San Mateo 14:3 - Tz'utujil (Ja Cꞌacꞌa Chominem)

^3-4 Queriꞌ xbij como bien rotak chi arjaꞌ camsan rxin ja Juan Bautista tokoriꞌ tok xutak rchapic, baqꞌui in coj pa cheꞌ. Queriꞌ xuban tre rumac ja bix tre rmal ja Juan Bautista chi: —Ma rubey ta abanon chi acꞌamon ja rawixnam, neꞌxi. Como ja Herodes arjaꞌ rcꞌamon ja rixnam rbinaꞌan Herodías, rxjayil jun rchꞌalal rbinaꞌan Felipe.

Tz'utujil NT

^3-4 Cara' xbij com bien rutkin chja' xcamsana Juan Bautista tak xutak rchapic, xxi'ma y xucsasa pcars. Cara' xuban tzra com cawra xbixa tzra rmal Juan Bautista: —Mrubey ta abnon jac'mon kaja awexnam, cara' xbij. Com ja' Herodes rec'mon kaja rexnam, Herodías rubi', rexkayil jun rch'alal, Felipe rubi'.

San Mateo 14:3 Iomraidhean Croise

San Mateo 11:2

Ja cꞌa Juan Bautista arjaꞌ cꞌo pa cheꞌ in xekaj rbixic ruqꞌuin nojel ja samaj ja rmajon rbanic ja Cristo. Ja cꞌa xuban, ecꞌo caꞌiꞌ chique ja rdiscípulo arjaꞌ xerutakel ruqꞌuin ja Jesús

San Mateo 14:6

Pro tok qꞌuiswani xcamsaj tokoriꞌ tok xerilaꞌ ja kꞌij ja ncꞌu̱l wiꞌ rcumpleaños. Ja Herodías arjaꞌ cꞌo jun ral xtan in xajowi ja xtan chiquewach ja winak ja quimolon quiꞌ ruqꞌuin ja Herodes. Ja cꞌa Herodes arjaꞌ congana xel rucꞌuꞌx trij.

San Mateo 4:12

Ja cꞌa Jesús tok xekaj rbixic ruqꞌuin chi coji ja Juan Bautista pa cheꞌ cꞌacꞌariꞌ xuyaꞌ can ja lugar ja bar cꞌo wiꞌ, be pa Galilea.

Marcos 6:14

Ja Jesús nojel ja ntajini nuban xekaj rbixic ruqꞌuin ja rey rbinaꞌan Herodes como benak nat nakaj ja rtzijoxic. Ja cꞌa Herodes quewaꞌ xbij riꞌ: —Ja rachi ja maxcoꞌ ntajini nuban arjaꞌ Juan Bautista cꞌastajnakto chiquicojol camnakiꞌ chewiꞌ cꞌa tok ocnak tre ja nimak tak poder ja ntajini nsamaj ruqꞌuin camic, neꞌe.

Marcos 6:17

Queriꞌ xbij como bien rotak chi arjaꞌ yowi ja orden chi camsaxi ja Juan Bautista tokoriꞌ tok xutak rchapic ja Juan, baqꞌui in coj pa cheꞌ. Queriꞌ xuban tre rumac ja bix tre rmal ja Juan Bautista chi: —Ma rubey ta abanon chi acꞌamon ja rawixnam, neꞌxi. Como ja Herodes arjaꞌ rcꞌamon ja rixnam rbinaꞌan Herodías, rxjayil jun rchꞌalal rbinaꞌan Felipe.

Marcos 6:19

Ja cꞌa Herodías arjaꞌ congana penak ryewal trij ja Juan, nrajoꞌ ta ncamsaj pro maticowini

Marcos 6:22

Ja Herodes e rachbil ja rerbanon invitar ecꞌo pa mesa ja tok xekaj jun xtan chiquewach, ral ja Herodías, in xumaj xajoj ja xtan chiquewach. Ja cꞌa Herodes in ja rachbil congana xel quecꞌuꞌx trij. Cꞌacꞌariꞌ ja rey Herodes quewaꞌ xbij tre ja xtan riꞌ: —Tacꞌutuj chwe xa nak ta ja nawajoꞌ, can nyaꞌ chawe, neꞌ tre.

Marcos 8:15

Ja cꞌa Jesús quewaꞌ xbij chique riꞌ: —Kas bien techꞌoboꞌ, kas bien tebanaꞌ cuenta ewiꞌ chwach ja levadura quixin ja fariseo in chwach chakajaꞌ ja levadura rxin ja Herodes, neꞌ chique.

San Lucas 13:1

Ecꞌo cꞌa juleꞌ winak triꞌ ejeꞌeꞌ quemaj rcholic chwach ja Jesús ja queban juleꞌ achiꞌiꞌ ja raj Galilea ja xecamsax rmal ja gobernador Pilato. Ja quiquiqꞌuel ja rachiꞌiꞌ jariꞌ xeryujuꞌ riꞌ ruqꞌuin ja quiquiqꞌuel juleꞌ chicop ja netajini netzujux chwach ja Dios cumal ja rachiꞌiꞌ como sacrificio.

San Lucas 13:31

Jariꞌ mismo kꞌij ecꞌo juleꞌ fariseo xeꞌekaj ruqꞌuin in quewaꞌ quibij tre riꞌ: —Jat, catanmajel como ja gobernador Herodes arjaꞌ cꞌo rgana natrcamsaj, xecheꞌ tre.

San Lucas 23:11

Ja cꞌa Herodes e rachbil ja rsoldado ejeꞌeꞌ ni ma vale ta chiquewach ja Jesús, quemaj ryokꞌic, quecoj jun tziak tre ja caniꞌ nquecoj rey pro jariꞌ xa nquiyokꞌbej rxin. Cꞌacꞌariꞌ ja Herodes xutakel chic jutij ruqꞌuin ja Pilato.

San Lucas 23:7

Ja cꞌa tok bix tre chi aj Galilea ja Jesús cꞌacꞌariꞌ xutakel ruqꞌuin ja Herodes ja gobernador xin Galilea como ja Herodes arjaꞌ cꞌo pa Jerusalén triꞌ chakajaꞌ.

San Lucas 3:1

Ja cꞌa Juan ja rcꞌajol Zacarías arjaꞌ xerilaꞌ ja kꞌij ja tok tzijoni ja Dios ruqꞌuin pa jun lugar ja kas talan wiꞌ tokoriꞌ pa rtiempo ja nimlaj rey rbinaꞌan Tiberio César. Ja cꞌa Tiberio César olajuj junaꞌ toqui ja pa kꞌetbaltzij ja tok tzijoni ja Dios ruqꞌuin ja Juan. In juleꞌ chic ja rachiꞌiꞌ ja reꞌocnak kꞌetol tak tzij chipan ariꞌ tiempo quewaꞌ quebiꞌ riꞌ. Jun, Poncio Pilato rubiꞌ, arjaꞌ ocnak gobernador xin Judea. Jun chic, Herodes rubiꞌ, pa rukꞌaꞌ arjaꞌ cꞌo wiꞌ ja departamento Galilea. Jun chic, Felipe rubiꞌ rchꞌalal ja Herodes, pa rukꞌaꞌ arjaꞌ cꞌo wiꞌ ja caꞌiꞌ lugar Iturea in Traconite. In jun chic, Lisanias rubiꞌ, pa rukꞌaꞌ arjaꞌ cꞌo wiꞌ ja lugar Abilinia. Ja rachi ja rocnak lokꞌlaj sacerdote triꞌ Anás rubiꞌ rachbil Caifás.

San Lucas 8:3

Jun chic, Juana rubiꞌ, rxjayil Chuza. Ja cꞌa Chuza arjaꞌ nbano cuenta rxin ja mebaꞌil rxin ja rey Herodes. Jun chic, Susana rubiꞌ, in cꞌa ecꞌo na más chakajaꞌ. Cꞌoli quimebaꞌil ja nquitobej ja Jesús chipan nak ja cꞌo rjawaxic tre.

Hechos 12:1

Chipan ariꞌ tiempo ja rey Herodes ecꞌo juleꞌ chique ja riglesia xumaj rbanic pokon chique.

Hechos 4:27

In ni queriꞌ bantaji ja caniꞌ abin can ojer. Como ja Herodes rachbil Poncio Pilato ejeꞌeꞌ quecꞌam quiꞌ waweꞌ pa Jerusalén chi rcamsaxic ja Jesús ja Santilaj Awalcꞌwal ja racojon como Toꞌonel kaxin ja rok winak. Queriꞌ queban e cachbil ja winak tanto chique ja ma e aj Israel ta in chique ja raj Israel chakajaꞌ.