San Lucas 9:41 - Tz'utujil (Ja Cꞌacꞌa Chominem)

⁴¹ Ja cꞌa Jesús tok cꞌaxtaj rmal ja bix tre rmal ja rachi quewaꞌ xbij riꞌ: —Ixix ja rix tinamit Israel, ni takaꞌan mta wiꞌ yukulbal ecꞌuꞌx wqꞌuin, takaꞌan yojtajnak ja renaꞌoj. Taqꞌue titzuri ja nsamaj checojol, cꞌayew chwe chi ncochꞌ más ja matiyukeꞌ ecꞌuꞌx wqꞌuin, neꞌe. Cꞌacꞌariꞌ xbij tre ja tatixel: —Camic tacꞌamaꞌto ja racꞌajol wqꞌuin, neꞌ tre.

Tz'utujil NT

⁴¹ Tak xc'axtaja rmal Jesús je xbixa tzra rmal acha cawra xbij ra: —Ixix je ix tnamet Israel, ntak majo'n yukbal ec'u'x wq'uin, ntak yojtanak ena'oj. Ajru' la tiemp enc'ola checjol y congan quenbisona com mesquier neyke'a ec'u'x wq'uin, cara' xbij chca. C'jara' xbij tzra ttixel: —Camic tec'ma' ta awlec'wal wq'uin, cara' xbij tzra.

San Lucas 9:41 Iomraidhean Croise

San Mateo 11:28

Ewanojel ja congana nixel cꞌay chi rbanic cumplir ja rereligión ja wi caniꞌ cosnak chic ja rewíꞌ ewanma chuxeꞌ jun nimlaj ijkaꞌm nenaꞌ kaj, ja wi queriꞌ ebanon mejor ja neban, quixajoꞌ in tiyukeꞌ ecꞌuꞌx wqꞌuin. Ja wi nyukeꞌ ecꞌuꞌx wqꞌuin, anin nyaꞌ chewe chi nxulaꞌni ja rewíꞌ ewanma.

San Mateo 12:39

Pro bix chique rmal ja Jesús: —Ja winak ja necꞌutun chwe chi nban jun milagro utzcꞌa chi ninquinimaj ejeꞌeꞌ xa e itzel tak winak, xa quiyaꞌon can ja Dios. Pro ja milagro ja nquicꞌutuj jariꞌ ni matinban wiꞌ chiquewach xarwariꞌ cꞌo jun ja milagro nbantaj na chiquewach, jun milagro ja caniꞌ xuban ja rojer profeta Jonás.

San Mateo 12:45

Cꞌacꞌariꞌ nmeloj chic jutij, neꞌercꞌamaꞌ wukuꞌ rach tak itzel espíritu ja más chi na e itzel chwach arjaꞌ. Ja cꞌa tok neꞌurkaj ruqꞌuin ja rachi neꞌoc pa ranma chi e waxakiꞌ in triꞌ neqꞌuejeꞌ wiꞌ. Xcꞌa chewiꞌ tok más chi na lawuloꞌ ja rcꞌaslemal ja rachi chwach ja nabey. In queriꞌ cꞌa xtiban ixix chewe chakajaꞌ ja rix tinamit Israel ja congana itzelal ebanon.

San Mateo 16:4

Ja winak ja necꞌutun chwe chi nban jun milagro utzcꞌa chi ninquinimaj ejeꞌeꞌ xa e itzel tak winak, xa quiyaꞌon can ja Dios. Pro ja milagro ja nquicꞌutuj jariꞌ ni matinban wiꞌ chiquewach xarwariꞌ cꞌo jun ja milagro nbantaj na chiquewach, jun milagro ja caniꞌ xuban ja rojer profeta Jonás. Queriꞌ bix chique rmal. Cꞌacꞌariꞌ xelel chiquicojol in be.

San Mateo 17:17

Ja cꞌa Jesús tok cꞌaxtaj rmal ja bix tre rmal ja rachi quewaꞌ xbij riꞌ: —Ixix ja rix tinamit Israel, ni takaꞌan mta wiꞌ yukulbal ecꞌuꞌx wqꞌuin, takaꞌan yojtajnak ja renaꞌoj. Taqꞌue titzuri ja nsamaj checojol, cꞌayew chwe chi ncochꞌ más ja matiyukeꞌ ecꞌuꞌx wqꞌuin. Camic tecꞌamaꞌto ja ralaꞌ wqꞌuin, neꞌ chique.

San Mateo 23:36

Ni katzij wiꞌ ja xtinbij chewe riꞌ, nojel ja cꞌa xinbij chewe, ja rtojbalil chewij ixix nkaj wiꞌ ja rix tinamit Israel.

San Mateo 3:7

E qꞌuiy chique ja fariseo e cachbil ja saduceo ejeꞌeꞌ xeꞌekaj ruqꞌuin ja Juan chi neba̱n bautizar rmal pro ja cꞌa Juan tok xerutzꞌat arjaꞌ xbij chique: —Ixix congana itzel tak naꞌoj ewcꞌan, ix caniꞌ juleꞌ itzel tak cumatz. ¿Nak bin chewe chi nixanmaj chwach ja nimlaj juicio ja nnakajinto?

Marcos 10:14

Pro ja Jesús arjaꞌ pokon xunaꞌ ja queban ja rdiscípulo in quewaꞌ xbij chique riꞌ: —Teyaꞌaꞌ lugar chique ja tak acꞌalaꞌ quepi na wqꞌuin, maxta ma teyaꞌ ta lugar chique como ja winak ja reꞌocnak e caniꞌ tak acꞌalaꞌ quixin cꞌa ejeꞌeꞌ ariꞌ ja gobierno xin Dios.

Marcos 10:49

Ja cꞌa Jesús arjaꞌ peꞌi, xutak rsiqꞌuixic ja ti moy. Xebe chi nequisiqꞌuijto in tok xeꞌekaj ruqꞌuin quewaꞌ bix tre cumal riꞌ: —Camic catquicoti, catyictaji, natsiqꞌuix rmal ja Jesús, neꞌxi.

Marcos 9:19

Ja cꞌa Jesús tok cꞌaxtaj rmal ja bix tre rmal ja rachi quewaꞌ xbij riꞌ: —Ixix ja rix aj Israel ni takaꞌan mta wiꞌ ja yukulbal ecꞌuꞌx wqꞌuin. Taqꞌue titzuri ja nsamaj checojol, cꞌayew chwe chi ncochꞌ más ja matiyukeꞌ ecꞌuꞌx wqꞌuin. Camic tecꞌamaꞌto ja ralaꞌ wqꞌuin, neꞌ chique.

San Lucas 8:25

Cꞌacꞌariꞌ xbij chique: —¿Bar cꞌa xoc wariꞌ ja yukulbal ecꞌuꞌx wqꞌuin? neꞌ chique. Ja cꞌa rejeꞌeꞌ congana quixben quiꞌ, congana cꞌascꞌoꞌi quetzꞌat ja bantaji in quemaj rbixic chibil tak quiꞌ: —¿Nak rbanic cꞌalaꞌ ja rachi leꞌ? Como arjaꞌ nuban mandar ja ikꞌ, nuban mandar ja yaꞌ in nnimax takaꞌan rmal, xecheꞌe.

San Lucas 9:40

In xincꞌutuj jun utzil chique ja radiscípulo chi nquiwasaj ja ritzel espíritu pro ejeꞌeꞌ ma xecowin ta quiwasaj ta, neꞌe ja rachi.

San Lucas 9:42

Ja cꞌa ralaꞌ xajalal majaꞌn tekaj chwach ja Jesús ja tok yaꞌ chic jun ataque tre rmal ja ritzel espíritu in chꞌakix pa tokꞌulew rmal. Ja cꞌa Jesús arjaꞌ xchꞌolij ja ritzel espíritu, xutoꞌ ja ralaꞌ pa rukꞌaꞌ in xujach can tre ja rtataꞌ.

San Juan 14:9

Ja cꞌa Jesús xbij tre: —Felipe ¿nak tre tok nabij queriꞌ chwe chi anin ncꞌut chewach ja Tatixel pro tuban waꞌan qꞌuiylaj tiempo incꞌol ewqꞌuin, la majaꞌn cꞌa tichꞌobtaj amwal ariꞌ nak nbanic? pro ja reꞌotakyon nwach jariꞌ cotak cꞌa rwach ariꞌ ja Tatixel.

San Juan 20:27

Cꞌacꞌariꞌ xbij tre ja Tomás: —Taminaꞌ ja rwiakꞌaꞌ waweꞌ riꞌ, tatzꞌataꞌ mpeꞌ ja pa nukꞌaꞌ riꞌ in taminaꞌ ja rakꞌaꞌ pa nupox. Maxta ma catniman chi ta pro ni catniman wiꞌ, neꞌ tre.

Hechos 13:18

Ja cꞌa tok xeꞌelto ja pan Egipto caꞌwinak junaꞌ xeqꞌuejeꞌ chipan ja lugar ja chakijlaj ulew in congana itzelal queban triꞌ pro ja Dios arjaꞌ xucochꞌ nojelal.

Hechos 2:40

Jawaꞌ tzij xbij ja Pedro chique ja winak in juleꞌ chic paxbanem xuyaꞌ chique chakajaꞌ, quewaꞌ xbij chique riꞌ: —Quixtotaji, maxta teban ja ritzelal ja caniꞌ nqueban ja ritzel tak winak trewaꞌ tiempo riꞌ, neꞌ chique.

Romanos 2:4

Owi maxla xa ni mta nqueban tre nojel ja rbanon pa quicuenta ja Dios como arjaꞌ janila ja rutzil ryaꞌon chique, janila rcuyun ja ryewal chiquij, janila ja rpaciencia cuqꞌuin. ¿La ma cotak ta cꞌa chi ja Dios tok nuyaꞌ ja rutzil chique ma chaka ta nuyaꞌ chique pro rumac chi nqueqꞌuex ja quinaꞌoj, rumac chi nqueyaꞌ can ja ritzelal?

Hebreos 3:19

Ni kꞌalaj wiꞌ chi rmal ja ma xyukeꞌ chi ta quecꞌuꞌx ruqꞌuin ja Dios chewiꞌ tok ma xeꞌoc ta chipan ja xulaꞌnbal lugar.

Hebreos 4:11

Katijaꞌ cꞌa kakꞌij, xkoꞌoc ta jutzꞌit chipan ariꞌ ja xulaꞌnbal lugar. Maxta cꞌo jun chake tibano queriꞌ ja caniꞌ queban ja juleꞌ chic winak, ejeꞌeꞌ ma xquinimaj ta ja Dios in rmalariꞌ tok ma xeꞌoc ta chipan ja xulaꞌnbal lugar ja chomin rmal.

Hebreos 4:2

Caniꞌ ban chique riꞌ winak ojer yaꞌ rbixic jun utzlaj tzij xin Dios chique in queriꞌ cꞌa chake ajoj camic chakajaꞌ cꞌo jun utzlaj tzij xin Dios kacꞌaxan. Pro ejeꞌeꞌ chaka quicꞌaxaj, ni majun nak ta quiwasaj ta tre, ma xyukeꞌ ta quecꞌuꞌx ruqꞌuin ja utzlaj tzij quicꞌaxaj chewiꞌ tok queriꞌ queban.

Hebreos 7:25

Rmalcꞌariꞌ tok ncowini nokrutoꞌ chijutij ja yukul kacꞌuꞌx ruqꞌuin chi arjaꞌ ncojo kaxin chwach ja Dios. Arjaꞌ ni cꞌas wiꞌ chijutij chi rbanic orar pa kacuenta chewiꞌ tok ncowini nokrutoꞌ chijutij.