San Mateo 13:11 - Tz'utujil (Ja Cꞌacꞌa Chominem)

¹¹ Ja cꞌa Jesús arjaꞌ xbij chique: —Ja rixix yatajnak chewe chi newotakij nak rbanic ja rawatal jeꞌe tre ja gobierno xin chilaꞌ chicaj pro ja chique ja juleꞌ chic winak leꞌ ejeꞌeꞌ ma yatajnak ta chique.

Tz'utujil NT

¹¹ Jesús cawra xbij chca: —Ixix yatanak chewa chnewutkij nak rbanic jwewtanak tzrij gobierno je rxin chcaj, per jle' chic wnak majo'n yatanak ta chca.

San Mateo 13:11 Iomraidhean Croise

San Mateo 13:10

Ja cꞌa rdiscípulo ja Jesús ejeꞌeꞌ xeꞌekaj ruqꞌuin in quewaꞌ quibij tre riꞌ: —¿Nak tre tok xa cꞌambal tak tzij nacoj tok nattzijon cuqꞌuin ja winak? xecheꞌ tre.

San Mateo 16:17

Ja cꞌa Jesús arjaꞌ xbij tre: —Congana quiꞌil chawe Simón ja rat rcꞌajol Jonás como ja cꞌa xabij kaj chwe ma winak ta xekꞌalasan ta chawach, ja Nataꞌ ja cꞌo chilaꞌ chicaj arjaꞌ kꞌalasan chawach.

San Mateo 19:11

Pro ja Jesús arjaꞌ xbij chique: —Pro ja queriꞌ ma canojel ta ja rachiꞌiꞌ necowini nquinimaj pro ja yatajnak chique chi nquinimaj xa queyon ariꞌ ja nquinimaj.

San Mateo 20:23

In xbij chic chique: —Jariꞌ ni katzij wiꞌ chi netij na ja rpokonal ja caniꞌ xtintij anin in nixkꞌax na chipan ja rpokonal ja caniꞌ xquinkꞌax anin chipan chakajaꞌ. Pro ja xecꞌutuj chwe leꞌ chi nixtzꞌabeꞌ pa wiquikꞌaꞌ in pa wixcon jariꞌ ma wqꞌuin ta anin cꞌo wiꞌ como jariꞌ chomarsan chic rmal ja Nataꞌ chok chique xtiyataj wiꞌ, neꞌ chique.

Marcos 10:40

Pro ja xecꞌutuj chwe leꞌ chi nixtzꞌabeꞌ pa wiquikꞌaꞌ in pa wixcon jariꞌ ma wqꞌuin ta anin cꞌo wiꞌ como jariꞌ chomarsan chic chok chique xtiyataj wiꞌ, neꞌe ja Jesús chique.

Marcos 4:11

Ja cꞌa Jesús quewaꞌ xbij chique riꞌ: —Ja rixix yatajnak chewe chi newotakij nak rbanic ja rawatal jeꞌe tre ja gobierno xin Dios pro ja chique juleꞌ chic winak nojel ja nbij chique ncoj cꞌambal tak tzij chi rbixic.

San Lucas 8:10

Ja cꞌa Jesús quewaꞌ xbij chique riꞌ: —Ja rixix yatajnak chewe chi newotakij nak rbanic ja rawatal jeꞌe tre ja gobierno xin Dios pro ja cꞌa juleꞌ chic winak pa cꞌambal tak tzij nintzijon wiꞌ cuqꞌuin utzcꞌa masqui cꞌo quewach pro matiquetzꞌat ja ncꞌu̱t chiquewach in masqui cꞌo quixquin pro matichꞌobtaj cumal ja nbix chique.

San Juan 6:65

In xbij chic chique: —Rmalariꞌ ja tok xinbij chewe chi mta moda xturkaji jun winak wqꞌuin chi nyukeꞌ rucꞌuꞌx wqꞌuin ja wi matiyataj tre rmal ja Tatixel chi nyukeꞌ rucꞌuꞌx wqꞌuin. Queriꞌ xbij ja Jesús chique.

San Juan 7:17

Ja winak ja cꞌo quigana nqueban ja rvoluntad Dios ejeꞌeꞌ bien ncotakij na ja wi Dios winakarsyon ja tijonem nyaꞌ owi chaka ngana anin nwinakarsan nojoj nuyon.

Hechos 16:14

Cꞌo cꞌa jun chique ja rixokiꞌ Lidia rubiꞌ, chipan ja tinamit Tiatira penak wiꞌ. Ja cꞌa Lidia arjaꞌ ajcꞌay juleꞌ buen tak tziak morada in nuban respetar ja Dios. Ja cꞌa Pablo arjaꞌ rmajon rbixic ja rtzobal Dios in ja Dios arjaꞌ xuyaꞌ tre ja Lidia chi xnimaj ja nbij.

Romanos 11:25

Wachꞌalal, cꞌoli ja ma kꞌalasan ta nabey pro ja camic Dios rkꞌalasan chic in ja kas nwajoꞌ chewe chi nchꞌobtaj emwal nak rbanic. Kas ta xtichꞌobtaj emwal jawaꞌ wariꞌ utzcꞌa chi matewinakarsaj juleꞌ enaꞌoj ixix eyon in xteyaꞌ ta ekꞌij rmal. Quewaꞌ rbanic ja rkꞌalasan ja Dios riꞌ. Ja tinamit Israel masqui juleꞌ chique congana e cow masqui congana nquechꞌaꞌ ja totajem ja rcꞌamonto ja Jesucristo pro nerilaꞌ na jun kꞌij ja tok xtitotaji ja tinamit Israel pro ni chi jun. Pro cꞌa tokocꞌariꞌ xtibantaj cumplir ja wariꞌ ja tok xquetzꞌakati canojelal ja ma e aj Israel ta ja majaꞌn tiyukeꞌ quecꞌuꞌx ruqꞌuin ja Jesucristo. Pro ja tinamit Israel can ntotaj na caniꞌ tzꞌibtal can chipan ja rtzobal Dios, quewaꞌ nbij ja Dios riꞌ: —Cꞌo jun Toꞌonel ja nwinakar na chipan ja tinamit Sión, arjaꞌ nuchup nojel ja ma utz ta ja quibanonto ja tinamit Israel.

Romanos 16:25

Ja camic ja kas nwajoꞌ anin chi ja Dios ni ta xtiyaꞌ wiꞌ rukꞌij pro ni ta chijutij. Ja Dios arjaꞌ bien ncowini ncowirsaj ecꞌuꞌx utzcꞌa chi cow nixpeꞌi chi rnimaxic ja Jesucristo. Queriꞌ nbij ja utzlaj tzij ja nmajon rbixic chewe, juleꞌ tzij ja nucꞌut chikawach nak rbanic ja Jesucristo. Jawaꞌ utzlaj tzij riꞌ nij awatalto wiꞌ jaruꞌ pa tiempo kas tzꞌucarnakto ja rwachꞌulew pro ja camic kꞌalasan chic chikawach.

1 Corintios 13:2

In jun chic, wixta yatajnak chwe chi inocnak jun profeta pro jun profeta ja ni ta majun ja maquita kꞌalasan chwach ja wawan chiquewach winak rmal ja Dios, jun profeta ja ni ta majun ja maquita rotak pro wi mta ja rajoben riꞌil xin Dios nsamaji pa ncꞌaslemal jariꞌ ni majun inocnak wiꞌ. Ja wixta majun falta tre ja yukulbal nucꞌuꞌx ruqꞌuin ja Dios in rmaltariꞌ xtinbij ta tre jun jayuꞌ chi nkꞌax cha jun lugar chic in xquinrnimaj ta pro wi mta ja rajoben riꞌil xin Dios nsamaji pa ncꞌaslemal jariꞌ ni majun inocnak wiꞌ chakajaꞌ.

1 Corintios 15:51

Bien tecꞌwaxaj ja xtinbij chic chewe riꞌ. Cꞌoli ja xtinbij chewe camic ja rawatali nabey pro ja camic kꞌalasan chic in quewaꞌ rbanic riꞌ. Ecꞌoli chake ja ma xquecam ta pro xarwariꞌ ni majun chake ja maquita nqꞌuextaj na ja rcuerpo.

1 Corintios 2:14

Pro ja winak ja matiqueyaꞌ lugar tre ja rEspíritu Santo chi arjaꞌ nbano mandar pa tak canma ejeꞌeꞌ xa nquechꞌaꞌ ja ncꞌu̱t jeꞌe chiquewach rmal ja Espíritu Santo. Nquechꞌaꞌ como xa pa tzꞌanem nquecoj wiꞌ. In ni mta wiꞌ moda ja xtichꞌobtaj ta cumal nak rbanic como jariꞌ macatcowini nachꞌob ja maquita cꞌoli ja rEspíritu Santo nucꞌan awxin chi rchꞌobic.

1 Corintios 2:7

Pro ja nimak tak naꞌoj ja nkachꞌob chiquewach ja kachꞌalal jariꞌ naꞌoj xin Dios, juleꞌ naꞌoj ja ma kꞌalasan ta nabey, awatal chiquewach winak. Jawaꞌ nimak tak naꞌoj riꞌ ni rchꞌobonto chi wiꞌ ja Dios ja tok majaꞌn titzꞌucarsaj ja rwachꞌulew, ni rchominto chi wiꞌ chi nuyaꞌ na chake chi nkucꞌaj na jun cꞌaslemal ja congana nim rukꞌij ja caniꞌ rcꞌaslemal arjaꞌ.

1 Corintios 4:1

Ja cꞌa rajoj wachꞌalal kas ta xtichꞌobtaj emwal chi xa ok tak moso rxin ja Cristo in yaꞌon chi kakul chi nkayaꞌ rbixic ja utzlaj tzij xin Dios ja ma kꞌalasan ta nabey.

1 Corintios 4:7

Ja cꞌa wi cꞌo jun nunaꞌ kaj chi congana nim pro ¿nak cꞌa bin tre chi arjaꞌ más nim rukꞌij chiquewach ja juleꞌ chic kachꞌalal? ¿La ma Dios ta cꞌa sipan tre nojelal ja cꞌo ruqꞌuin? Ja wi xa rcochin tre ja Dios ¿nak cꞌa tre tok nyabej kaj rukꞌij ruyon, nak cꞌa tre tok nuban tre caniꞌ xa ma sipan ta?

Efesios 1:18

Ja nwajoꞌ anin chewe kas ta xtijaktaji chi utz ja rewiꞌ ewanma utzcꞌa chi nixcowini nechꞌob nak rbanic nojel ja rewayben ja rtzujun chewe ja Dios in ixrsiqꞌuin chi neꞌewilaꞌ na. Kas ta xtichꞌobtaj emwal nak rbanic ja herencia xin Dios ja nyataj chake ja rok tinamit xin Dios, pro jun herencia janila nim rukꞌij, caniꞌ jun nimlaj mebaꞌil ja nyataj chake.

Efesios 1:9

Arjaꞌ rkꞌalasan chic chikawach ja rchominto ojer ja xa wawan chikawach nabey. Como nijawariꞌ ja rvoluntad chewiꞌ tok xuban queriꞌ.

Efesios 5:32

Jawaꞌ ja nmajon rbixic chewe riꞌ congana nim rukꞌij, xa awatali nabey pro kꞌalasan chic chikawach camic. Pro jawaꞌ wariꞌ tre Cristo nintzijon wiꞌ in tre ja riglesia.

Efesios 6:19

In tebanaꞌ orar pa ncuenta anin chakajaꞌ, tecꞌutuj tre ja Dios chi arjaꞌ ninrutoꞌ chi rbixic ja utzlaj tzij xin Jesucristo, jariꞌ ja utzlaj tzij ja rawatali nabey pro kꞌalasan chic camic. Ja tok xtinyaꞌ rbixic, Dios ta xtiyoꞌ chwe ja tzij ja nbij in xtuyaꞌ ta chwe chakajaꞌ chi matinxbej wiꞌ chi rbixic.

Colosenses 2:2

Nmajon rbanic jun lucha utzcꞌa chi bien nquexim quiꞌ chipan ja rajoben riꞌil xin Dios in rmaltariꞌ ncowir quewiꞌ canma chipan ja utzlaj tzij xin Jesucristo. Ja kas nwajoꞌ chique, kas ta nqꞌuejeꞌe ja quiseguro, kas ta nchꞌobtaj cumal nak rbanic ja rkꞌalasan chic ja katataꞌ Dios chikawach jariꞌ caniꞌ jun nimlaj mebaꞌil nuyaꞌ chake como arjaꞌ rkꞌalasan chic chikawach nak rbanic ja Cristo.

1 Timoteo 3:16

Ni katzij wiꞌ chi congana nim rukꞌij ja rkꞌalasan chikawach ja Dios tre nojel ja rcꞌamonto ja Jesucristo. Quewaꞌ ja rkꞌalasan chikawach riꞌ. Ja Dios qꞌuejeꞌ waweꞌ chwachꞌulew, xoc kach winak. Kꞌalasax rmal ja rEspíritu Santo chi ni katzij wiꞌ nojel ja xbij tok qꞌuejeꞌ waweꞌ. In tzꞌat cumal ja ángel. Yaꞌ rbixic chique ja winak pa tak nación jeꞌe. In ecꞌoli chique ja winak nojel rwachꞌulew quinimaj. In joteꞌ pa gloria chilaꞌ chicaj. Queriꞌ ja rkꞌalasan chikawach ja Dios.

1 Timoteo 3:9

Rjawaxic chi nquinimaj ja rkꞌalasan ja Dios chikawach tre nojel ja rcꞌamonto Jesucristo in ni nqueyaꞌ wiꞌ caso tre tok ntzijoni ja Dios pa tak canma.

Santiago 1:5

Ja wi ecꞌoli chewe wi cꞌo jeꞌe ja matichꞌobtaj cumal nak rjawaxic chi nqueban tiquicꞌutuj tre ja Dios, arjaꞌ nuyaꞌ chique chi nchꞌobtaj cumal nak nqueban. Arjaꞌ nuyaꞌ chique xa nak ta necꞌutun tre in nojel rucꞌuꞌx nuyaꞌ chique, ma pa chꞌolinem ta.

1 Juan 2:20

Pro ja cꞌa rixix chꞌobtajnak chic emwal ewanojel nak rbanic ja utzlaj tzij xin Jesucristo. Ma chaka ta chꞌobtajnak emwal como ja Cristo arjaꞌ rtakonto ja rEspíritu Santo ewqꞌuin.

1 Juan 2:27

Pro ixix cꞌo chic ja rEspíritu Santo takonto ewqꞌuin rmal ja Jesucristo, arjaꞌ cꞌo chic pa tak ewanma. Rmalcꞌariꞌ ja tok ma rjawaxic ta chewe xquixtijox chi ta cumal juleꞌ winak, jaꞌ Espíritu Santo cꞌol ewqꞌuin jariꞌ nixtijoni, arjaꞌ nchꞌobo chewach nojelal. Ja tijonem nuyaꞌ arjaꞌ chewe ni katzij wiꞌ, majun tzꞌakoj tzij rcꞌamonto. In caniꞌ nuchꞌob arjaꞌ chewach ni ta queriꞌ neban, quixqꞌuejeꞌ pa ranma ja Jesucristo.