San Mateo 11:1 - Tz'utujil (Ja Cꞌacꞌa Chominem)

¹ Ja cꞌa tok xuqꞌuis rbixic chique ja cablajuj discípulo nak ja xtequibanaꞌ arjaꞌ xelel chipan ja lugar, be chipan ja quitinamit jeꞌe, neꞌertijoj ja winak in neryaꞌaꞌ rbixic chique ja rtzobal Dios.

Tz'utujil NT

¹ Tak xuq'uis rbixic chca e cbeljuj rdiscípulo nak xtequebna' xel ela chpam lwar y xba che nquertijoj wnak y nerey-a' rbixic chca rtzojbal Dios ptak quetnamet.

San Mateo 11:1 Iomraidhean Croise

San Mateo 28:20

Techꞌoboꞌ chiquewach nak nqueban chi rnimaxic nojel ja mandamiento ja nyaꞌon chewe. In bien turkaj chewe chi anin ni mta wiꞌ jun kꞌij ja maquita incꞌol ewqꞌuin in nij incꞌo wiꞌ ewqꞌuin ja tok xterilaꞌ ja qꞌuisbal kꞌij rxin ja rwachꞌulew. Amén.

San Mateo 4:23

Ja cꞌa Jesús arjaꞌ be nat nakaj chipan ja departamento Galilea, nertijoj ja winak pa tak jay xin molbal riꞌil ja bar nquemol wiꞌ quiꞌ chi rcꞌaxaxic ja rtzobal Dios, nuyaꞌ rbixic chique ja utzlaj tzij tre ja gobierno xin chilaꞌ chicaj in chakajaꞌ ecꞌoli ja yawaꞌiꞌ nertzursaj xa nak ta ntiꞌon chique.

San Mateo 7:28

Ja Jesús tok bitaj rmal nojelal ja tzij ja cꞌa winak kas cꞌascꞌoꞌi quicꞌaxaj ja tijonem nuyaꞌ.

San Mateo 9:35

Ja Jesús arjaꞌ be nojel tinamit in nojel tak aldea chakajaꞌ, nertijoj ja winak pa tak jay xin molbal riꞌil, nuyaꞌ rbixic chique ja utzlaj tzij tre ja gobierno xin chilaꞌ chicaj in chakajaꞌ ecꞌoli ja yawaꞌiꞌ nertzursaj xa nak ta ntiꞌon chique.

Marcos 6:12

Ja cꞌa cablajuj discípulo ejeꞌeꞌ xeꞌelel, xebe cuqꞌuin ja winak in quewaꞌ nquibij chique riꞌ: —Teqꞌuexaꞌ ja renaꞌoj in teyaꞌaꞌ can ja ritzelal, necheꞌ chique.

San Lucas 23:5

Pro más chi na xeyictaj trij ja Jesús, quewaꞌ quibij chic tre ja Pilato riꞌ: —Pro ja rachi arjaꞌ xa ntajini nuyoj quinaꞌoj ja winak, ntajini nertijoj nojel nat nakaj chipan ja departamento Judea, xumajto ryaꞌic ja tijonem chipan ja departamento Galilea in camic rmajon ryaꞌic chique ja winak waweꞌ chakajaꞌ, xecheꞌ tre.

San Lucas 8:1

Xuban jun caꞌiꞌ kꞌij xumaj chic jutij bey ja Jesús, be pa tak tinamit in pa tak aldea chijujunal, nuyaꞌ rbixic ja rtzobal Dios in nuchꞌob chiquewach ja winak ja utzlaj tzij ja nucꞌut chikawach nak rbanic ja gobierno xin Dios. Xerachbilajel ja cablajuj apóstol.

San Juan 15:10

Ja wi ni nenimaj wiꞌ ja nbij chewe chi neban jariꞌ ni nixqꞌuejeꞌ wiꞌ chipan ja rajoben riꞌil wxin, caniꞌ nbanon anin, ni nniman wiꞌ ja bin chwe rmal ja Nataꞌ chi nban in nij incꞌo wiꞌ chipan ja rajoben riꞌil rxin ja Nataꞌ.

San Juan 15:14

Ja cꞌa rixix ix wamigo ja wi nenimaj ja nbij chewe chi neban.

Hechos 1:2

Xintzꞌibaj ja bar xumajto wiꞌ ja rsamaj in bar xerqꞌuisaꞌ wiꞌ tokoriꞌ tok joteꞌ chilaꞌ chicaj. Ja tok majaꞌn tibe chilaꞌ chicaj xeruchaꞌ ja rapóstol in xuchꞌob chiquewach nak nqueban can ja tok xtibe. Ja xbij chique jaꞌ Espíritu Santo ucꞌayon rxin chi rbixic.

Hechos 10:38

Bien ewotak nak xuban ja Jesús ja raj Nazaret chi Dios chaꞌo rxin, xutakto ja rEspíritu Santo ruqꞌuin in congana poder xuyaꞌ tre. Bien ewotak chi be nat nakaj ja Jesús cuqꞌuin ja winak, solo utzil nuban chique in nertzursaj ja quitijon pokon pa rukꞌaꞌ ja diablo. Queriꞌ xuban como ja Dios cꞌo ruqꞌuin.

Hechos 10:42

Cꞌacꞌariꞌ xokrutakel cuqꞌuin ja winak utzcꞌa chi nkayaꞌ rbixic ja utzlaj tzij chique utzcꞌa chi nkabij chique chakajaꞌ chi ja Dios arjaꞌ cojyon rxin como Kꞌetol Tzij pa quewiꞌ canojelal ja winak chi ecꞌasli chi e camnakiꞌ.

1 Tesalonicenses 4:2

Como ixix bien ewotak ja paxbanem ja kayaꞌ can chewe ja bin can chake rmal ja kajaw Jesús.

2 Tesalonicenses 3:10

Como ja tok xokqꞌuejeꞌ ewqꞌuin kabij chewe: —Ja matirajoꞌ nsamaji matiwaꞌ cꞌariꞌ, xokcheꞌe.

2 Tesalonicenses 3:6

Camic wachꞌalal pa rubiꞌ ja kajaw Jesucristo nkabij chewe, ja wi cꞌo jun kachꞌalal ja matirajoꞌ nutzuk riꞌ tebanaꞌ tre chaka nqꞌuejeꞌ chic checojol como ma queriꞌ ta ja paxbanem kayaꞌ chewe.