San Lucas 9:56 - Tz'utujil (Ja Cꞌacꞌa Chominem)

⁵⁶ Queriꞌ nbij chewe como anin ja rin Alcꞌwalaxel ja xinoc alaxic cuqꞌuin winak ma inpenak ta chi quicamsaxic winak, inpenak chi quitoꞌic, neꞌ chique. Cꞌacꞌariꞌ xebe chic cha jun aldea.

Tz'utujil NT

⁵⁶ Cara' quenbij chewa com anen ja en Rlec'walxel jxenoca alxic cuq'uin wnak me enpenak ta che ccamsic wnak, enpenak che cto'ic, cara' nbij chca. C'jara' xeba chic pjun aldea.

San Lucas 9:56 Iomraidhean Croise

San Mateo 18:10

Kas tebanaꞌ cuenta nak neban chique waꞌ ja re taknoꞌy riꞌ, nixtacꞌa jun ta chique xteban ta tre ni mta. Como anin nbij chewe chi ja chilaꞌ chicaj ecꞌoli ja ángel quixin in jariꞌ ángel mta ariꞌ ja maquita yatajnak chique chi neꞌekaj chwach ja Nataꞌ ja cꞌo chilaꞌ chicaj.

San Mateo 18:11

Como ja ranin inpenak chi quitoꞌic ja retzaknak, anin ja rin Alcꞌwalaxel ja xinoc alaxic cuqꞌuin ja winak.

San Mateo 20:28

Caniꞌ xuban ja Ralcꞌwalaxel ja xoc alaxic cuqꞌuin ja winak, arjaꞌ pi waweꞌ chwachꞌulew pro ma rmal ta chi nilix cumal winak pro jariꞌ peti chi arjaꞌ noc jun ilinel quixin ja winak. In peti chakajaꞌ utzcꞌa chi arjaꞌ nuyaꞌ riꞌ pa camíc in ja rcamic e janila ja winak nerlokꞌbej chipan ja quil quemac. Queriꞌ xbij ja Jesús chique.

San Mateo 5:39

Pro ja ranin nbij chewe, ma teyaꞌ ta rjil rcꞌaxel chique ja nebanowi ja ritzelal chewe. Ja neban, wi cꞌo jun xuyaꞌ jun kꞌaꞌ xewey teyaꞌaꞌ lugar tre chi nuyaꞌ chic jun chajuparaj.

San Lucas 19:10

Xattotaji como ja Ralcꞌwalaxel ja xoc alaxic cuqꞌuin ja winak arjaꞌ penak chi quicanoxic ja winak ja retzaknak chipan ja il mac utzcꞌa chi nquewil ja totajem xin Dios.

San Lucas 22:51

Ja cꞌa Jesús xbij chique ja rachbil: —Ma teban ta más ja chꞌaꞌoj, neꞌ chique. Cꞌacꞌariꞌ xuchap ja rxquin ja moso in xtzursaj.

San Lucas 23:34

Ja cꞌa Jesús arjaꞌ cꞌo jun oración xuban quewariꞌ: —Nataꞌ, queꞌacuyuꞌ como ejeꞌeꞌ ma cotak ta ja netajini nqueban, neꞌ tre ja Tatixel. Cꞌacꞌariꞌ quemaj rbanic suerte trij ja rtziak nak xtichꞌeco chique in quejach chiquewach.

San Lucas 9:55

Ja cꞌa Jesús arjaꞌ xuyaꞌ vuelta in xumaj quichꞌolixic: —Ixix xa matichꞌobtaj emwal janiꞌ rnaꞌoj ja rEspíritu ja rucꞌayon ewxin.

San Lucas 9:57

Kas cꞌa quimajon chic bey ja tok cꞌo jun achi peti in quewaꞌ xbij tre ja Jesús riꞌ: —Wajaw, anin can ninbe chawij xa bar ta triꞌ natbe wiꞌ, neꞌ tre.

San Juan 10:10

Ja ralakꞌom tok nbe cuqꞌuin ja tak carnelo bien rchꞌobonel chi neꞌerlakꞌajto, nercamsaj in neruyoj. Pro ja ranin inpenak cuqꞌuin nunyaꞌaꞌ jun cꞌacꞌa cꞌaslemal chique in ma ruyon tariꞌ pro nnoji chakajaꞌ jun nimlaj quicotemal chipan ja quicꞌaslemal.

San Juan 12:47

Anin inpenak waweꞌ chwachꞌulew ma rmal ta chi nkꞌet ta tzij chiquij ja winak pro inpenak chi quitoꞌic. Rmalcꞌariꞌ nbij chewe, ja wi ecꞌoli winak ja necꞌaxani ja nbij chique pro wi matiquinimaj jariꞌ ma anin ta ninkꞌeto tzij chiquij.

San Juan 3:17

Queriꞌ nbij como ja Dios tok xutakto ja Ralcꞌwal waweꞌ chwachꞌulew ma rmal ta chi xquerutakel ta ja winak chipan ja rpokonal. Pro jariꞌ xutakto utzcꞌa chi rmal ja Ralcꞌwal nquewil na ja totajem xin Dios canojelal.

Romanos 12:21

Ja tok cꞌo jun itzel nba̱n chewe, wi neyaꞌ rjil rcꞌaxel jariꞌ xa nixruchꞌec ja ritzelal. Mejor ja neban, tebanaꞌ ja rutzil chique ja nebano itzel chewe jariꞌ ixix nixchꞌeco rxin ja ritzelal.

1 Timoteo 1:15

Ja Cristo Jesús arjaꞌ pi waweꞌ chwachꞌulew chi katoꞌic ja rok ajꞌil ja rok ajmaquiꞌ. Jariꞌ tzij ni katzij wiꞌ in yatal chique canojelal ja winak chi nquinimaj. In anin más na nim ja wil numac chiquewach canojelal.