San Mateo 10:5 - Tz'utujil (Ja Cꞌacꞌa Chominem)

⁵ Ja cꞌa Jesús arjaꞌ xerutakel ja cablajuj discípulo in bien xuchꞌobel chiquewach nak ja xtequibanaꞌ: —Ma tecꞌamel ta jeꞌe ja bey ja nbe cuqꞌuin ja winak ja ma e aj Israel ta in chakajaꞌ ni majun tinamit quixin aj Samaria xquixoc ta chipan.

Tz'utujil NT

⁵ Ja' Jesús xerutak ela e cbeljuj discípulo y xuch'ob ela chquewech nak xtequebna': —Mtec'om el ta bey je nba cuq'uin wnak jme aj Israel ta, chka' nmajo'n jun tnamet rxin Samaria xtquixoc ta chpam.

San Mateo 10:5 Iomraidhean Croise

San Mateo 22:3

Xerutak ja rmoso chi quisiqꞌuixic ja winak ja rerbanon chic invitar tre ja waꞌim pro ejeꞌeꞌ ma xcajoꞌ ta, mta quigana xepeti.

San Mateo 4:15

—Cꞌoli xtibantaj na chipan ja caꞌiꞌ lugar Zabulón in Neftalí, jariꞌ lugar triꞌ cꞌo wiꞌ ja bar cꞌo wiꞌ ja yaꞌ, chajuparaj binelyaꞌ Jordán cꞌo wiꞌ, pa rcuenta Galilea cꞌo wiꞌ ja bar ecꞌo wiꞌ ja winak ja ma e aj Israel ta.

Marcos 6:7

Ja cꞌa Jesús arjaꞌ xersiqꞌuij ja cablajuj discípulo in xuyaꞌ chique chi cꞌo quekꞌaꞌ chique ja ritzel tak espíritu chi necowini nequiwasajel chique ja winak. Pa cacaꞌ xerutakel in bien xuchꞌobel chiquewach nak ja xtequibanaꞌ:

San Lucas 10:1

Cꞌacꞌariꞌ ja kajaw Jesús ecꞌo chic setenta achiꞌiꞌ ja xeruchaꞌ, pa cacaꞌ xerutakel chi nenabeyaj chwach, nebe chipan nojel tak tinamit in chipan ja juleꞌ chic lugar ja bar xtekaj wiꞌ arjaꞌ.

San Lucas 10:33

Pro cꞌo cꞌa jun achi aj Samaria, arjaꞌ rmajon rviaje in xurkaj chipan ja lugar. Ja cꞌa raj Samaria tok xutzꞌat pon ja rachi congana xpokonaj rwach,

San Lucas 17:16

Ja tok xekaj ruqꞌuin ja Jesús xuqueꞌ chwach, tiqueꞌe in congana xmaltioxij tre. Aj Samaria ja rachi.

San Lucas 9:1

Cꞌacꞌariꞌ xersiqꞌuij ja cablajuj discípulo in xuyaꞌ chique chi cꞌo quekꞌaꞌ chique canojel ja ritzel tak espíritu chi necowini nequiwasajel chique ja winak in xuyaꞌ chique chakajaꞌ chi necowini nequitzursaj yawaꞌiꞌ.

San Lucas 9:2

In xerutakel chi nequiyaꞌaꞌ rbixic ja gobierno xin Dios utzcꞌa chakajaꞌ chi neꞌequitzursaj ja yawaꞌiꞌ.

San Juan 17:18

Caniꞌ abanon chwe xinatakto waweꞌ chwachꞌulew queriꞌ cꞌa nban anin chique chakajaꞌ nchomarsan chic chi nenutakel chwach ja rwachꞌulew chi nequibanaꞌ ja rasamaj.

San Juan 20:21

Ja cꞌa Jesús xbij chic jutij chique: —Ja quicotemal xin Dios tiqꞌuejeꞌ checojol. Ja Nataꞌ arjaꞌ xinrutakto waweꞌ chwachꞌulew in queriꞌ cꞌa nban chic chewe ixix chakajaꞌ, nixnutakel chi nebanaꞌ ja nsamaj, neꞌ chique.

San Juan 4:20

Ja katiꞌt kamamaꞌ ajoj ojer parwiꞌ ja jun jayuꞌ leꞌ queyaꞌ wiꞌ rukꞌij ja Dios pro ja rixix nebij chi rjawaxic chi pa Jerusalén nya̱ꞌ wiꞌ rukꞌij ja Dios, nixcheꞌe, neꞌe ja rixok.

San Juan 4:5

Queriꞌ xuban be, xekaj chipan jun lugar ja cꞌo chinakaj ja tinamit rbinaꞌan Sicar cꞌo pa rcuenta Samaria. Ja tinamit Sicar chinakaj jun ulew cꞌo wiꞌ ja rxin Jacob ojer, jun ulew ja xuyaꞌ can ja Jacob tre ja José ja rcꞌajol.

San Juan 4:9

Ja cꞌa rixok xbij tre ja Jesús: —Pro atat at aj Israel waꞌan, ja cꞌa ranin in jun ixok in aj Samaria, takaꞌan nacꞌutuj yaꞌ chwe, neꞌ tre. Queriꞌ xbij ja rixok como ja raj Israel xa itzel quitzꞌaton quiꞌ cuqꞌuin ja raj Samaria.

San Juan 7:35

Ja cꞌa raj Israel ejeꞌeꞌ quemaj chic tzij tre ja cꞌa bix chique rmal ja Jesús: —¿Bar cꞌa xtibe wiꞌ ja rachi leꞌ in makocowini nkawil chic? ¿La nbe cuqꞌuin ja kach tak aj Israel ja recꞌo pa tak tinamit quixin ja winak ja ma e aj Israel ta, la triꞌ nbe wiꞌ chi neꞌertijoj ja ma e aj Israel ta?

San Juan 8:48

Ja cꞌa raj Israel quemaj chic ryokꞌic, quewaꞌ quibij tre riꞌ: —Ajoj ni rubey wiꞌ tok kabij chawe chi xa at caniꞌ jun aj Samaria in cꞌo jun demonio ucꞌayon awxin chakajaꞌ, xecheꞌ tre.

Hechos 1:8

Pro ja tok xtikajto ja rEspíritu Santo ewqꞌuin tokoriꞌ cꞌoli poder xin Dios ja xtecochij tre. Tokocꞌariꞌ nixbe in nemaj rbixic chique ja winak nojel ja retzꞌaton in nojel ja recꞌwaxan ja xinban chewach. Nemajel rbixic pa Jerusalén in nixbe chi rbixic chipan nojel tinamit ja cꞌo pa rcuenta Judea in nixbe chi rbixic chipan ja departamento Samaria chakajaꞌ. Cꞌacꞌariꞌ nixbe chi rbixic nojel nat nakaj tre ja rwachꞌulew, neꞌe ja Jesús chique.

Hechos 10:45

Ja cꞌa kachꞌalal ja raj Israel ja rerachbilanto ja Pedro ejeꞌeꞌ congana cꞌascꞌoꞌi quetzꞌat ja bantaji como ja rEspíritu Santo kajto cuqꞌuin ja ma e aj Israel ta chakajaꞌ.

Hechos 8:1

Ja cꞌa Saulo arjaꞌ conforme chi camsaxi ja rEsteban. Jariꞌ mismo kꞌij majtaj rbanic pokon chique ja riglesia ja recꞌo pa Jerusalén in xechictaji canojel rmal. Ecꞌoli chique xebe pa tak lugar ja cꞌo pa rcuenta Judea in juleꞌ chic chique xebe pa tak lugar ja cꞌo pa rcuenta Samaria. Pro ja rapóstol ejeꞌeꞌ ma xebe ta, xeqꞌuejeꞌ can pa Jerusalén.

1 Tesalonicenses 2:16

Cajoꞌ ta xokquekꞌil chi matikabij ja rtzobal Dios chique ja winak ja ma e aj Israel ta, maticajoꞌ chi netotaji. Queriꞌ nqueban, xa janiꞌ benak pa nim ja quil quemac in xa janiꞌ penak ryewal ja Dios chiquij.