San Mateo 10:4 - Tz'utujil (Ja Cꞌacꞌa Chominem)

⁴ Simón, jun chique ja partido rbinaꞌan cananita, in Judas Iscariote ja jachowi ja Jesús pa quekꞌaꞌ ja xetzelan rxin.

Tz'utujil NT

⁴ Simón, jun chca e rxin partido rbin-an cananita, y Judas Iscariote jxejchowa Jesús pquek'a' wnak je nquetzelana rxin.

San Mateo 10:4 Iomraidhean Croise

San Mateo 26:14

Cꞌacꞌariꞌ cꞌo jun chique ja cablajuj discípulo ja binaꞌan tre Judas Iscariote, arjaꞌ be cuqꞌuin ja jefe quixin sacerdote.

San Mateo 26:15

Ja cꞌa tok xekaj cuqꞌuin quewaꞌ xbij chique riꞌ: —¿Nak neyaꞌ chwe can njach pan ekꞌaꞌ ja Jesús? neꞌ chique. Xa treinta rkan pwok plata ocnak ja quichomij ruqꞌuin.

San Mateo 26:2

—Ixix ewotak chi xa caꞌiꞌ kꞌij chic nrajoꞌ ja ncꞌu̱l wiꞌ ja nmakꞌij pascua in anin ja rin Alcꞌwalaxel ja xinoc alaxic cuqꞌuin ja winak ninjach na pa quekꞌaꞌ ja netzelan wxin chi ninrip chwach cruz, neꞌ chique.

San Mateo 26:47

Kas cꞌa rmajon na tzij ja Jesús cuqꞌuin ja rdiscípulo ja tok peti ja Judas. Jariꞌ Judas arjaꞌ jun chique ja cablajuj apóstol. Arjaꞌ e qꞌuiy ja winak erachbilanto in cꞌoli banbal chꞌaꞌoj quicꞌamonto caniꞌ tre espada in cheꞌ, etakonto cumal ja jefe quixin sacerdote in cumal ja principaliꞌ xin tinamit chi nurquichapaꞌ ja Jesús.

San Mateo 27:3

Ja cꞌa Judas ja jacho rxin ja Jesús pa quekꞌaꞌ ja xetzelan rxin arjaꞌ tok xutzꞌat chi ncamsaxi ja Jesús congana xumaj tiꞌonem ja ranma. Be, xermeloj ja treinta rkan pwok ja plata ocnak, xermeloj pa quekꞌaꞌ ja jefe quixin sacerdote in pa quekꞌaꞌ ja principaliꞌ xin tinamit.

Marcos 14:10

Cꞌacꞌariꞌ cꞌo jun chique ja cablajuj discípulo ja binaꞌan tre Judas Iscariote, arjaꞌ be cuqꞌuin ja jefe quixin sacerdote, rchꞌobonel chi nujach ja Jesús pa quekꞌaꞌ.

Marcos 14:43

Kas cꞌa rmajon na tzij ja Jesús cuqꞌuin ja rdiscípulo ja tok chaka jalal peti ja Judas. Jariꞌ Judas jun chique ja cablajuj apóstol. Arjaꞌ e qꞌuiy ja winak erachbilanto in cꞌoli banbal tak chꞌaꞌoj quicꞌamonto caniꞌ tre espada in cheꞌ, etakonto cumal ja jefe quixin sacerdote in cumal ja maestro ja netijon quixin ja winak tre ja ley xin Dios in cumal chakajaꞌ ja principaliꞌ xin tinamit. Etakonto cumal chi nurquichapaꞌ ja Jesús.

San Lucas 22:3

Cꞌacꞌariꞌ xoqui ja Satanás pa ranma ja Judas ja binaꞌan tre Iscariote. Ja cꞌa Judas arjaꞌ jun chique ja cablajuj discípulo rxin ja Jesús.

San Lucas 22:47

Kas cꞌa rmajon na tzij cuqꞌuin ja rdiscípulo ja tok congana e qꞌuiy ja winak xeꞌurkaj ruqꞌuin. Cꞌo jun achi rcꞌamonto quebey, Judas rubiꞌ, arjaꞌ jun chique ja cablajuj apóstol. Ja cꞌa Judas arjaꞌ tiloc ruqꞌuin ja Jesús utzcꞌa chi ntzꞌubaj ruchiꞌ.

San Juan 13:2

Arjaꞌ rmajon waꞌim cuqꞌuin ja rdiscípulo. Ja cꞌa diablo arjaꞌ rbanon chic ja samaj pa ranma ja Judas Iscariote ja rcꞌajol Simón, rtakchiꞌin chic chi nujach ja Jesús pa quekꞌaꞌ ja winak ja netzelan rxin.

San Juan 6:64

Pro ecꞌoli chewe ja mta yukulbal quecꞌuꞌx wqꞌuin. Queriꞌ xbij ja Jesús como arjaꞌ ni rotakinto wiꞌ echinatak ja matiyukeꞌ quecꞌuꞌx ruqꞌuin in ni rotakinto wiꞌ chakajaꞌ nak xtijacho rxin pa quekꞌaꞌ ja winak ja netzelan rxin.

San Juan 6:71

Jawaꞌ tzij xbij riꞌ, tre ja Judas Iscariote tzijon wiꞌ, rcꞌajol jun achi rbinaꞌan Simón como ja Judas arjaꞌ njachowi ja Jesús pa quekꞌaꞌ ja winak ja netzelan rxin, arjaꞌ jun chique ja cablajuj apóstol.

Hechos 1:13

Ja cꞌa tok xeꞌekaji ja pa Jerusalén xeꞌoc chipan ja jay ja bar ecꞌo wiꞌ in xejoteꞌ pa caꞌiꞌ piso. Quewaꞌ quebiꞌ ja rapóstol riꞌ, ja Pedro, ja Jacobo, ja Juan, ja rAndrés, ja Felipe, ja Tomás, ja Bartolomé, ja Mateo, ja Jacobo ja rcꞌajol Alfeo, ja Simón jun chique ja partido rbinaꞌan Zelote in Judas ja rchꞌalal Jacobo.

Hechos 1:25

ja xtoc kach apóstol pa rcꞌaxel ja Judas. Como ja Judas arjaꞌ xuyaꞌ can ja rsamaj rmal ja ritzelal ja xuban in be chipan ja lugar ja ni yatal wiꞌ trij chi triꞌ nbe wiꞌ. Queriꞌ ja roración queban.