San Mateo 12:8 - Tz'utujil (Ja Cꞌacꞌa Chominem)

⁸ Queriꞌ nbij chewe como ja ranin ja rin Alcꞌwalaxel ja xinoc alaxic cuqꞌuin ja winak, pa nukꞌaꞌ anin cꞌo wiꞌ ja nbani chipan ja xulaꞌnbal tak kꞌij. Queriꞌ xbij ja Jesús chique.

Tz'utujil NT

⁸ Cara' quenbij chewa com Rlec'walxel jxoca alxic cuq'uin wnak, pruk'a' c'o wa' je nba'na chpam xlanbal k'ij. Cara' xbij Jesús chca.

San Mateo 12:8 Iomraidhean Croise

San Mateo 12:32

Ja wi cꞌo jun winak xa nak ta chi winakil masqui arjaꞌ nbij juleꞌ tzij tre ja Ralcꞌwalaxel ja xoc alaxic cuqꞌuin ja winak, juleꞌ tzij ja xa ofensa rcꞌamonto tre, jariꞌ cꞌo cuytajic trij pro wi nbij juleꞌ tzij tre ja rEspíritu Santo ja xa ofensa rcꞌamonto tre jariꞌ ni mta wiꞌ cuytajic trij nixtacꞌa chipan awaꞌ tiempo ja rokcꞌo wiꞌ riꞌ in nixtacꞌa chipan ja jun chic tiempo ja majaꞌn tipeti.

San Mateo 12:40

Como caniꞌ xuban ja Jonás ojer oxiꞌ kꞌij in oxiꞌ akꞌaꞌ qꞌuejeꞌ chupan jun nimlaj chꞌuꞌ in queriꞌ cꞌa chwe anin chakajaꞌ ja rin Alcꞌwalaxel ja xinoc alaxic cuqꞌuin ja winak, oxiꞌ kꞌij in oxiꞌ akꞌaꞌ ninqꞌuejeꞌ na chipan ja rwachꞌulew chipan ja lugar ja bar neqꞌuejeꞌ wiꞌ ja camnakiꞌ.

San Mateo 8:20

In bix tre rmal ja Jesús: —Ja rutiwaꞌ cꞌo quicꞌolibal ja bar newar wiꞌ in chakajaꞌ ja tak tzꞌiquin cꞌo quesoc pro ja chwe anin ja rin Alcꞌwalaxel ja xinoc alaxic cuqꞌuin ja winak mta wochoch ja ni ta wxin wiꞌ anin ninwar wiꞌ, neꞌxi.

San Mateo 9:6

Anin cꞌoli ja xtinban chewach camic riꞌ utzcꞌa chi newotakij chi anin ja rin Alcꞌwalaxel ja xinoc alaxic cuqꞌuin ja winak yatajnak chwe chi ncuy ja quil quemac ja winak waweꞌ chwachꞌulew, neꞌe ja Jesús chique. Cꞌacꞌariꞌ xbij tre ja siquirnak: —Catyictaji, tacꞌamaꞌel ja rawarbal in jat chi awochoch, neꞌ tre.

Marcos 2:28

Rmalcꞌariꞌ tok nbij chewe chi anin ja rin Alcꞌwalaxel ja xinoc alaxic cuqꞌuin ja winak, pa nukꞌaꞌ anin cꞌo wiꞌ ja nbani chipan ja xulaꞌnbal tak kꞌij chakajaꞌ, neꞌ chique.

San Lucas 6:5

Cꞌacꞌariꞌ xbij chic chique: —Anin ja rin Alcꞌwalaxel ja xinoc alaxic cuqꞌuin ja winak, pa nukꞌaꞌ anin cꞌo wiꞌ ja nbani chipan ja xulaꞌnbal tak kꞌij. Queriꞌ xbij chique.

1 Corintios 16:2

Ja pa tak domingo tepartiꞌij jun ayuda chejujunal janiꞌ nixcowini neyaꞌ in tecꞌoloꞌ. Queriꞌ ta cꞌa neban utzcꞌa chi tok xquinekaj ewqꞌuin cꞌo chic ja rayuda, ma cꞌa rmolic ta nbani.

1 Corintios 9:21

Ja cꞌa tok xinqꞌuejeꞌ chiquicojol ja winak ja ma cotak ta ja ley xin Dios ma xenuban ta despreciar pro ja nqueban ejeꞌeꞌ queriꞌ xinban anin cuqꞌuin chakajaꞌ. Pro matibij tzij ariꞌ chi ni mta wiꞌ ley xinnimaj xinmestaj ta ja Dios, ma queriꞌ ta, como incꞌo pa rukꞌaꞌ ja ley xin Cristo. Queriꞌ cꞌa xinban ja caniꞌ nqueban ejeꞌeꞌ utzcꞌa chi nenuchꞌec.

Apocalipsis 1:10

Ja xinban pa jun domingo xinqꞌuejeꞌ pa rukꞌaꞌ ja rEspíritu Santo in cꞌo jun nimlaj kulaj xincꞌwaxaj can chwij caniꞌ rukul jun trompeta