San Mateo 1:1 - Tz'utujil (Ja Cꞌacꞌa Chominem)

¹ Ja Jesucristo arjaꞌ riy rumam can ja rojer rey David in chakajaꞌ riy rumam can ja rAbraham. Jawaꞌ ja xtintzꞌibaj riꞌ jawaꞌ quebiꞌ ja ratiꞌt rmamaꞌ ja Jesucristo.

Tz'utujil NT

¹ Jesucristo arja' riy rumam ja ojer rey David, chka' riy rumam Abraham. Jawra je xtentz'ibaj ra jawa' quebi' rti't remma' ja' Jesucristo.

San Mateo 1:1 Iomraidhean Croise

San Mateo 1:18

Ja Jesucristo tok xalaxi quewaꞌ rbanic riꞌ. Ja María ja ruteꞌ arjaꞌ ryaꞌon chic ruchiꞌ tre ja José chi ncꞌuleꞌ ruqꞌuin. Pro ja tok majaꞌn tiquecꞌam quiꞌ chaka jalal tok xotakixi chi yawaꞌ chic ja María chi nqꞌuejeꞌ jun ti ral. Pro rmal ja rEspíritu Santo samaji chewiꞌ tok queriꞌ xuban.

San Mateo 1:2

Ja rAbraham, tatixel rxin Isaac. Ja rIsaac, tatixel rxin Jacob. Ja Jacob, tatixel rxin Judá e rachbil ja rchꞌalal.

San Mateo 15:22

Ja cꞌa tok xekaji chaka jalal tok cꞌo jun ixok xekaj ruqꞌuin. Ja rixok cananea neꞌxi, in triꞌ cꞌo wiꞌ chipan ja lugar ja xekaj wiꞌ ja Jesús. Arjaꞌ xurak ruchiꞌ trij ja Jesús in quewaꞌ xbij tre riꞌ: —Wajaw, atat ja rat Ralcꞌwal can ja rojer rey David, tapokonaj jutzꞌit nwach, cꞌo jun wal ocnak jun itzel espíritu tre in congana lawuloꞌ nba̱n tre rmal, neꞌ tre.

San Mateo 3:16

Ja Jesús tok chaka maril bantaj bautizar xelto pa yaꞌ in chaka jalal tok jaktaji ja caj. Cꞌacꞌariꞌ xutzꞌat ja rEspíritu Santo xin Dios caniꞌ jun ajsakaxicꞌ kajto ruqꞌuin.

San Mateo 9:27

Ja Jesús be chic, rmajon binem. Ecꞌo cꞌa caꞌiꞌ moyaꞌ etran trij, ejeꞌeꞌ quemaj rakic quechiꞌ trij ja Jesús: —Atat ja rat Ralcꞌwal can ja rojer rey David, tapokonaj jutzꞌit kawach, xecheꞌ tre.

San Lucas 1:33

Chijutij xtoc rey pan ewiꞌ ja rix riy rumam can ja Jacob in ja gobierno rxin arjaꞌ ni mta wiꞌ qꞌuisic trij. Queriꞌ xbij ja ángel tre ja María.

San Juan 7:42

¿La ma tzꞌibtal can ta cꞌa chipan ja rtzobal Dios chi pa Belén npi wiꞌ ja Cristo como ja Belén jariꞌ rtinamit ja rojer rey David in ja Cristo arjaꞌ riy rumam can ja David? xecheꞌe.

Hechos 2:30

Pro ja David arjaꞌ jun profeta xin Dios in xurkaj tre ja juramento ja rbanon ja Dios quewariꞌ: —David, anin quewaꞌ ntzujuj chawe riꞌ, cꞌo jun chique ja rawiy amam ja majaꞌn talaxi, arjaꞌ ariꞌ ja Cristo in xtincoj como Rey pan acꞌaxel. Queriꞌ tzujun can tre ja David rmal ja Dios.

Romanos 1:3

Jawaꞌ utzlaj tzij ja xinbij chewe riꞌ jawaꞌ ncꞌutu chikawach nak rbanic ja Ralcꞌwal Dios. Ja cꞌa Ralcꞌwal Dios arjaꞌ riy rumam can ja rojer rey David, xoc kach winak.

Romanos 4:13

Queriꞌ cꞌa rbanic como ja rAbraham arjaꞌ utz tzꞌat rmal ja Dios rumac ja yukulbal rucꞌuꞌx ruqꞌuin in xa rmalariꞌ ja tok Dios xtzujuj jun herencia tre, ma rmal ta ley xin Dios rniman. Como ja Dios cꞌo jun herencia xtzujuj tre ja rAbraham in chique ja riy rumam can, quewaꞌ xbij tre riꞌ: —Noc na ja rwachꞌulew pan akꞌaꞌ, neꞌe ja Dios tre ja rAbraham.

Romanos 9:5

Makanaꞌ maquita e quijaꞌtzul can ja rAbraham ja rIsaac in Jacob, makanaꞌ maquita cach aj Israel ja Cristo tok xoc kach winak waweꞌ chwachꞌulew. Ja Cristo arjaꞌ Dios in majun ja maquita cꞌo rukꞌaꞌ tre, kas ta xtiyaꞌ rukꞌij camic, chwak in chijutij. Amén.

Gálatas 3:16

Ja Dios arjaꞌ cꞌo jun chominem xuban ruqꞌuin ja rAbraham ojer, cꞌoli ja rutzil xin Dios xtzujuj tre ja rAbraham in tre rjaꞌtzul chakajaꞌ. Xa jun rjaꞌtzul ja rAbraham ja xtzujuj wiꞌ, ma xtzujuj ta chique canojel: —Tre ja rawijaꞌtzul ntzujuj wiꞌ, neꞌxi ja rAbraham rmal ja Dios. Ja cꞌa rjaꞌtzul ja rAbraham jariꞌ ja Cristo.

1 Timoteo 2:5

Como xa jun ja Dios in xa jun chakajaꞌ ja nchomarsan kaxin chwa Dios ja rok winak, arjaꞌ Cristo Jesús ja xoc kach winak.

2 Timoteo 2:8

Ni turkaj wiꞌ chawe ja Jesucristo arjaꞌ cꞌastaji chiquicojol ja camnakiꞌ, arjaꞌ riy rumam can ja rojer rey David. Jawaꞌ ja utzlaj tzij xin Jesucristo ja nmajon rbixic

Apocalipsis 22:16

Ja Jesús quewaꞌ nbij riꞌ: —Anin in Jesús, ja ángel wxin arjaꞌ ntakon ewqꞌuin chi neryaꞌaꞌ rbixic chique ja riglesia nojel awaꞌ ja nkꞌalasan riꞌ. Anin in riy rumam can ja rojer rey David, ruqꞌuin arjaꞌ inelnakto wiꞌ. Anin in caniꞌ ja chꞌumil ja xin pa sakaric ja congana ruchꞌaꞌ, neꞌe.