San Mateo 13:21 - Tz'utujil (Ja Cꞌacꞌa Chominem)

²¹ Pro ejeꞌeꞌ e caniꞌ juleꞌ tijcoꞌm ja mta rcꞌamal, xa ti jurata nquinimaj. Ja cꞌa tok xterilaꞌ ja cꞌayewalaj tiempo ja tok nmajtaj rbanic pokon chique ja winak rmal ja rtzobal Dios ejeꞌeꞌ chanim nqueyaꞌ can.

Tz'utujil NT

²¹ Per arj-e' e ajni' tejco'n jmajo'n rc'amal ruxe', njurmaj oca necnimaj. Per tak xterla' jlowlo' tiemp tak nmajtaja rbanic lowlo' chca wnak rmal rtzojbal Dios arj-e' alnak nqueya' cana yukbal quec'u'x.

San Mateo 13:21 Iomraidhean Croise

San Mateo 11:6

In tebij tre ja Juan chakajaꞌ chi congana quiꞌil chique ja winak ja ma junwiꞌ ta nquenaꞌ rmal ja samaj ja nintajini nban. Queriꞌ tebij tre, neꞌel chique ja discípulo rxin ja Juan Bautista.

Efesios 3:17

Ni ta xtiyukeꞌ wiꞌ ecꞌuꞌx ruqꞌuin ja Cristo in rmaltariꞌ ni ta xtiqꞌuejeꞌ wiꞌ ja Cristo pa tak ewanma. Ja wi queriꞌ neban jariꞌ nixtiqueꞌe chi utz chipan ja rajoben riꞌil xin Dios caniꞌ rbanic jun cheꞌ ja nat benak ja rcꞌamal pa tokꞌulew in caniꞌ rbanic jun jay ja bien tzꞌubul parwiꞌ ja rsimientoꞌil.

2 Timoteo 1:15

Atat awotak chi canojel ja recꞌo pa rcuenta ja departamento Asia ejeꞌeꞌ ma xinquetoꞌ chi ta pro xinqueyaꞌ can caniꞌ chique Figelo in Hermógenes.

Filipenses 1:6

Ja katataꞌ Dios arjaꞌ cꞌo jun utzlaj samaj xumajel pa tak ewanma in bien wotak chi arjaꞌ ntzꞌakatsaj na ja samaj tokoriꞌ tok xtipi chic jutij ja Jesucristo.

Gálatas 6:15

Ja tok xa jun naban ruqꞌuin ja Cristo Jesús jariꞌ macatrutoꞌ ja natban circuncidar in macatrutoꞌ chakajaꞌ ja macatban circuncidar. Pro ja ntoꞌo awxin jariꞌ jun cꞌacꞌa cꞌaslemal ja nacochij tre ja Dios.

Gálatas 6:12

Ja winak ja cꞌo quigana nquikꞌalasaj quiꞌ chi congana nqueban cumplir ja costumbre rxin ja ley ejeꞌeꞌ riꞌ ja nebin chewe chi puersa nixban circuncidar. Ejeꞌeꞌ xa nquixbej quiꞌ xtiquetij ta rpokonal rmal ja Cristo xtiquibij ta chi solo rcamic ja Cristo chwach cruz nattoꞌowi chipan ja rawil amac.

Gálatas 5:6

Ja tok xa jun naban ruqꞌuin ja Cristo Jesús jariꞌ macatrutoꞌ ja natban circuncidar in macatrutoꞌ chakajaꞌ ja macatban circuncidar. Pro ja ntoꞌo awxin jariꞌ tok nyukeꞌ acꞌuꞌx ruqꞌuin ja Jesucristo, tok nsamaji ja yukulbal acꞌuꞌx chi rwinakarsaxic ja rajoben riꞌil xin Dios pan acꞌaslemal.

Romanos 2:7

Juleꞌ xtuyaꞌ chique ja utzlaj cꞌaslemal ja mta qꞌuisic trij. Ejeꞌeꞌ riꞌ ja ni matiqueyaꞌ can wiꞌ ja banoj utzil como ejeꞌeꞌ xajutij quimajon rtijic quekꞌij chi nequilaꞌ ja gloria xin Dios, ja ta ncajoꞌ chi utz netzꞌa̱t rmal ja Dios in neqꞌuejeꞌ ta chipan jun quicotemal ja mta yojtajic trij.

San Juan 6:26

Ja cꞌa Jesús xbij chique: —Ixix ninecanoj pro ma rmal ta chi chꞌobtaj emwal nak ja kas mero rcꞌamonto ja juleꞌ milagro ja xinban chewach. Ninecanoj pro xa rmal chi xixnutzuk tre ja caxlanway in xixnoji chi utz.

San Lucas 8:13

Ja kaji ja bar cꞌo wiꞌ abaj jariꞌ tibij tzij chi ecꞌoli winak ja nquicꞌaxaj ja rtzobal Dios in nquinimaj, congana nequicot rmal. Pro ejeꞌeꞌ e caniꞌ juleꞌ tijcoꞌm ja mta rcꞌamal, xa ti jurata nquinimaj. Ja cꞌa tok xterilaꞌ ja cꞌayewalaj tiempo xa nqueyaꞌ can.

Marcos 4:17

Pro ejeꞌeꞌ e caniꞌ juleꞌ tijcoꞌm ja mta rcꞌamal, xa ti jurata nquinimaj. Ja cꞌa tok xterilaꞌ ja cꞌayewalaj tiempo ja tok nmajtaj rbanic pokon chique ja winak rmal ja rtzobal Dios ejeꞌeꞌ chanim nqueyaꞌ can.

San Mateo 26:33

Ja cꞌa Pedro arjaꞌ xbij tre: —Masqui canojel xcatqueyaꞌ can pro ja cꞌa chwe anin mta moda xcatnuyaꞌ can ta, neꞌ tre.

San Mateo 26:31

Ja cꞌa Jesús arjaꞌ xbij chique: —Rmal ja xtiban chwe chipan awaꞌ jun tucwakꞌabil riꞌ ixix nineyaꞌ can, nixanmaji pro ewanojelal. Queriꞌ nbij chewe como tzꞌibtal can chipan ja rtzobal Dios quewariꞌ: —Anin xtincamsaj ja yukꞌul quixin ja tak carnelo, ja cꞌa tak rcarnelo ja rerbanon cuenta, ejeꞌeꞌ nechictaji. Queriꞌ ja tzꞌibtal can.

San Mateo 24:13

Pro canojel ja xtiquecochꞌ quewach chipan ja rpokonal in ni matiqueyaꞌ can wiꞌ ja yukulbal quecꞌuꞌx wqꞌuin ejeꞌeꞌ riꞌ nquewil na ja totajem xin Dios.

San Mateo 13:57

Queriꞌ quibij, ni majun quigana ruqꞌuin, xa pokon nquenaꞌ. Ja cꞌa Jesús arjaꞌ xbij chique: —Ni majun profeta xin Dios ja maquita lokꞌ nnaꞌi xarwariꞌ ma lokꞌ ta nnaꞌi cumal ja rach aj tinamit in nixtacꞌa cumal ta ja recꞌo pa rochoch chakajaꞌ, neꞌ chique.

San Mateo 13:6

Pro ja tok xelto ja kꞌij, xcꞌatsaj in tok qꞌuiswani chakij rmal como mta más ja rcꞌamal.

San Mateo 10:22

Ja cꞌa rixix xa itzel nixtzꞌat na cumal canojel ja winak pro mwal anin ja tok xtiban queriꞌ chewe. Pro canojel ja xtiquecochꞌ quewach chipan ja rpokonal in ni matiqueyaꞌ can wiꞌ ja yukulbal quecꞌuꞌx wqꞌuin ejeꞌeꞌ riꞌ nquewil na ja totajem xin Dios.

1 Pedro 1:5

Ja herencia ewxin ixix ja yukul ecꞌuꞌx ruqꞌuin ja Jesucristo in rmal ja yukulbal ecꞌuꞌx tok Dios nixrchajij chi utz. Arjaꞌ ni matuyaꞌ can wiꞌ ja rechajixic in nerilaꞌ na jun kꞌij ja tok xquixtotaji chijutij. Ja retoꞌic chomarsan chic rmal ja Dios jariꞌ nkꞌalajin na ja tok xterilaꞌ ja qꞌuisbal kꞌij xin rwachꞌulew.

2 Timoteo 4:10

como ja Demas arjaꞌ be chipan ja tinamit Tesalónica, xinruyaꞌ can xa rmal ja congana nel rucꞌuꞌx trij ja quicotemal xin rwachꞌulew. Ja Crescente jariꞌ xintak pa tak tinamit ja cꞌo pa rcuenta Galacia in xintak ja Tito chakajaꞌ pa tak tinamit ja cꞌo pa rcuenta Dalmacia.

Apocalipsis 2:13

—Anin bien wotak ja rebanon in masqui triꞌ ixcꞌo wiꞌ ja bar cꞌo wiꞌ ja trono rxin ja Satanás pro ni ma ineyaꞌon can ta wiꞌ in tok bix chewe chi neyaꞌ can ja yukulbal ecꞌuꞌx wqꞌuin ni ma xeyaꞌ can ta wiꞌ. In nixtacꞌa xeyaꞌ can ta ja yukulbal ecꞌuꞌx wqꞌuin chakajaꞌ ja tok camsaxi ja rAntipas, arjaꞌ jun testigo wxin in ni ma xuyaꞌ can ta wiꞌ ja yukulbal rucꞌuꞌx wqꞌuin in camsax checojol triꞌ chipan ja lugar ja bar cꞌo wiꞌ ja Satanás.

San Mateo 13:20

Ja cꞌa rijaꞌtz ja kaji ja bar cꞌo wiꞌ abaj jariꞌ tibij tzij ja winak ja nquicꞌaxaj ja utzlaj tzij in chanim nquinimaj, congana nequicot rmal.

Santiago 3:2

Queriꞌ rbanic como kanojelal qꞌuiy ja kafalta nkaban. Ja wixta cꞌo jun winak ja ni ta majun tzij nelto pa ruchiꞌ ja nerbanbej ofender winak jariꞌ congana tzꞌakatnak tre ja rcꞌaslemal. Ja wixta cꞌo jun nuban queriꞌ ncowin ta cꞌariꞌ nuban cuenta riꞌ chwach nojelal in maquita xtibe chipan ja ritzelal.