San Mateo 11:2 - Tz'utujil (Ja Cꞌacꞌa Chominem)

² Ja cꞌa Juan Bautista arjaꞌ cꞌo pa cheꞌ in xekaj rbixic ruqꞌuin nojel ja samaj ja rmajon rbanic ja Cristo. Ja cꞌa xuban, ecꞌo caꞌiꞌ chique ja rdiscípulo arjaꞌ xerutakel ruqꞌuin ja Jesús

Tz'utujil NT

² Juan Bautista arja' c'ola pcars y xekaja rbixic ruq'uin njelal samaj jremjon rbanic Cristo. Jxuban, ec'ola e c-e' chca rdiscípulo xerutak ela ruq'uin Jesús

San Mateo 11:2 Iomraidhean Croise

San Mateo 1:17

Jawaꞌ quebiꞌ ja ratiꞌt rmamaꞌ ja Jesucristo in tok namajto cajlaxic ruqꞌuin ja rAbraham in narqꞌuisaꞌ ruqꞌuin ja rey David e catorce canojel. In tok namajto chic cajlaxic ruqꞌuin David in narqꞌuisaꞌ chipan ja tiempo ja xecꞌamarel wiꞌ ja raj Israel pa Babilonia e catorce chakajaꞌ. In tok namajto chic cajlaxic chipan ariꞌ tiempo in narqꞌuisaꞌ ruqꞌuin ja Cristo e catorce chakajaꞌ.

San Mateo 14:3

Queriꞌ xbij como bien rotak chi arjaꞌ camsan rxin ja Juan Bautista tokoriꞌ tok xutak rchapic, baqꞌui in coj pa cheꞌ. Queriꞌ xuban tre rumac ja bix tre rmal ja Juan Bautista chi: —Ma rubey ta abanon chi acꞌamon ja rawixnam, neꞌxi. Como ja Herodes arjaꞌ rcꞌamon ja rixnam rbinaꞌan Herodías, rxjayil jun rchꞌalal rbinaꞌan Felipe.

San Mateo 4:12

Ja cꞌa Jesús tok xekaj rbixic ruqꞌuin chi coji ja Juan Bautista pa cheꞌ cꞌacꞌariꞌ xuyaꞌ can ja lugar ja bar cꞌo wiꞌ, be pa Galilea.

San Mateo 9:14

Ja cꞌa rdiscípulo ja Juan Bautista ejeꞌeꞌ xeꞌekaj ruqꞌuin ja Jesús in quewaꞌ quibij tre riꞌ: —¿Nak tre ja radiscípulo atat takaꞌan matiqueban ja rayuno? pro ja rajoj ni nkaban wiꞌ ja rayuno in ja fariseo ejeꞌeꞌ nqueban chakajaꞌ, xecheꞌ tre.

Marcos 6:17

Queriꞌ xbij como bien rotak chi arjaꞌ yowi ja orden chi camsaxi ja Juan Bautista tokoriꞌ tok xutak rchapic ja Juan, baqꞌui in coj pa cheꞌ. Queriꞌ xuban tre rumac ja bix tre rmal ja Juan Bautista chi: —Ma rubey ta abanon chi acꞌamon ja rawixnam, neꞌxi. Como ja Herodes arjaꞌ rcꞌamon ja rixnam rbinaꞌan Herodías, rxjayil jun rchꞌalal rbinaꞌan Felipe.

San Lucas 3:19

Pro cꞌoli ja xuchꞌaꞌ tre ja gobernador Herodes como ja Herodes cꞌo jun rixnam rcꞌamon, Herodías rubiꞌ. Ja cꞌa Herodías arjaꞌ rxjayil ja Felipe rchꞌalal ja Herodes. In ja Herodes cꞌo chi na juleꞌ ja ritzelal rbanon ja chꞌaꞌ tre rmal ja Juan.

San Lucas 9:7

Ja Jesús nojel ja ntajini nuban xekaj rbixic ruqꞌuin ja gobernador Herodes. Ja cꞌa Herodes arjaꞌ kas nkꞌisaj riꞌ chi rchꞌobic nak ja kas mero nbanowi nojel awaꞌ wariꞌ ja nekaj rbixic ruqꞌuin. Como ecꞌoli nebini chi Juan Bautista ja nbanowi como ejeꞌeꞌ nquibij chi cꞌastajnakto chic ja Juan Bautista chiquicojol camnakiꞌ.

San Juan 4:1

Ja cꞌa fariseo xekaj rbixic ja Jesús cuqꞌuin quewariꞌ: —Ja Jesús más na e qꞌuiy ja winak netajini neꞌoc rdiscípulo chwach ja neꞌoc ruqꞌuin ja Juan in más na e qꞌuiy neruban bautizar chakajaꞌ, xecheꞌxi.