chꞌobtajnak chic kumal chi atat nojel awotak, ma rjawaxic ta chawe chi nacꞌwaxaj ta na ja nkacꞌaxaj chawe como jariꞌ awotak chic tok majaꞌn tikacꞌaxaj chawe rmalcꞌariꞌ nkanimaj chi ruqꞌuin ja Dios atpenak wiꞌ, xecheꞌ tre.

Hebreos 4:13

Ja Dios ni majun nak ta ja rawatal ta chwach, nojel ncaꞌy wiꞌ, ni majun ja maquita nutzꞌat, chwach cꞌa nekajachaꞌ na wiꞌ cuenta.

Apocalipsis 2:23

Ja cꞌa xtinban chique ja ral jariꞌ nencamsaj in ja riglesia nojelal bien xtichꞌobtaj cumal chi anin nincowini ntzꞌat xa nak ta ja cꞌo pa tak quewiꞌ pa tak canma ja winak, ni majun awatal ta chinwach in anin nyaꞌ na rtojbalil chewe ja rebanon chejujunal, ja cꞌa rebanon jariꞌ ncꞌutuni janiꞌ ja rtojbalil ja xtinyaꞌ chewe.