San Mateo 13:44 - Tz'utujil (Ja Cꞌacꞌa Chominem)

⁴⁴ In jun chic, ja gobierno xin chilaꞌ chicaj queriꞌ rbanic caniꞌ jun nimlaj mebaꞌil wawan, mukun chipan jun chenoj in chaka jalal tok xiltaj rmal jun achi. Ja cꞌa rachi xumuk can chic jutij, nmeloji, congana nquicoti, nojel ja cꞌo ruqꞌuin ncꞌayij in nulokꞌ ja chenoj ja bar cꞌo wiꞌ ja nimlaj mebaꞌil.

Tz'utujil NT

⁴⁴ Jun chic, jgobierno rxin chcaj cara' rbanic ajni' jun nimlaj mibil wiwan, mkun chpam jun chnoj y chek q'uenjlal xiltaja rmal jun acha. Y ja' acha xumuk chic jmul y xemloja, congan nquicota, njelal achnak jc'ola ruq'uin nc'ayij y nulok' chnoj jabar c'o wa' nimlaj mibil.

San Mateo 13:44 Iomraidhean Croise

San Mateo 13:24

In cꞌo chic jun ja cꞌambal tzij xbij chique quewariꞌ: —Ja gobierno xin chilaꞌ chicaj queriꞌ rbanic caniꞌ xuban jun achi xutic juleꞌ utzlaj ijaꞌtz xin trigo pa rchenoj.

San Mateo 13:46

Ja cꞌa tok xuwil jun ja perla ja más chi na nim rjil be, in nojel ja cꞌo ruqꞌuin xcꞌayij in xulokꞌ ja perla.

San Mateo 13:47

In jun chic, ja gobierno xin chilaꞌ chicaj queriꞌ rbanic caniꞌ jun cꞌam nqꞌuia̱k pa mar in neꞌoqui ja chꞌuꞌ chipan pro nojel quewach ja chꞌuꞌ neꞌoc chipan.

San Mateo 19:21

—Ja wi nawajoꞌ nawcꞌaj jun cꞌaslemal ja ni majun nak ta ja maquita tzꞌakat tre, ja naban, jat, tacꞌayij can nojel ja cꞌol awqꞌuin, ja cꞌa rjil tayaꞌaꞌ can chique ja tak mebaꞌiꞌ. Ja wi queriꞌ naban jariꞌ cꞌoli ja ramebaꞌil nyataj na chawe chilaꞌ chicaj. In jun chic, catoc ndiscípulo, joꞌ cattreꞌ chwij, neꞌxi.

San Mateo 19:27

Ja cꞌa Pedro arjaꞌ xbij tre: —Ja cꞌa chake ajoj, nojel ja cꞌo kuqꞌuin kayaꞌon can, okocnak adiscípulo, nij oktran wiꞌ chawij ¿nak cꞌa nkachꞌec ariꞌ trij? neꞌ tre.

San Mateo 19:29

In ja winak xa nak ta chi winakil ja wi cꞌoli quiyaꞌon can caniꞌ tre cochoch owi caniꞌ chique quinimal owi quechakꞌ owi canaꞌ owi caniꞌ chique quitataꞌ queteꞌ owi caniꞌ chique quixjayilal owi calcꞌwal owi caniꞌ tre culew, ja cꞌa wi mwal anin ja tok quiyaꞌon can jariꞌ más chi na qꞌuiy ja xtiyataj na chique chwach ja caniꞌ quiyaꞌon can. In chakajaꞌ cꞌo jun herencia nyataj chique jariꞌ ja utzlaj cꞌaslemal ja mta qꞌuisic trij.

San Mateo 6:21

Anin xinbij chewe ja tzij riꞌ como xa nak ta chi mebaꞌil benak ecꞌuꞌx ruqꞌuin triꞌ cꞌo wiꞌ ja rewanma chakajaꞌ.

San Lucas 14:33

Queriꞌ cꞌa rbanic, xa nak ta chewe ja npokonaj nuyaꞌ can nojelal ja cꞌo ruqꞌuin jariꞌ mta moda xtoc ta ndiscípulo.

San Juan 6:35

—Anin cꞌariꞌ ja rin way, anin ninyowi ja utzlaj cꞌaslemal ja mta qꞌuisic trij. Ja winak ja nyukeꞌ quecꞌuꞌx wqꞌuin jariꞌ ni mchita wiꞌ waꞌal xtiquetij ta nixtacꞌa chakichiꞌ ta chakajaꞌ.

Romanos 15:4

Xa nak ta ja tzꞌibtal can chipan ja rtzobal Dios ojer jariꞌ ma chaka ta tzꞌibtali, rumac chi nokrpaxbaj. Ja tzꞌibtal can ojer jariꞌ nuyaꞌ ja kapaciencia chi rcochꞌic ja nkawil jeꞌe chipan ja kacꞌaslemal in nyukbaꞌ más kacꞌuꞌx chakajaꞌ. Jariꞌ rcꞌamonto chake utzcꞌa chi nokquicoti chi raybexic ja tzujun chake rmal ja Dios.

Colosenses 2:3

Ruqꞌuin ja Cristo nkawil wiꞌ ja naꞌoj xin Dios pro ni nojelal, ruqꞌuin arjaꞌ nkawil wiꞌ nojelal ja nrajoꞌ ja Dios chake chi nkotakij jariꞌ caniꞌ jun nimlaj mebaꞌil nkawil. Pro solo ruqꞌuin ja Cristo nkawil wiꞌ.

Colosenses 3:16

Kas ta xtinoji chi utz ja utzlaj tzij xin Cristo pa tak ewiꞌ pa tak ewanma. Tetijoj ewiꞌ in tepaxbaj ewiꞌ pro ruqꞌuin ta ja naꞌoj xin Dios. Tebanaꞌ salmo, tebanaꞌ himno, tebixaj ja bix ja nwinakarsax pa tak ewanma rmal ja rEspíritu Santo pro ruqꞌuin ta ewanma nebixaj rubiꞌ ja kajaw Jesucristo in nemaltioxij tre ja Dios.

Hebreos 10:34

Como ja xeqꞌuejeꞌ pa tak cheꞌ rumac ja Jesucristo xepokonaj quewach. In tok majtaj chewe ja mebaꞌil ma xepokonaj ta, xixquicoti. Como bien ewotak chi cꞌol emebaꞌil chilaꞌ chicaj ja más chi na utz ja ni mta wiꞌ qꞌuisic trij chewiꞌ tok xixquicoti.

Apocalipsis 3:18

Rmalcꞌariꞌ tok cꞌo jun consejo nyaꞌ chewe riꞌ, mejor telokꞌoꞌ chwe ja puro oro ja kꞌaxnak pa kꞌakꞌ utzcꞌa chi nixoqui ix biyomaꞌ ja ni katzij wiꞌ chi ix biyomaꞌ. In telokꞌoꞌ chwe ja tziak sak ja necoj chewij utzcꞌa chi ma ixchꞌanal chi ta nixtzꞌati in ma qꞌuixbal ta nenaꞌ. In telokꞌoꞌ chwe chakajaꞌ ja rakꞌom ja neyaꞌ pan ewach utzcꞌa chi njaktaji ja rewach.