San Mateo 10:1 - Tz'utujil (Ja Cꞌacꞌa Chominem)

¹ Ja cꞌa Jesús arjaꞌ xersiqꞌuij ja cablajuj discípulo in xuyaꞌ chique chi cꞌo quekꞌaꞌ chique ja ritzel tak espíritu chi necowini nequiwasajel chique ja winak in xuyaꞌ chique chakajaꞌ chi necowini nequitzursaj yawaꞌiꞌ xa nak ta ntiꞌon chique.

Tz'utujil NT

¹ Ja' Jesús xersiq'uij ja e cbeljuj discípulo y xuya' chca chc'ola quek'a' chquij itzel tak espíritu che nquecwina nquequelsaj ela ptak canm wnak, y xuya' chca chka' che nquecwina nquecchumsaj yuw-i' chka bechnak opech nti'ona chca.

San Mateo 10:1 Iomraidhean Croise

San Mateo 19:28

Cꞌacꞌariꞌ ja Jesús xbij chique: —Ni katzij wiꞌ ja xtinbij chewe riꞌ, ixix nixoc na wach kꞌetol tak tzij chipan ja cꞌacꞌa rwachꞌulew. Tokoriꞌ tok xquinpi chic anin ja rin Alcꞌwalaxel ja xinoc alaxic cuqꞌuin ja winak in cꞌo jun trono ja nintzꞌabeꞌ chipan ja ncꞌutu wxin chi congana nim nukꞌij. In ixix chakajaꞌ ja nij ixtran wiꞌ chwij cꞌo cablajuj trono nixtzꞌabeꞌ chipan in nyataj chewe chi nixoc kꞌetol tak tzij pa quewiꞌ ja winak ja cablajuj tribu rxin ja tinamit Israel.

San Mateo 26:20

Ja cꞌa tok xoc akꞌaꞌ tzꞌabeꞌ ja Jesús pa mesa e rachbil ja cablajuj discípulo.

San Mateo 26:47

Kas cꞌa rmajon na tzij ja Jesús cuqꞌuin ja rdiscípulo ja tok peti ja Judas. Jariꞌ Judas arjaꞌ jun chique ja cablajuj apóstol. Arjaꞌ e qꞌuiy ja winak erachbilanto in cꞌoli banbal chꞌaꞌoj quicꞌamonto caniꞌ tre espada in cheꞌ, etakonto cumal ja jefe quixin sacerdote in cumal ja principaliꞌ xin tinamit chi nurquichapaꞌ ja Jesús.

San Mateo 4:23

Ja cꞌa Jesús arjaꞌ be nat nakaj chipan ja departamento Galilea, nertijoj ja winak pa tak jay xin molbal riꞌil ja bar nquemol wiꞌ quiꞌ chi rcꞌaxaxic ja rtzobal Dios, nuyaꞌ rbixic chique ja utzlaj tzij tre ja gobierno xin chilaꞌ chicaj in chakajaꞌ ecꞌoli ja yawaꞌiꞌ nertzursaj xa nak ta ntiꞌon chique.

San Mateo 6:13

Atat ta xcatchajin kaxin, maxta kokaji tok nokrtakchiꞌij ja diablo, koꞌatoꞌoꞌ pa rukꞌaꞌ. Jariꞌ nkacꞌutuj chawe como pan akꞌaꞌ atat cꞌo wiꞌ nojel gobierno in pan akꞌaꞌ cꞌo wiꞌ nojel poder, noc na yaꞌbal akꞌij nojelal, in nij at quirwariꞌ camic, chwak in chijutij. Amén. Queriꞌ ta rbanic ja roración neban.

San Mateo 9:35

Ja Jesús arjaꞌ be nojel tinamit in nojel tak aldea chakajaꞌ, nertijoj ja winak pa tak jay xin molbal riꞌil, nuyaꞌ rbixic chique ja utzlaj tzij tre ja gobierno xin chilaꞌ chicaj in chakajaꞌ ecꞌoli ja yawaꞌiꞌ nertzursaj xa nak ta ntiꞌon chique.

San Mateo 9:38

Rmalcꞌariꞌ nbij chewe, tebanaꞌ orar, tecꞌutuj tre ja Rajaw ja cosecha chi nerutakto ja rajsamajelaꞌ chi neꞌurquibanaꞌ cosechar ja winak, neꞌ chique.

San Lucas 10:19

Bien tecꞌwaxaj ja xtinbij chewe riꞌ, camic anin nyaꞌ poder chewe in wi ecꞌoli ja cumatz xqueꞌepakꞌ owi sinaꞌy jariꞌ mta nak ta xteban ta cumal. In chakajaꞌ nyaꞌ chewe chi nixcowini nekajsaj nojel ja poder ja cꞌo pa rukꞌaꞌ ja Satanás. Ni majun nak ta xtibano ta pokon chewe.

San Lucas 21:15

como anin xquinyoꞌ chewe nak chi tzijal ja xtebij chique, anin xquinyoꞌ chewe ja renaꞌoj triꞌ. Rmalcꞌariꞌ tok ja recꞌulel ma xticanoy chi ta cumal nak ja xtiquibij chic chewe, xtetzꞌapij quechiꞌ.

San Lucas 24:49

Bien tecꞌwaxaj ja xtinbij chic chewe riꞌ, anin ntakto na ja rEspíritu Santo ewqꞌuin ja caniꞌ tzujunto rmal ja nataꞌ Dios. Pro quixqꞌuejeꞌ waweꞌ chipan ja tinamit Jerusalén, cꞌa tokoriꞌ nixel chipan ja tok xtiyataj chewe ja poder rxin ja rEspíritu Santo ja xtikajto chilaꞌ chicaj, neꞌe ja Jesús chique.

San Lucas 6:13

Ja cꞌa tok sakari xersiqꞌuij ja rdiscípulo. Ecꞌo cablajuj xeruchaꞌ chique in xbinaꞌaj chique chi e apóstol.

San Juan 17:2

Como atat ayaꞌon chwe chi cꞌo nukꞌaꞌ chique canojelal ja winak. Queriꞌ abanon chwe utzcꞌa chi anin cꞌoli ja utzlaj cꞌaslemal nyaꞌ chique canojel ja winak ja reꞌayaꞌon chwe pro jun utzlaj cꞌaslemal ja mta qꞌuisic trij.

San Juan 3:27

Pro ja Juan xbij chique: —Ja ranin ninquicoti chi netajini nebe ja winak ruqꞌuin ja Jesús. Ja samaj nkaban chikajujunal chilaꞌ chicaj penak wiꞌ.

San Juan 3:35

Ja Ralcꞌwalaxel janila najoꞌx rmal ja Tatixel in ni majun nak ta ja maquita jachon pa rukꞌaꞌ rmal.

San Juan 6:70

Ja cꞌa Jesús xbij chic chique: —Ix cablajuj ja rixnchaꞌon pro cꞌo jun chewe ja xa ucꞌan rmal ja diablo, neꞌe.

Hechos 1:8

Pro ja tok xtikajto ja rEspíritu Santo ewqꞌuin tokoriꞌ cꞌoli poder xin Dios ja xtecochij tre. Tokocꞌariꞌ nixbe in nemaj rbixic chique ja winak nojel ja retzꞌaton in nojel ja recꞌwaxan ja xinban chewach. Nemajel rbixic pa Jerusalén in nixbe chi rbixic chipan nojel tinamit ja cꞌo pa rcuenta Judea in nixbe chi rbixic chipan ja departamento Samaria chakajaꞌ. Cꞌacꞌariꞌ nixbe chi rbixic nojel nat nakaj tre ja rwachꞌulew, neꞌe ja Jesús chique.

Hechos 19:15

Ja cꞌa rcꞌajol Esceva ja tok queban mandar ja ritzel espíritu quewaꞌ bix chique rmal riꞌ: —Anin bien wotak nak ocnak wiꞌ ja Jesús in chakajaꞌ bien wotak nak ocnak wiꞌ ja Pablo pro nak la ixocnak wiꞌ ixix, xecheꞌx rmal ja ritzel espíritu.

Apocalipsis 12:1

Cꞌo cꞌa ja winakari chilaꞌ chicaj ja congana cꞌascꞌoꞌi xintzꞌat, cꞌo jun ixok congana ruchꞌaꞌ caniꞌ kꞌij rwekben riꞌ, ja cꞌa icꞌ ocnak rpalibal in cꞌo jun corona rcojon pa rwiꞌ rcꞌan cablajuj chꞌumil.