San Mateo 10:7 - Tz'utujil (Ja Cꞌacꞌa Chominem)

⁷ Chipan ja viaje xteban nijawawaꞌ xteyaꞌ rbixic chique ja winak riꞌ: —Xa nnakajinto ja gobierno xin chilaꞌ chicaj, quixcheꞌ chique.

Tz'utujil NT

⁷ Chpam viaje je xteban jawra neya' rbixic chca wnak ra: —Jgobierno rxin chcaj ne nkajin ta, cara' tbij.

San Mateo 10:7 Iomraidhean Croise

San Mateo 10:8

Queꞌetzursaj yawaꞌiꞌ in queꞌetzursaj ja cꞌo itzel tak chꞌaꞌc chiquij chakajaꞌ, queꞌeyicaꞌ camnakiꞌ chipan ja camíc in queꞌewasajel itzel tak espíritu chique ja winak. Como ja poder xinyaꞌ chewe riꞌ xa xecochij chwe rmalcꞌariꞌ nbij chewe, maxta tecꞌutuj pwok chique winak tok necoj ja poder chi quitoꞌic.

San Mateo 11:1

Ja cꞌa tok xuqꞌuis rbixic chique ja cablajuj discípulo nak ja xtequibanaꞌ arjaꞌ xelel chipan ja lugar, be chipan ja quitinamit jeꞌe, neꞌertijoj ja winak in neryaꞌaꞌ rbixic chique ja rtzobal Dios.

San Mateo 21:31

Camic tebij cꞌa chwe ¿nak chique ja re caꞌiꞌ alcꞌwalaxelaꞌ ja banowi ja rvoluntad ja rtataꞌ? neꞌe ja Jesús chique. —Jariꞌ ja tzijon wiꞌ nabey, xecheꞌ tre. In bix chic chique rmal ja Jesús: —Ni katzij wiꞌ ja xtinbij chewe riꞌ, ja molol tak impuesto e cachbil ja rixokiꞌ ja xa itzel quicꞌaslemal ejeꞌeꞌ neꞌoc chipan ja gobierno xin Dios nabey chewach ixix.

San Mateo 21:43

Rmalcꞌariꞌ anin nbij chewe, ja gobierno xin Dios nlasax na pan ekꞌaꞌ ixix in nco̱j chic pa quekꞌaꞌ jun chic tinamit ja cotak nquisamajij utzcꞌa chi cꞌoli ja rutzil xin Dios nuyaꞌ.

San Mateo 23:13

Pro congana lawuloꞌ chewe ixix ja rix maestro rxin ja ley xin Dios ja tzꞌibtal can rmal ja Moisés in chewe ixix ja rix fariseo, cacaꞌ epalaj como ixix nixtajini netzꞌapij quebey ja winak chiquewach utzcꞌa chi maqueꞌoc chipan ja gobierno xin chilaꞌ chicaj. Nixtacꞌa ixix ta ixocnak ta chipan in nixtacꞌa neyaꞌ ta lugar chique ja winak ja cꞌo quigana neꞌoc chipan.

San Mateo 3:2

Quewaꞌ nbij chique ja winak riꞌ: —Teqꞌuexaꞌ ja renaꞌoj in teyaꞌaꞌ can ja ritzelal como xa nnakajinto ja gobierno xin chilaꞌ chicaj, neꞌ chique.

San Mateo 4:17

Ja cꞌa Jesús jariꞌ kꞌij xumajel rbixic ja rtzobal Dios chique ja winak in quewaꞌ nbij chique riꞌ: —Ja gobierno xin chilaꞌ chicaj xa nnakajinto rmalcꞌariꞌ tok nbij chewe, teqꞌuexaꞌ ja renaꞌoj, teyaꞌaꞌ can ja ritzelal, neꞌ chique.

Marcos 6:12

Ja cꞌa cablajuj discípulo ejeꞌeꞌ xeꞌelel, xebe cuqꞌuin ja winak in quewaꞌ nquibij chique riꞌ: —Teqꞌuexaꞌ ja renaꞌoj in teyaꞌaꞌ can ja ritzelal, necheꞌ chique.

San Lucas 16:16

Ja ley xin Dios rachbil ja tzꞌibtal can cumal ja rojer tak profeta xin Dios jariꞌ ocnak chipan ja tiempo ja tok Juan Bautista majaꞌn tumaj ja rsamaj. Pro ja tok xurwilaꞌ ja rtiempo ja Juan Bautista triꞌ xumajto wiꞌ rbixic ja gobierno xin Dios in canojel ja winak netajini nquetij quichokꞌakꞌ utzcꞌa chi neꞌoc chipan ariꞌ gobierno.

San Lucas 9:2

In xerutakel chi nequiyaꞌaꞌ rbixic ja gobierno xin Dios utzcꞌa chakajaꞌ chi neꞌequitzursaj ja yawaꞌiꞌ.

San Lucas 9:6

Ja cꞌa cablajuj discípulo ejeꞌeꞌ xeꞌelel, xebe pa tak aldea pro nojel tak aldea, quemaj rbixic ja utzlaj tzij xin Jesucristo in quemaj quitzursaxic ja yawaꞌiꞌ chakajaꞌ. Queriꞌ queban xa bar ta triꞌ xeꞌekaj wiꞌ.

San Lucas 9:60

—Ja camnakiꞌ chwach Dios ejeꞌeꞌ na quemuku quixin ja camnakiꞌ. Ja cꞌa ratat jat cuqꞌuin ja winak, jayaꞌaꞌ rbixic ja gobierno xin Dios chique, neꞌxi rmal ja Jesús.

San Juan 3:2

Xuban cꞌa jutij xekaji ja Nicodemo ruqꞌuin ja Jesús chakꞌaꞌ in xumaj tzij ruqꞌuin, quewaꞌ xbij tre riꞌ: —Rabí, ajoj kotak chi atat at jun tijonel attakonto rmal ja Dios como anin wotak chi majun winak xticowin ta xtuban ta ja nimak tak milagro ja ramajon rbanic atat ja wi mta ja Dios ruqꞌuin, neꞌ tre.

Hechos 10:25

Ja Cornelio tok xeꞌekaji ja Pedro chi rochoch arjaꞌ xelto pa jay chi neꞌurcꞌuluꞌel. Ja tok xekaj cuqꞌuin xuqueꞌ chwach ja Pedro in xumaj ryaꞌic rukꞌij.

Hechos 28:31

Yataj tre chi nuyaꞌ rbixic ja gobierno xin Dios, nertijoj ja winak tre ja kajaw Jesucristo, ni majun nak ta kꞌilo ta rxin chi rbixic.

Hechos 4:2

Congana penak quiyewal chiquij ja Pedro in Juan rumac ja quimajon quitijoxic ja winak. Quewaꞌ ja tijonem ja quimajon ryaꞌic riꞌ: —Como cꞌastaji ja Jesús rmalariꞌ tok necꞌastaj na ja camnakiꞌ chakajaꞌ, necheꞌe.