San Mateo 1:21 - Tz'utujil (Ja Cꞌacꞌa Chominem)

²¹ Ja María arjaꞌ nqꞌuejeꞌ na jun ti ral talaꞌ in ja rubiꞌ xtabij tre, Jesús xcatcheꞌ tre. Como ja biꞌaj Jesús tibij tzij Toꞌonel queriꞌ cꞌa ja rubiꞌ xtabij tre como arjaꞌ ntoꞌowi ja rtinamit chipan ja quil quemac, neꞌe ja ángel tre ja José.

Tz'utujil NT

²¹ María nec'je' na jun ch'it ral ala' y jrubi' je xtaya' jara' Jesús. Com jbi'aj Jesús nbij tzij Dios To'onel, cara' c'a rubi' xtabij com arja' net-owa retnamet chpam quil quemac, cara' xbij ángel tzra José.

San Mateo 1:21 Iomraidhean Croise

San Mateo 1:25

Pro ja tre tiempo tok majaꞌn talaxi ja ti ral ja María ja nabey winak ni majun nak ta queban. Ja cꞌa José tok xuyaꞌ rubiꞌ ja tacꞌal, Jesús xbinaꞌaj tre.

San Lucas 1:13

Pro ja ángel quewaꞌ xbij tre riꞌ: —Zacarías, ma taxbej ta awiꞌ como ja Dios arjaꞌ rcꞌaxan ja raworación, ja cꞌa rElisabet ja rawixjayil arjaꞌ cꞌo jun ti ral talaꞌ nqꞌuejeꞌ na chwirukꞌaꞌ. Ja cꞌa tok xtalaxi ja talaꞌ Juan rubiꞌ xtabinaꞌaj tre

San Lucas 1:31

Ja camic nqꞌuejeꞌ na cꞌaslemal chawij, cꞌo jun tawal talaꞌ nqꞌuejeꞌ na. Ja cꞌa tok xtalaxi ja talaꞌ Jesús rubiꞌ xtabinaꞌaj tre.

San Lucas 2:11

Quewaꞌ ja utzlaj tzij ja ncꞌamonto chewe riꞌ, ja camic cꞌo jun Toꞌonel ewxin cꞌa xalaxi, pa Belén xalax wiꞌ ja bar xalax wiꞌ ja rojer rey David. Ja cꞌa Toꞌonel arjaꞌ ja Cristo ja kajaw.

San Lucas 2:21

Ja cꞌa ti yaquiꞌ ja tok xuban waxakiꞌ rukꞌij ja tok ban circuncidar tokoriꞌ canox rubiꞌ. Ja ti rubiꞌ bix tre Jesús como queriꞌ rubiꞌ ja canox rmal ja ángel ja tok majaꞌn tiqꞌuejeꞌ pa gracia.

San Juan 1:29

Ja cꞌa chi rcab kꞌij ja Juan xutzꞌat pon ja Jesús chi xajalal majaꞌn turkaj ruqꞌuin in quewaꞌ xbij chique ja winak riꞌ: —Tetzꞌataꞌ mpeꞌ ja rachi leꞌ, arjaꞌ noc na caniꞌ jun carnelo ja nba̱n sacrificar chwach ja Dios, arjaꞌ takonto waweꞌ chwachꞌulew rmal ja Dios chi nurchupuꞌ kaj ja kil kamac kanojelal ja rok winak.

San Juan 4:42

In quibij tre ja rixok: —Ja nabey yukeꞌ kacꞌuꞌx ruqꞌuin ja Jesús rmal ja xabij chake pro ja camic más chi na yukul kacꞌuꞌx ruqꞌuin como kacꞌaxaj ja xbij chake in bien kotak chi arjaꞌ ja Cristo ja Toꞌonel kaxin kanojelal ja rok winak, xecheꞌ tre.

Hechos 13:23

—Cꞌo jun riy rumam can ja David, Jesús rubiꞌ. Ja cꞌa Jesús arjaꞌ takonto rmal ja Dios chi katoꞌic ja rok aj Israel como queriꞌ tzujun can rmal ja Dios ojer.

Hechos 3:26

Ja Dios xutakto ja Jesús ja Ralcꞌwal in ewqꞌuin ixix ja rix kach tak aj Israel xutak wiꞌ nabey. Queriꞌ xuban como arjaꞌ nrajoꞌ nuyaꞌ ja rutzil chewe utzcꞌa chi neyaꞌ can ja ritzelal chejujunal. Queriꞌ xbij ja Pedro chique.

Hechos 4:12

Solo ruqꞌuin ja Jesús nkawil wiꞌ ja totajem xin Dios, ni majun nak chi ta rtakonto ja Dios waweꞌ chwachꞌulew ja ntoꞌo kaxin, neꞌe ja Pedro.

Hechos 5:31

Ja Dios congana xucoj rchokꞌakꞌ, xuyaꞌ tre ja Jesús chi más nim chi na rukꞌij in ja camic rcojon como Jefe pa kawiꞌ, rcojon como Toꞌonel kaxin. Queriꞌ xuban ja Dios como ja kas nrajoꞌ chewe ja rix wach tak aj Israel chi neqꞌuex ja renaꞌoj in neyaꞌ can ja ritzelal utzcꞌa chi ncuytaji ja rewil emac.

Tito 2:14

Kumal ajoj tok xujach riꞌ pa quekꞌaꞌ ja winak chi camsaxi, xokrutoꞌ chipan ja kil kamac utzcꞌa chi arjaꞌ nchꞌachꞌojirsaj ja kacꞌaslemal. Queriꞌ xuban utzcꞌa chi nokoc tinamit rxin utzcꞌa chi nel kacꞌuꞌx trij ja banoj utzil.

Hebreos 7:25

Rmalcꞌariꞌ tok ncowini nokrutoꞌ chijutij ja yukul kacꞌuꞌx ruqꞌuin chi arjaꞌ ncojo kaxin chwach ja Dios. Arjaꞌ ni cꞌas wiꞌ chijutij chi rbanic orar pa kacuenta chewiꞌ tok ncowini nokrutoꞌ chijutij.

1 Juan 1:7

Pro wi sakil cꞌayon kaxin caniꞌ tre ja Dios arjaꞌ ni pa sakil wiꞌ cꞌo wiꞌ, ja wi queriꞌ kabanon xcꞌa jun kabanon ariꞌ. Ja wi queriꞌ kabanon ja rquiqꞌuel ja Jesucristo ja Ralcꞌwal jariꞌ nchꞌachꞌojirsaj nojel ja kil kamac nkaban.

1 Juan 3:5

Ixix bien ewotak chi peti ja Jesucristo waweꞌ chwachꞌulew chi rchupic ja kil kamac in arjaꞌ ni mta wiꞌ jun ril rumac rbanon.

Apocalipsis 7:14

—Señor, jariꞌ atat atotakyon, xincheꞌ tre. In xbij chic chwe: —Ejeꞌeꞌ laꞌ ja rekꞌaxnakto chipan ja nimlaj rpokonal. Ja quitziak sak como quichꞌajon chipan ja rquiqꞌuel ja Carnelo.