San Mateo 10:3 - Tz'utujil (Ja Cꞌacꞌa Chominem)

³ Felipe, Bartolomé, Tomás, Mateo ja molol impuesto, Jacobo ja rcꞌajol Alfeo, Lebeo ja cꞌo chic jun rubiꞌ Tadeo,

Tz'utujil NT

³ Felipe, Bartolomé, Tomás, Mateo je mloy impuesto, Jacobo je rlec'wal Alfeo, Lebeo jc'o chic jun rubi' Tadeo,

San Mateo 10:3 Iomraidhean Croise

San Mateo 18:17

Ja wi ni mta wiꞌ rgana nuchꞌob ja nquibij ja testigo tabij cꞌa chique ja riglesia. Ja cꞌa wi ni mta wiꞌ rgana nuchꞌob ja nquibij ja riglesia tabanaꞌ cꞌa tre chi ma awachbil chi ta caniꞌ naban chique ja molol tak impuesto e cachbil ja winak ja ma cotak ta rwach ja Dios.

San Mateo 27:56

Jun chique ja rixokiꞌ María Magdalena, in jun chic, María ja queteꞌ Jacobo in José, in jun chic, ja queteꞌ ja rcꞌajol Zebedeo.

San Mateo 9:9

Ja Jesús be chic, kas cꞌa rmajon binem ja tok cꞌo jun achi xutzꞌat rbinaꞌan Mateo. Ja cꞌa Mateo arjaꞌ tzꞌubul chipan ja lugar ja bar nto̱j can wiꞌ ja rimpuesto pa rukꞌaꞌ. Ja Jesús tok xekaj ruqꞌuin quewaꞌ xbij tre riꞌ: —Joꞌ, cattreꞌ chwij chi natoc ndiscípulo, neꞌ tre. Ja cꞌa Mateo yictaji in treꞌel trij ja Jesús.

Marcos 15:40

Ecꞌo cꞌa juleꞌ ixokiꞌ ja recꞌo triꞌ chakajaꞌ nquetzuꞌ pon ja nbantaji. Jun chique ja rixokiꞌ María Magdalena, in jun chic María ja recꞌo caꞌiꞌ ral, jun José in jun chic Jacobo ja chꞌip neꞌxi. In jun chic chique ja rixokiꞌ Salomé.

Marcos 2:14

Ja cꞌa tok melojto ja chiyaꞌ kas rmajon binem ja tok cꞌo jun achi xutzꞌat rbinaꞌan Leví rcꞌajol Alfeo. Ja Leví arjaꞌ tzꞌubul chipan ja lugar ja bar nto̱j can wiꞌ ja rimpuesto pa rukꞌaꞌ in bix tre rmal ja Jesús: —Joꞌ, cattreꞌ chwij chi natoc ndiscípulo, neꞌxi. Ja cꞌa Leví yictaji in treꞌel trij ja Jesús.

Marcos 3:18

Ja rAndrés, Felipe, Bartolomé, Mateo, Tomás, Jacobo ja rcꞌajol Alfeo, Tadeo, Simón, jun chique ja partido rbinaꞌan cananita,

San Lucas 18:10

—Ecꞌo caꞌiꞌ achiꞌiꞌ queban jutij xebe chipan ja nimlaj templo xin Dios chi rbanic ja roración. Jun, fariseo ocnak wiꞌ, ja cꞌa jun chic arjaꞌ molol impuesto.

San Lucas 18:11

Ja cꞌa tok xeꞌekaj chipan ja templo ja fariseo arjaꞌ peꞌi in xumaj rbanic jun oración pro xa yaꞌbal rukꞌij arjaꞌ xuban kaj ruyon, quewaꞌ ja roración ja xuban riꞌ: —Anin nmaltioxij chawe Dios ja ma in junan ta cuqꞌuin ja juleꞌ chic achiꞌiꞌ caniꞌ chique alakꞌomaꞌ in chique ja matiquinimaj ja ley in chique ja nebano rij tak quewiꞌ ja quixjayilal. Nmaltioxij chawe chakajaꞌ ja ma in junan ta ruqꞌuin alaꞌ jun achi ja molol impuesto leꞌ.

San Lucas 18:13

Ja cꞌa molol impuesto arjaꞌ cꞌa cꞌa nat qꞌuejeꞌ pon wiꞌ, tiqueꞌe, nixtacꞌa caꞌy ta chicaj. Xumaj cꞌa jun nimlaj bis, quewaꞌ ja roración ja xuban riꞌ: —Tapokonaj nwach Dios como anin xa in jun ajꞌil xa in jun ajmac. Queriꞌ xbij ja molol impuesto.

San Lucas 19:2

Cꞌo cꞌa jun achi biyom, Zaqueo rubiꞌ, arjaꞌ jefe quixin ja rach tak molol impuesto.

San Lucas 5:27

Cꞌacꞌariꞌ xelel ja Jesús triꞌ, be. Cꞌo jun achi xutzꞌat molol impuesto, Leví rubiꞌ. Ja cꞌa Leví arjaꞌ tzꞌubul chipan ja lugar ja bar nto̱j can wiꞌ ja rimpuesto pa rukꞌaꞌ. Ja Jesús tok xekaj ruqꞌuin quewaꞌ xbij tre riꞌ: —Joꞌ, cattreꞌ chwij chi natoc ndiscípulo, neꞌ tre.

San Juan 1:48

Ja cꞌa Natanael tok xcꞌaxaj ja bix tre rmal ja Jesús quewaꞌ xbij tre riꞌ: —¿Nak tre awotak takaꞌan nwach? neꞌ tre. —Atat tok majaꞌn catesiqꞌuixto rmal ja Felipe tokoriꞌ xatnutzꞌat chi at tzꞌubul chuxeꞌ jun cheꞌ higuera, neꞌxi rmal ja Jesús.

San Juan 11:16

Ja cꞌa Tomás ja yoꞌx neꞌxi, arjaꞌ xbij chique ja rach tak discípulo: —Joꞌ trij ja Jesús utzcꞌa chi ajoj jun nokcamsax ruqꞌuin chakajaꞌ, neꞌ chique, in xebe.

San Juan 14:22

Cꞌacꞌariꞌ cꞌoli ja bix tre rmal ja Judas pro ma ja ta ja Judas Iscariote, quewaꞌ bix tre riꞌ: —¿Nak cꞌa rbanic ariꞌ ja nabij leꞌ chi nakꞌalasaj awiꞌ chikawach ajoj pro matakꞌalasaj awiꞌ chiquewach ja winak ja xa ruqꞌuin rwachꞌulew yukul wiꞌ quecꞌuꞌx? neꞌxi.

San Juan 14:5

Ja cꞌa Tomás arjaꞌ xbij tre: —Wajaw, ajoj ma kotak ta ja bar natbe wiꞌ ¿nak moda cꞌariꞌ tok nabij chake chi kotak ja bey? neꞌ tre.

San Juan 14:9

Ja cꞌa Jesús xbij tre: —Felipe ¿nak tre tok nabij queriꞌ chwe chi anin ncꞌut chewach ja Tatixel pro tuban waꞌan qꞌuiylaj tiempo incꞌol ewqꞌuin, la majaꞌn cꞌa tichꞌobtaj amwal ariꞌ nak nbanic? pro ja reꞌotakyon nwach jariꞌ cotak cꞌa rwach ariꞌ ja Tatixel.

San Juan 21:2

Ecꞌo cꞌa juleꞌ rdiscípulo quimolon quiꞌ, quewaꞌ quebiꞌ riꞌ, jun Simón Pedro, jun chic Tomás ja yoꞌx neꞌxi, jun chic Natanael ja raj Caná cꞌo pa rcuenta Galilea. Ecꞌoli chakajaꞌ ja rcꞌajol Zebedeo in ecꞌo chi na caꞌiꞌ ja discípulo.

Hechos 1:13

Ja cꞌa tok xeꞌekaji ja pa Jerusalén xeꞌoc chipan ja jay ja bar ecꞌo wiꞌ in xejoteꞌ pa caꞌiꞌ piso. Quewaꞌ quebiꞌ ja rapóstol riꞌ, ja Pedro, ja Jacobo, ja Juan, ja rAndrés, ja Felipe, ja Tomás, ja Bartolomé, ja Mateo, ja Jacobo ja rcꞌajol Alfeo, ja Simón jun chique ja partido rbinaꞌan Zelote in Judas ja rchꞌalal Jacobo.

Hechos 12:17

Ja cꞌa Pedro xuban rukꞌaꞌ chiquewach chi nquicajbaꞌ tzij. Xumaj rcholic chiquewach nak xuban ja kajaw Dios chi rlasaxic pa cheꞌ. Cꞌacꞌariꞌ xbij chique: —Ja cꞌa xinbij chewe riꞌ tebij chic ixix tre ja Jacobo in chique chakajaꞌ ja juleꞌ chic kachꞌalal, neꞌ chique. Cꞌacꞌariꞌ xelel cuqꞌuin, be cha jun lugar chic.

Hechos 15:13

Ja cꞌa tok tzuri tzij cumal ja Pablo in Bernabé cꞌacꞌariꞌ tzijon chic ja Jacobo, quewaꞌ xbij riꞌ: —Wachꞌalal, teyaꞌaꞌ ewxquin tre ja xtinbij chewe riꞌ.

Hechos 21:18

Ja cꞌa chi rcab kꞌij kachbilajel ja Pablo, xokbe chi nekakꞌijlaꞌ ja Jacobo. Ja cꞌa tok xokekaj ruqꞌuin ja Jacobo triꞌ quimolon wiꞌ quiꞌ chakajaꞌ canojel ja ranciano.

Gálatas 1:19

Pro ma ecꞌo chi ta juleꞌ chic ja rapóstol xintzꞌat can ta quewach xarwariꞌ ja Jacobo ja rchꞌalal ja kajaw Jesucristo jariꞌ xintzꞌat can rwach.

Gálatas 2:9

Ja Jacobo, ja Pedro in Juan ejeꞌeꞌ xetzꞌati chi epaꞌl chiquij ja kachꞌalal in tok chꞌobtaj cumal nak rbanic ja samaj ja xincochij tre ja Dios cꞌacꞌariꞌ quechap kakꞌaꞌ ok caꞌiꞌ ruqꞌuin ja Bernabé jariꞌ quicꞌutbej chi xa jun chic kabanon cuqꞌuin. Xa jun kachꞌob cuqꞌuin, ajoj nokesamaj chiquicojol ja ma e aj Israel ta in ejeꞌeꞌ nesamaj chiquicojol ja raj Israel.

Santiago 1:1

Anin in Santiago in ajsamajel rxin ja Dios in chakajaꞌ in ajsamajel rxin ja kajaw Jesucristo. Wachꞌalal, anin ntakel rutzil ewach ja rix cablajuj tribu aj Israel ja rixchictajnak ixbenak nojel nat nakaj.

Judas 1:1

Anin in Judas, in ajsamajel rxin ja Jesucristo, in rchꞌalal ja Jacobo. Anin ntzꞌibaj ja carta chewe riꞌ ja rixsiqꞌuin rmal ja Dios, ja rixchaꞌon rmal ja Dios ja Tatixel chi ixocnak ix tinamit rxin, ja bien ixbanon cuenta rmal ja Jesucristo rumac ja xa jun ebanon ruqꞌuin.