San Lucas 9:43 - Tz'utujil (Ja Cꞌacꞌa Chominem)

⁴³ Ja cꞌa winak congana cꞌascꞌoꞌi quetzꞌat canojelal ja nimlaj poder xin Dios ja cꞌo pa rukꞌaꞌ ja Jesús. Ja cꞌa Jesús kas majtajnak rtzijoxic nojel ja nuban cumal canojel ja winak ja tok quewaꞌ xbij chique ja rdiscípulo riꞌ:

Tz'utujil NT

⁴³ Conjelal wnak congan xel ta canm tzrij je xquetz'et jnimlaj rpoder Dios jc'ola pruk'a' Jesús. Ja' Jesús kas majtanak rtzojxic cmal conjelal wnak tzrij je njelal nuban tak cawra xbij chca rdiscípulo:

San Lucas 9:43 Iomraidhean Croise

San Mateo 17:22

Ja cꞌa Jesús cꞌo chic pa Galilea e rachbil ja rdiscípulo ja tok arjaꞌ xbij chic chique: —Ja Ralcꞌwalaxel ja xoc alaxic cuqꞌuin ja winak arjaꞌ nja̱ch na pa quekꞌaꞌ ja winak,

Marcos 6:51

Cꞌacꞌariꞌ xoc cuqꞌuin pa lancha in cami ja ikꞌ. Ja cꞌa discípulo ejeꞌeꞌ congana cꞌascꞌoꞌi quetzꞌat ja xuban ja Jesús chiquewach in sach quinaꞌoj rmal.

San Lucas 18:43

Chaka maril tok bitaj queriꞌ tre ni jaktaji chanim ja rwach, treꞌel trij ja Jesús, congana nuyaꞌ rukꞌij ja Dios. Ja cꞌa winak tok quetzꞌat ja milagro ja bantaji ejeꞌeꞌ quemaj ryaꞌic rukꞌij ja Dios chakajaꞌ.

San Lucas 4:36

Ja cꞌa winak congana cꞌascꞌoꞌi quetzꞌat canojelal in quewaꞌ quibij chibil tak quiꞌ riꞌ: —Jawaꞌ rachi riꞌ ¿nak chi tzijal nucoj? Cꞌo takaꞌan rukꞌaꞌ chique ja ritzel tak espíritu, congana takaꞌan rchokꞌakꞌ ja rtzobal como neruban mandar chi neꞌeli in nnimax takaꞌan cumal, necheꞌe.

San Lucas 5:26

Ja cꞌa winak ejeꞌeꞌ congana cꞌascꞌoꞌi quetzꞌat ja bantaji canojelal, quemaj ryaꞌic rukꞌij ja Dios, congana quixben quiꞌ in quewaꞌ quibij riꞌ: —Ja camic cꞌoli katzꞌat ja majutij katzꞌaton ta, xecheꞌe.

San Lucas 5:9

Queriꞌ xbij ja Simón como arjaꞌ e rachbil canojel ja recꞌo ruqꞌuin congana cꞌascꞌoꞌi quetzꞌat chi congana jun chꞌuꞌ xequechap.

San Lucas 8:25

Cꞌacꞌariꞌ xbij chique: —¿Bar cꞌa xoc wariꞌ ja yukulbal ecꞌuꞌx wqꞌuin? neꞌ chique. Ja cꞌa rejeꞌeꞌ congana quixben quiꞌ, congana cꞌascꞌoꞌi quetzꞌat ja bantaji in quemaj rbixic chibil tak quiꞌ: —¿Nak rbanic cꞌalaꞌ ja rachi leꞌ? Como arjaꞌ nuban mandar ja ikꞌ, nuban mandar ja yaꞌ in nnimax takaꞌan rmal, xecheꞌe.

San Lucas 9:42

Ja cꞌa ralaꞌ xajalal majaꞌn tekaj chwach ja Jesús ja tok yaꞌ chic jun ataque tre rmal ja ritzel espíritu in chꞌakix pa tokꞌulew rmal. Ja cꞌa Jesús arjaꞌ xchꞌolij ja ritzel espíritu, xutoꞌ ja ralaꞌ pa rukꞌaꞌ in xujach can tre ja rtataꞌ.

2 Pedro 1:16

Ajoj kachꞌob chewach nak rbanic ja tok xtipi chic jutij ja kajaw Jesucristo chi congana chic kꞌaxnak ja rchokꞌakꞌ triꞌ. Ja kacoj kabase tok kabij chewe jariꞌ tok yataj chake chi katzꞌat ruqꞌuin kawach ja Jesucristo tok rucꞌaj ja ruchꞌaꞌ Dios. Ma ja ta kacoj kabase juleꞌ ojer tak tzij ja xa winakarsan cumal winak quibanon rbanic.