San Mateo 11:16 - Tz'utujil (Ja Cꞌacꞌa Chominem)

¹⁶ ¿Bar cꞌa nenjunsaj wawaꞌ ja winak ja tinamit Israel? Cuqꞌuin caꞌiꞌ moc acꞌalaꞌ nenjunsaj wiꞌ ja quimajon tzꞌanem pa tak cꞌaybal. Jun moc nquerak quechiꞌ chiquij ja jun moc chic:

Tz'utujil NT

¹⁶ ¿Nak quenjumsaj wa' je' wnak je rxin tnamet Israel? Cuq'uin e c-e' moc ac'ala' quenjumsaj wa' jquemjon tz'anem pq'uebal. Jun moc nquerak quechi' chquij jun moc chic:

San Mateo 11:16 Iomraidhean Croise

San Mateo 11:15

Bien cꞌa tewasaj enaꞌoj trij ja cꞌa xinbij kaj chewe riꞌ.

San Mateo 11:17

—Ajoj kaban ja música xin quicotemal pro ja rixix mta xajoj xeban, ma xixquicot ta. In kaban chic jun xin bis in nixtacꞌa xixbison ta chakajaꞌ, ni majun nak ta newajoꞌ, necheꞌe ja racꞌalaꞌ chique ja jun chic moc.

San Mateo 12:34

Ixix congana itzel tak naꞌoj ewcꞌan, ix caniꞌ juleꞌ itzel tak cumatz. Congana cꞌayew xtelpi ta juleꞌ utzlaj tak tzij pan echiꞌ como xa ix itzel tak winak. Queriꞌ nbij chewe como ja nojnak pa tak ewanma jariꞌ nelto pan echiꞌ.

San Mateo 23:36

Ni katzij wiꞌ ja xtinbij chewe riꞌ, nojel ja cꞌa xinbij chewe, ja rtojbalil chewij ixix nkaj wiꞌ ja rix tinamit Israel.

San Mateo 23:7

In caniꞌ tre ja tok nebin pa tak cꞌaybal congana nel quecꞌuꞌx trij ja neba̱n saludar in tok —Maestro, Maestro, necheꞌx cumal ja winak.

San Mateo 24:34

Ni katzij wiꞌ ja xtinbij chewe riꞌ, ja tinamit Israel ejeꞌeꞌ cꞌa ecꞌo na ja tok nbantaj cumplir nojel awaꞌ wariꞌ, ma chupnak ta quewach.

Marcos 12:38

Ja Jesús tok rmajon quitijoxic ja winak cꞌoli xbij chique quewariꞌ: —Tebanaꞌ cuenta chique ja maestro ja netijon ewxin tre ja ley xin Dios. Ejeꞌeꞌ congana nel quecꞌuꞌx trij ja necꞌastan chiquewach winak, quicojon nimak tak tziak ja ncꞌutu quixin chi e nimak tak maestro. In cꞌa cꞌo na más ja congana nel quecꞌuꞌx trij caniꞌ tre ja neba̱n saludar pa tak cꞌaybal

Marcos 4:30

In xbij chic: —¿Bar cꞌa njunsaj wiꞌ ja gobierno xin Dios in nak chi cꞌambal tzijal ncoj chi rjunsaxic?

San Lucas 11:43

Congana lawuloꞌ chewe ja rix fariseo como ixix tok nixbe pa tak jay xin molbal riꞌil ja bar ncꞌaxax wiꞌ ja rtzobal Dios congana nel ecꞌuꞌx trij ja tzꞌulbal jeꞌe ja más nimak rukꞌij in chakajaꞌ tok nixbin pa tak cꞌaybal congana nel ecꞌuꞌx trij ja nixban saludar.

San Lucas 13:18

Cꞌacꞌariꞌ xumaj chic jutij tzij ja Jesús, quewaꞌ xbij chic riꞌ: —¿Nak cꞌa rbanic ja gobierno xin Dios, bar cꞌa njunsaj wiꞌ?