San Mateo 10:2 - Tz'utujil (Ja Cꞌacꞌa Chominem)

² Ja quebiꞌ ja cablajuj apóstol quewariꞌ, ja nabey, Simón ja cꞌo chic jun rubiꞌ Pedro, Andrés ja rchꞌalal Simón, Jacobo ja rcꞌajol Zebedeo, Juan ja rchꞌalal Jacobo,

Tz'utujil NT

² Jquebi' ja e cbeljuj apóstol jara' jawrara: nabey mul, Simón jc'o chic jun rubi' Pedro, Andrés je rch'alal Simón, Jacobo rlec'wal Zebedeo, Juan rch'alal Jacobo,

San Mateo 10:2 Iomraidhean Croise

San Mateo 17:1

Ja cꞌa chi wakiꞌ kꞌij ja Jesús xerucꞌamel ja Pedro e rachbil Jacobo in Juan ja rchꞌalal ja Jacobo, xebe, xequiyonaj quiꞌ parwiꞌ jun nimlaj jayuꞌ.

San Mateo 20:20

Cꞌacꞌariꞌ peti ja rxjayil Zebedeo erachbilanto ja ral, xuqueꞌ chwach ja Jesús. Queriꞌ xuban como cꞌoli nrajoꞌ ncꞌutuj tre.

San Mateo 26:37

Pro xerucꞌamel ja Pedro e rachbil ja re caꞌiꞌ rcꞌajol Zebedeo. Cꞌacꞌariꞌ xumaj jun nimlaj bis in xumaj tiꞌonem ja ranma.

San Mateo 4:18

Ja cꞌa Jesús arjaꞌ kas rmajon binem chuchiꞌ ja yaꞌ rbinaꞌan Galilea ja tok ecꞌo caꞌiꞌ achiꞌiꞌ xeruwil e alaxic, jun rbinaꞌan Simón ja cꞌo chic jun rubiꞌ Pedro neꞌxi, in jun chic Andrés rubiꞌ. Ejeꞌeꞌ como e chapol chꞌuꞌ kas quimajon rqꞌuiakic ja cꞌam pa yaꞌ ja tok xeꞌiltaji rmal ja Jesús

San Mateo 4:21

Kas quimajon binem ja Jesús ja tok ecꞌo chic e caꞌiꞌ achiꞌiꞌ xeruwil, chakajaꞌ e alaxic, jun rbinaꞌan Jacobo in jun chic Juan rubiꞌ, e rcꞌajol Zebedeo, ecꞌo pa jun lancha cachbil ja quitataꞌ, quimajon rcꞌojoxic ja quecꞌam. Xesiqꞌuix pon rmal ja Jesús.

Marcos 1:29

Ja cꞌa Jesús e rachbil ja Jacobo in Juan ejeꞌeꞌ tok xeꞌelel chipan ja jay xin molbal riꞌil xebe cuqꞌuin ja Simón in Andrés pa cochoch.

Marcos 13:3

Ja cꞌa Jesús arjaꞌ tzꞌubul parwiꞌ ja ti jayuꞌ rbinaꞌan Rjayuꞌal Olivo in nutzꞌat pon ja nimlaj templo xin Dios. Ja cꞌa Pedro e rachbil ja Jacobo, ja Juan in Andrés, ejeꞌeꞌ quiyonaj quiꞌ ruqꞌuin in quibij tre:

Marcos 6:30

Xemelojto ja cablajuj apóstol, xurquimoloꞌ quiꞌ ruqꞌuin ja Jesús, quechol chwach nojel ja xequibanaꞌ in nojel ja tijonem ja queyaꞌ chique ja winak.

San Lucas 11:49

Rmalcꞌariꞌ tok ja Dios ojer quewaꞌ rbin can riꞌ: —Ja winak ecꞌoli profeta nenutakel na cuqꞌuin e cachbil juleꞌ apóstol. Ja cꞌa profeta in apóstol juleꞌ chique necamsax na cumal ja winak in juleꞌ chic chique nesalux na cumal. Queriꞌ xbij ja Dios ja rotakyon nojelal.

San Lucas 22:14

Ja cꞌa tok xerilaꞌ ja hora xin waꞌim tzꞌabeꞌe ja Jesús pa mesa e rachbil ja cablajuj apóstol

San Lucas 22:8

Ja cꞌa Jesús arjaꞌ xerutakel ja Pedro in Juan, quewaꞌ xbijel chique riꞌ: —Camic nixbe, nechomij ja xtikatiꞌ chipan ja nmakꞌij pascua riꞌ, neꞌel chique.

San Lucas 5:10

Ecꞌoli chakajaꞌ ja Jacobo in Juan ja re rcꞌajol jun achi Zebedeo rubiꞌ, ejeꞌeꞌ quicꞌamon quiꞌ ruqꞌuin ja Simón tre ja chapoj chꞌuꞌ in congana cꞌascꞌoꞌi quetzꞌat ja bantaji chakajaꞌ. Ja cꞌa Jesús quewaꞌ xbij tre ja Simón riꞌ: —Ma taxbej ta awiꞌ, cꞌo chi na jun samaj ja xtamajel chic rbanic camic riꞌ, winak chic ja xqueꞌacanoj utzcꞌa chi neꞌacoj pa rukꞌaꞌ ja Dios, neꞌ tre.

San Lucas 9:10

Ja cꞌa cablajuj apóstol tok xemelojto quechol chwach ja Jesús nojel ja xequibanaꞌ. Ja cꞌa Jesús xerucꞌamel, xequiyonaj quiꞌ pa jun lugar ja kas talani ja bar ma ecꞌo ta wiꞌ winak. Jariꞌ lugar pa rcuenta ja tinamit Betsaida cꞌo wiꞌ.

San Juan 12:22

Ja cꞌa Felipe arjaꞌ xerbij tre ja rAndrés cꞌacꞌariꞌ xebe chi e caꞌiꞌ xequibij tre ja Jesús.

San Juan 13:23

Cꞌo jun chique ja rdiscípulo ja congana najoꞌx rmal, arjaꞌ kꞌeloc ruqꞌuin ja Jesús pa mesa.

San Juan 20:2

Cꞌamcꞌol ranim be ja bar ecꞌo wiꞌ ja Simón Pedro rachbil ja jun chic discípulo ja congana najoꞌx rmal ja Jesús. Ja cꞌa tok xekaji quewaꞌ xbij chique riꞌ: —Ja kajaw Jesús takaꞌan mchita chipan ja panteón, cꞌamarel pro ba la quiyaꞌon chi wiꞌ, neꞌ chique.

San Juan 21:2

Ecꞌo cꞌa juleꞌ rdiscípulo quimolon quiꞌ, quewaꞌ quebiꞌ riꞌ, jun Simón Pedro, jun chic Tomás ja yoꞌx neꞌxi, jun chic Natanael ja raj Caná cꞌo pa rcuenta Galilea. Ecꞌoli chakajaꞌ ja rcꞌajol Zebedeo in ecꞌo chi na caꞌiꞌ ja discípulo.

San Juan 21:20

Ja cꞌa Pedro arjaꞌ caꞌy can trij in xutzꞌat chi tran chiquij ja discípulo ja congana najoꞌx rmal ja Jesús. Jariꞌ mismo discípulo ja kꞌeꞌoc chwarucꞌuꞌx ja Jesús tokoriꞌ tok queban ja qꞌuisbal waꞌim ruqꞌuin ja tok cꞌo jun pregunta xcꞌaxaj tre ja Jesús quewariꞌ: —Wajaw ¿nak xtijacho awxin pa quekꞌaꞌ ja netzelan awxin? neꞌ tre.

San Juan 21:24

Jariꞌ mismo discípulo arjaꞌ ntajini nkꞌalasaj nojel awaꞌ ja bantaji riꞌ, arjaꞌ tzꞌibyon nojel ja cꞌo chipan awaꞌ jun libro riꞌ in bien kotak chi ni katzij wiꞌ ja nbij.

San Juan 6:67

Ja cꞌa Jesús xbij chic chique ja cablajuj apóstol: —Ja cꞌa rixix ¿nak neban camic, la nixmeloj ixix chakajaꞌ? neꞌ chique.

San Juan 6:70

Ja cꞌa Jesús xbij chic chique: —Ix cablajuj ja rixnchaꞌon pro cꞌo jun chewe ja xa ucꞌan rmal ja diablo, neꞌe.

San Juan 6:71

Jawaꞌ tzij xbij riꞌ, tre ja Judas Iscariote tzijon wiꞌ, rcꞌajol jun achi rbinaꞌan Simón como ja Judas arjaꞌ njachowi ja Jesús pa quekꞌaꞌ ja winak ja netzelan rxin, arjaꞌ jun chique ja cablajuj apóstol.

San Juan 6:8

Cꞌo jun chique ja discípulo rbinaꞌan Andrés, arjaꞌ rchꞌalal ja Simón Pedro in quewaꞌ xbij tre ja Jesús riꞌ:

Hechos 1:13

Ja cꞌa tok xeꞌekaji ja pa Jerusalén xeꞌoc chipan ja jay ja bar ecꞌo wiꞌ in xejoteꞌ pa caꞌiꞌ piso. Quewaꞌ quebiꞌ ja rapóstol riꞌ, ja Pedro, ja Jacobo, ja Juan, ja rAndrés, ja Felipe, ja Tomás, ja Bartolomé, ja Mateo, ja Jacobo ja rcꞌajol Alfeo, ja Simón jun chique ja partido rbinaꞌan Zelote in Judas ja rchꞌalal Jacobo.

Hechos 1:26

Cꞌacꞌariꞌ quemaj rbanic suerte chi rchaꞌic jun chic apóstol. Ja tok tzuri ja suerte cumal trij ja Matías kaj wiꞌ. In ni jariꞌ hora ja Matías xoc cachbil ja julajuj apóstol.

Hechos 12:2

Xutak rcamsaxic ja Jacobo tzaꞌn espada, jariꞌ Jacobo rnimal ja Juan.

Hechos 3:1

Queban jutij ja Pedro rachbil Juan xebe chipan ja nimlaj templo xin Dios a las tres xin takakꞌij, jariꞌ hora xin oración.

1 Corintios 15:7

Xuban chic jutij xucꞌut riꞌ chwach ja Jacobo in xuban chi cꞌa jutij xucꞌut riꞌ chiquewach ja rapóstol pro ni chiquewach canojelal.

Efesios 4:11

Arjaꞌ sipan chake ja samaj nkaban jeꞌe quewariꞌ, juleꞌ chake xeꞌoc apóstol, juleꞌ chic chake xeꞌoc profeta, juleꞌ chic xuyaꞌ chique chi nebe pa tak lugar chi nequiyaꞌaꞌ rbixic ja utzlaj tzij xin Jesucristo, in juleꞌ chic xuyaꞌ chique chi nequiyukꞌuj ja kachꞌalal in nequitijoj.

Hebreos 3:1

Rmalcꞌariꞌ tok nbij chewe wachꞌalal, techꞌoboꞌ jutzꞌit ja Cristo Jesús, bien techꞌoboꞌ wachꞌalal ja rix tinamit xin Dios, ja rixchaꞌon rmal ja Dios chi nixeqꞌuejeꞌ na ruqꞌuin chilaꞌ chicaj. Ja cꞌa Jesús arjaꞌ takto, xucꞌamto ja tijonem ja kaniman in camic arjaꞌ ocnak jun lokꞌlaj sacerdote ja paꞌl trij jawaꞌ tijonem riꞌ.

1 Pedro 1:1

Anin in Pedro in apóstol rxin ja Jesucristo. Anin ntzꞌibaj ja carta riꞌ in ntakel ewqꞌuin ja rixsalunel chipan ja retinamit jeꞌe ja rixcꞌo pa tak tinamit ja cꞌo pa rcuenta Ponto, pa rcuenta Galacia, pa rcuenta Capadocia, pa rcuenta Asia in pa rcuenta Bitinia.

2 Pedro 1:1

Anin in Simón Pedro, in ajsamajel rxin ja Jesucristo in chakajaꞌ in apóstol rxin. Anin ntzꞌibaj ja carta riꞌ in ntakel ewqꞌuin ixix ja rewilon chic ja lokꞌlaj yukulbal ecꞌuꞌx ruqꞌuin ja Jesucristo. Ja yukulbal ecꞌuꞌx ruqꞌuin ja Jesús nim rukꞌij, junan ruqꞌuin ja caniꞌ kawilon ajoj. Ja Jesucristo arjaꞌ Dios, arjaꞌ Toꞌonel kaxin in rmal ja rutzil rcꞌamonto tok nokcꞌuli rmal ja Dios in rmalariꞌ tok ewilon chic ja yukulbal ecꞌuꞌx ruqꞌuin.

2 Juan 1:1

Wachꞌalal ja ratchaꞌon rmal ja Dios, anin ja rin anciano ntakel ja carta chawe riꞌ in ntakel chique ja rawal chakajaꞌ. Anin congana nixwajoꞌ pro jun ajoben riꞌil cꞌo chake ewqꞌuin ja ni katzij wiꞌ chi ruqꞌuin ja Jesucristo penak wiꞌ. Pro ma nuyon ta anin ja nixwajoꞌ pro nixcajoꞌ chakajaꞌ canojel ja nchꞌobtaj cumal nak rbanic ja utzlaj tijonem xin Jesucristo.

3 Juan 1:1

Chakꞌlaj walcꞌwal Gayo, anin ja rin anciano ntakel ja carta chawe riꞌ. Wachꞌalal, anin congana natwajoꞌ pro jun ajoben riꞌil cꞌo chake awqꞌuin ja ni katzij wiꞌ chi ruqꞌuin ja Jesucristo penak wiꞌ.

Apocalipsis 1:1

Anin in Juan. Jawaꞌ ja xtintzꞌibaj riꞌ Jesucristo kꞌalasyon chinwach. Arjaꞌ yataj tre rmal ja Dios chi nkꞌalasaj utzcꞌa chi jariꞌ ncꞌutbej chikawach ja rok ajsamajelaꞌ rxin nak ja xtibantaj na cumplir chanim. Ja xucoj chi rkꞌalasaxic cꞌo jun ángel xutak wqꞌuin ja rin ajsamajel rxin.

Apocalipsis 1:9

Anin in Juan, in ewachꞌalal, in ewachbil chi rtijic ja rpokonal, in ewachbil chipan ja gobierno xin Dios, in ewachbil chi rcochꞌic nojel ja npi chakij rmal ja xa jun kabanon ruqꞌuin ja Jesucristo. Ja tok kꞌalasax chinwach ja xtintzꞌibaj chewe riꞌ tokoriꞌ tok xinqꞌuejeꞌ chipan ja lugar Patmos ja cꞌo pa mar. Rumac ja rtzobal Dios in rumac ja nyaꞌon rbixic ja Jesucristo chewiꞌ tok xinqꞌuejeꞌ triꞌ.

Apocalipsis 18:20

Pro ja cꞌa rixix ja rixcꞌo chilaꞌ chicaj quixquicoti. Ja rix apóstol, ja rix profeta, ewanojel ja rix tinamit rxin ja Dios quixquicoti. Como ja tinamit Babilonia, Dios ryaꞌon rjil rcꞌaxel tre ja rbanon chewe, xecheꞌe.

Apocalipsis 22:8

Anin in Juan, nojel awaꞌ ja tzꞌibtal chipan awaꞌ ja libro riꞌ, anin xincꞌwaxani in xintzꞌatowi chakajaꞌ. Ja cꞌa tok xacꞌaxtaj mwal in tok tzꞌattaj mwal xinxuqueꞌ chwach ja ángel ja cꞌutu chinwach nojel ja xintzꞌat. Anin laj xinyaꞌ rukꞌij ja ángel