San Mateo 10:16 - Tz'utujil (Ja Cꞌacꞌa Chominem)

¹⁶ Camic tecꞌamaꞌel ja bey, bien tewotakijel chi ixix ix caniꞌ juleꞌ tak carnelo in ja winak ja bar nixnutakel wiꞌ ejeꞌeꞌ e caniꞌ utiwaꞌ. Quixqꞌuejeꞌ listo caniꞌ nuban jun cumatz ncowini nutoꞌ riꞌ xarwariꞌ tebanaꞌ ix manso caniꞌ nuban jun palomax.

Tz'utujil NT

¹⁶ Camic tec'ma' ela ebey, bien twutkij ela che ixix ix ajni' jle' ch'tak carne'l y je' wnak abar quixnutak el wa' arj-e' e ajni' utiwa'. Quixec'je'a list ajni' nuban jun cmetz tak nuto' ri' xerwara' chka' tebna' sencillo ajni' jun tz'quin jpaloma.

San Mateo 10:16 Iomraidhean Croise

San Mateo 24:25

Bien tebanaꞌ cuenta ewiꞌ chwach ja wariꞌ como xinyaꞌ pon rbixic chewe.

San Mateo 24:45

Techꞌoboꞌ cꞌa chi utz ja xtinbij chewe riꞌ, ja rajsamajelaꞌ ¿echinatak ja nebano cumplir ja nbix chique cumal ja quipatrón, echinatak ja buena quinaꞌoj? Caniꞌ tre jun patrón tok cꞌo jun ajsamajel ruqꞌuin in nuyaꞌ rsamaj chi arjaꞌ npeꞌe chiquij ja juleꞌ chic rach tak ajsamajelaꞌ chi neruban cuenta in nuyaꞌ queway ja tok ncꞌatzin chique.

San Mateo 25:2

E joꞌoꞌ chique congana quinaꞌoj pro ja re joꞌoꞌ chic ma e queriꞌ ta, xa ma chꞌobol ta ja queban

San Mateo 25:4

Pro ja xtaniꞌ ja congana quinaꞌoj ejeꞌeꞌ quecꞌamel chi na juleꞌ ja raceite rxin ja quicandil.

San Mateo 25:9

—Ma can ta, matzij ma koruban ta ajoj ja xtikayaꞌ ta jalal tak ewxin. Mejor ja neban, jix ja bar ncꞌayix wiꞌ, triꞌ jelokꞌoꞌ wiꞌ ewxin, xecheꞌxi.

San Lucas 10:3

Camic tecꞌamaꞌel ja bey, bien tewotakijel chi ixix ix caniꞌ juleꞌ tak carnelo in ja winak ja bar nixnutakel wiꞌ ejeꞌeꞌ e caniꞌ utiwaꞌ.

San Lucas 21:15

como anin xquinyoꞌ chewe nak chi tzijal ja xtebij chique, anin xquinyoꞌ chewe ja renaꞌoj triꞌ. Rmalcꞌariꞌ tok ja recꞌulel ma xticanoy chi ta cumal nak ja xtiquibij chic chewe, xtetzꞌapij quechiꞌ.

Hechos 20:29

Bien wotak chi ja tok ma incꞌo chi ta ewqꞌuin ecꞌo juleꞌ itzel tak winak neꞌoc na checojol in nquemaj ryojic ja yukulbal quecꞌuꞌx ja kachꞌalal ruqꞌuin ja Jesucristo.

1 Corintios 14:20

Wachꞌalal, ma teban chi ta más ja caniꞌ xa junan enaꞌoj cuqꞌuin ja tak acꞌalaꞌ. Ja cꞌa tre ja banoj itzelal jariꞌ utz wi nixoqui ix caniꞌ tak yaquiꞌaꞌ pro ja tre ja renaꞌoj jariꞌ kas ta xtitzꞌakati chi utz.

2 Corintios 1:12

Como ajoj wachꞌalal congana nokquicoti ja mta nak ta kabanon ja xtitiꞌon ta kaconciencia rmal, chꞌajchꞌoj rij rwach ja kabanon, ni majun nak ta kawawan ta pa tak kanma. Ni quirwariꞌ ja kabanon chiquewach ja winak in pior cꞌa chewach ixix. Ma kanaꞌoj ta ajoj nkacoj pro ja rutzil ja nsipaj ja Dios chake jariꞌ nsamaji pa tak kanma chi rbanic nojel ja nkaban.

2 Corintios 11:14

Pro maxta kas ncꞌascꞌoꞌi tecꞌwaxaj ja cꞌa xinbij chewe riꞌ como ja Satanás arjaꞌ xa banol engaño chakajaꞌ, nucoj riꞌ como jun ángel ja nsakirsan kabey chikawach.

2 Corintios 11:3

Pro ja ranin nxbej wiꞌ, nurkaj chwe ja ban tre ja Eva ojer tok ban engañar rmal ja cumatz como ja cumatz congana listo, matzij xa queriꞌ xtiban chic chewe ixix in junwiꞌ chic xtechꞌob in ma ruyon chi ta ruqꞌuin ja Cristo xtiyukeꞌ wiꞌ ecꞌuꞌx.

2 Corintios 8:20

Pro bien kabanon cuenta ja wariꞌ utzcꞌa chi majun tzij npi chakij rmal ja nimlaj ayuda ja kamajon rmolic.

Filipenses 2:15

Queriꞌ nbij chewe utzcꞌa chi ni katzij wiꞌ chi ix ralcꞌwal Dios nixtzꞌati utzcꞌa chi majun nak ta nixchapbexi in ni chꞌajchꞌoj wiꞌ ja rewanma. Quirtariꞌ neban jutzꞌit utzcꞌa chi mta ja ritzelal pa tak ecꞌaslemal ixix masqui ixcꞌo chiquicojol juleꞌ winak ja xa yojtajnak quinaꞌoj, juleꞌ winak ja congana itzel quicꞌaslemal. Pro ja rixix ix caniꞌ jun luz ja nsakirsan quebey chiquewach chipan ja kꞌekumal

Colosenses 1:9

Ja cꞌa tok xurkaj rbixic kuqꞌuin chi queriꞌ ebanon ni kamajto wiꞌ rbanic oración pan ecuenta, quewaꞌ ja roración nkaban riꞌ. Dios ta xtiyoꞌ chewe chi bien newotakij ja rvoluntad, ja ta rEspíritu Santo xtiyoꞌ chewe ja renaꞌoj in xtuchꞌob ta chewach nak ja rubey in nak ja ma rubey ta.

Colosenses 4:5

Tecojoꞌ ja naꞌoj xin Dios ja tok nixtzijon cuqꞌuin ja winak ja ma quiniman ta ja Jesucristo. Maxta chaka queriꞌ tikꞌax jun kꞌij chewach pro kꞌij kꞌij ni tebanaꞌ wiꞌ ja rutzil.

1 Tesalonicenses 2:10

Ja tok xokqꞌuejeꞌ checojol wachꞌalal ni utz wiꞌ ja kacꞌaslemal caniꞌ nrajoꞌ ja Dios chake, ni majun nak ta itzel ta kaban. Jariꞌ bien ewotak in Dios rotak chakajaꞌ.

1 Tesalonicenses 5:22

Teyaꞌaꞌ can nojelal ja ritzelal.