San Mateo 1:18 - Tz'utujil (Ja Cꞌacꞌa Chominem)

¹⁸ Ja Jesucristo tok xalaxi quewaꞌ rbanic riꞌ. Ja María ja ruteꞌ arjaꞌ ryaꞌon chic ruchiꞌ tre ja José chi ncꞌuleꞌ ruqꞌuin. Pro ja tok majaꞌn tiquecꞌam quiꞌ chaka jalal tok xotakixi chi yawaꞌ chic ja María chi nqꞌuejeꞌ jun ti ral. Pro rmal ja rEspíritu Santo samaji chewiꞌ tok queriꞌ xuban.

Tz'utujil NT

¹⁸ Cawra rbanic tak xalexa Jesucristo. María jrute', arja' c'utun chic rmal José chnec'le'a ruq'uin. Per tak q'uemjana tquec'om qui' chek q'uenjlal xutkixa che m-utz tchic María, xnec'je'a jun ral. Per Espíritu Santo xesmaja rmal c'ara' tak cara' xuban.

San Mateo 1:18 Iomraidhean Croise

San Mateo 1:1

Ja Jesucristo arjaꞌ riy rumam can ja rojer rey David in chakajaꞌ riy rumam can ja rAbraham. Jawaꞌ ja xtintzꞌibaj riꞌ jawaꞌ quebiꞌ ja ratiꞌt rmamaꞌ ja Jesucristo.

San Mateo 12:46

Ja Jesús cꞌa rmajon na tzij cuqꞌuin ja winak, ja cꞌa ruteꞌ in ja re rchꞌalal ecꞌo chwa jay in ncajoꞌ netzijon ruqꞌuin.

San Mateo 2:11

Cꞌacꞌariꞌ xeꞌoc chipan ja jay in quetzꞌat ja tacꞌal rachbil ja María ja ruteꞌ. Xexuqueꞌ chwach ja tacꞌal, quemaj ryaꞌic rukꞌij. Cꞌacꞌariꞌ quiwasajto ja quicꞌamonel ja nimak rjil in cꞌoli quisipaj tre. Ja quisipaj tre, oro in nakun jeꞌe ja quiꞌ rxulaꞌ caniꞌ tre incienso in mirra.

San Lucas 1:25

—Quewaꞌ rbanon chwe ja kajaw Dios, cꞌo chic ti wal ryaꞌon in rmalariꞌ ma qꞌuixbal chi ta nnaꞌ chiquewach ja winak ja nelasan ntzijoxic chi mta wal, neꞌe.

San Lucas 2:5

Arjaꞌ cꞌo jun xtan rachbilajel, María rubiꞌ, e utz chic ruqꞌuin chi necꞌuleꞌe. Ja cꞌa María arjaꞌ yawaꞌ chic, xa nnakajinto ja kꞌij ja xtiqꞌuejeꞌ wiꞌ ti ral.

Hebreos 10:5

Rmalcꞌariꞌ ja Cristo tok pi waweꞌ chwachꞌulew quewaꞌ xbij tre ja Tatixel riꞌ: —Ja ratat, ma ja tariꞌ nawajoꞌ ja necamsaxi juleꞌ chicop chawach nixtacꞌa ja ta ja juleꞌ chic ja ntzujux jeꞌe chawach. Pro ja ncuerpo anin jariꞌ achomarsan, ja cꞌariꞌ ntzujux na chawach.

Hebreos 7:26

Queriꞌ cꞌa rbanic ja Jesús, nij arjaꞌ wiꞌ ja lokꞌlaj sacerdote ja ncꞌatzin chake. Arjaꞌ ni utz wiꞌ ntzꞌa̱t rmal ja Dios. Majun nak ta itzel rbanon ta. Ni majun ril rumac. Lasaxel chiquicojol ja rajꞌil ajmaquiꞌ, cꞌamarel chilaꞌ chicaj ja bar cꞌo wiꞌ ja Dios.