San Mateo 12:10 - Tz'utujil (Ja Cꞌacꞌa Chominem)

¹⁰ Cꞌo cꞌa jun achi siquirnak jun rukꞌaꞌ. Ja cꞌa fariseo ejeꞌeꞌ quimajon rcanoxic rij rwach ja Jesús nak ja nquichapbej rxin rmalcꞌariꞌ tok quewaꞌ quibij tre riꞌ: —¿La nuyaꞌ lugar chawe ja ley chi neꞌatzursaj yawaꞌiꞌ pa tak xulaꞌnbal kꞌij? xecheꞌ tre.

Tz'utujil NT

¹⁰ C'ol c'a jun acha squirnak jun ruk'a'. J-e' c'a aj fariseo quemjon rconxic rij rwech Jesús nak necchapbej rxin rmal c'ara' cawra xecbij tzra: —¿Lnuya' c'as ley chawa che nque'achumsaj je' yuw-i' ptak xlanbal k'ij? cara' xecbij tzra.

San Mateo 12:10 Iomraidhean Croise

San Mateo 12:2

Ja cꞌa fariseo ejeꞌeꞌ tok xequetzꞌat quibij tre ja Jesús: —Pakasaꞌ radiscípulo leꞌ, ja netajini quimajon rbanic jalaꞌ xajan nbani pa tak xulaꞌnbal kꞌij, xecheꞌ tre.

San Mateo 19:3

Ecꞌo cꞌa juleꞌ fariseo xeꞌurkaj ruqꞌuin in quewaꞌ quibij tre riꞌ pro xa nquicꞌambajbej rxin: —Ja ley xin Dios ja tzꞌibtal can rmal ja Moisés ¿la nuyaꞌ lugar tre jun achi chi nujach can ja rxjayil ja tok cꞌoli xa nak ta ril nuban ja rixok? xecheꞌ tre.

Marcos 3:2

Ecꞌo cꞌa juleꞌ winak e cꞌambajal rxin ja Jesús, ejeꞌeꞌ ncajoꞌ nquetzꞌat ja wi ntzursaj ja rachi pa jun xulaꞌnbal kꞌij. Queriꞌ nqueban utzcꞌa chi nquewil jun ril ja nquichapbej rxin.

San Lucas 11:54

jariꞌ nquicꞌambajbej rxin como cꞌo quigana nquicanoj rij rwach nak nqueban tre chi nquechap.

San Lucas 13:14

Pro peti ja jefe rxin ja jay xin molbal riꞌil, arjaꞌ congana penak ryewal como ja Jesús pa jun xulaꞌnbal kꞌij xtzursaj wiꞌ ja rixok in quewaꞌ xbij chique ja winak riꞌ: —Ja chipan jun semana wakiꞌ kꞌij ja yatal chake chi noksamaji. Tre ja wakiꞌ kꞌij jariꞌ utz nixpeti xa nak ta chi kꞌijal chi nixtzuri pro ma quixpi ta jutzꞌit pa tak xulaꞌnbal kꞌij, neꞌe ja jefe chique.

San Lucas 20:22

Camic tabij chake, ja rimpuesto ja ncꞌutux chake rmal ja César ja nimlaj rey aj Roma ¿la rubey cꞌariꞌ chi nkatoj owi ma rubey ta? xecheꞌ tre.

San Lucas 23:14

Ja tok xemoltaj rmal quewaꞌ xbij chique riꞌ: —Camic ecꞌamonto ja rachi chinwach riꞌ, ja ril nebij chi xa neruyoj ja tinamit. Pro bien techꞌoboꞌ, chewach ixix xincꞌot ruchiꞌ in ja ntzꞌat anin ni majun ril ja caniꞌ nebij tre.

San Lucas 23:2

Ja cꞌa tok xeꞌekaji quemaj rbixic juleꞌ ril ja Jesús: —Ajoj katzꞌaton ja nuban alaꞌ jun achi leꞌ, xa ntajini nuyoj quinaꞌoj ja kach tak aj Israel. Arjaꞌ nbij chique ja winak chi ma rubey ta ja nquetoj ja rimpuesto pa rukꞌaꞌ ja César ja nimlaj rey. In jun chic, nucoj riꞌ como Cristo, tibij cꞌa tzij ariꞌ chi nucoj riꞌ como jun rey, xecheꞌ tre ja Pilato.

San Juan 5:10

Como xulaꞌnbal kꞌij rmalcꞌariꞌ tok quewaꞌ bix tre cumal ja raj Israel riꞌ: —Camic xulaꞌnbal kꞌij, xajan chi nawcꞌaj ja rawarbal, neꞌxi.

San Juan 5:3

E qꞌuiy ja yawaꞌiꞌ ecꞌo triꞌ caniꞌ chique moyaꞌ, caniꞌ chique ja tak cojo in caniꞌ chique ja resiquirnak chakajaꞌ. Ja yawaꞌiꞌ cayben jun tiempo ja tok xtursil can ja yaꞌ rmal jun ángel.

San Juan 7:23

Ja cꞌa rixix cꞌoli ebanon jeꞌe masqui pa tak xulaꞌnbal kꞌij pro eꞌebanon circuncidar ja winak como queriꞌ nrajoꞌ ja ley xin Moisés chi neban. Ja wi queriꞌ ebanon ixix ¿nak cꞌa tre tok pit ewayewal chwij tok xintzursaj jun achi pa jun xulaꞌnbal kꞌij?

San Juan 8:6

Ja quicꞌaxaj tre xa nquicꞌambajbej rxin, nquicanoj nak nquichapbej rxin. Ja cꞌa Jesús chꞌuqueꞌ kaj chwi rkan, xumaj tzꞌibanem pa tokꞌulew, rwirukꞌaꞌ xucoj.

San Juan 9:16

Ecꞌoli chique ja fariseo quibij: —Ja rachi rbinaꞌan Jesús ma Dios ta takyonto rxin como arjaꞌ matuban respetar ja xulaꞌnbal kꞌij como cꞌo samaj nuban chipan, xecheꞌe. Pro juleꞌ chic chique quewaꞌ quibij riꞌ: —¿Pro nak moda cꞌariꞌ jun achi wi xa il mac ja nuban in nuban jun milagro ja caniꞌ nkatzꞌat camic riꞌ? xecheꞌe. In queriꞌ queban, ma junan ta quechꞌob trij ja Jesús.