San Lucas 9:39 - Tz'utujil (Ja Cꞌacꞌa Chominem)

³⁹ Cꞌo jun itzel espíritu nchapo rxin in chaka jalal tok nuyaꞌ sícꞌ, cꞌol ataque nya̱ꞌ tre in nel rpuluw ruchiꞌ. Congana ncamsax pa tokꞌulew, kas maril nsokpix rmal ja ritzel espíritu.

Tz'utujil NT

³⁹ C'ola jun itzel espíritu nechpowa rxin y chek q'uenjlal numaj rakic ruchi'. C'ola ataque nya'a tzra y congan rupluw nela pruchi'. Congan ncamsasa ptak ulew, nmesquier nsak'pixa rmal itzel espíritu.

San Lucas 9:39 Iomraidhean Croise

Marcos 9:18

Xa nak ta lugar cꞌo wiꞌ ja ncꞌajol, arjaꞌ nchꞌakix pa tokꞌulew rmal ja ritzel espíritu. Nel rpuluw ruchiꞌ in congana ncachꞌachꞌ rey pa ruchiꞌ rmal. Camic lawuloꞌ chic, majun chic rpuersa. In xincꞌutuj jun utzil chique ja radiscípulo chi nquiwasaj ja ritzel espíritu pro ejeꞌeꞌ ma xecowin ta quiwasaj ta, neꞌe ja rachi.

Marcos 9:20

Cꞌacꞌariꞌ cꞌamarel ja ralaꞌ chwach ja Jesús. Ja cꞌa ritzel espíritu chaka maril tok xutzꞌat ja Jesús xuyaꞌ chic jun ataque tre ja ralaꞌ in xchꞌakij pa tokꞌulew. Ja cꞌa ralaꞌ congana xumaj rjukic riꞌ pa tokꞌulew in nel rpuluw ruchiꞌ.

Marcos 9:26

Ja cꞌa ritzel espíritu tok xcꞌaxaj ja bix tre xurak ruchiꞌ in xuyaꞌ chic jutij ataque tre ja ralaꞌ. Cꞌacꞌariꞌ xelel pa ranma pro ja ralaꞌ puneꞌ can caniꞌ cami ntzꞌati. Ja cꞌa winak e qꞌuiy chique quibij chi cami ja ralaꞌ, xecheꞌe.

San Lucas 4:35

Ja cꞌa Jesús arjaꞌ xchꞌolij ja ritzel espíritu: —Tacajbaꞌ in catel pa ranma ja rachi, neꞌ tre. Ja cꞌa xuban ja ritzel espíritu tre ja rachi xchꞌakij can pa tokꞌulew chiquewach ja winak cꞌacꞌariꞌ xel pa ranma in be, ni majun itzel nak ta xuban can tre.

San Lucas 8:29

Queriꞌ xbij tre como ja Jesús arjaꞌ ntajini nuban mandar ja ritzel espíritu ja rocnak tre ja rachi chi nelel pa ranma. Ja cꞌa rachi qꞌuiylaj mul qꞌuejenak pa rukꞌaꞌ ja ritzel espíritu in cꞌo jeꞌe bacꞌon rukꞌaꞌ rkan pa cadena pro ni ma cꞌayew ta nuban tre nqꞌuiokpij in ncꞌamarel rmal ja ritzel espíritu chipan ja chakijlaj ulew.

San Lucas 9:38

Cꞌo cꞌa jun achi chiquicojol cow tzijoni, quewaꞌ xbij tre riꞌ: —Maestro, tabanaꞌ jun utzil, anin cꞌo jun ncꞌajol in ni xarariꞌ ti jun, tatzꞌataꞌ paki jutzꞌit.

San Lucas 9:40

In xincꞌutuj jun utzil chique ja radiscípulo chi nquiwasaj ja ritzel espíritu pro ejeꞌeꞌ ma xecowin ta quiwasaj ta, neꞌe ja rachi.

San Juan 8:44

Ixix ix ralcꞌwal ja diablo in nak cꞌo rgana ja diablo chi nuban nijawariꞌ cꞌol egana ixix neban chakajaꞌ. Ja diablo arjaꞌ ni camsanel wiꞌ ja tok winakarto ja rwachꞌulew. Nojelal ja nbij ja Dios xa rcꞌulel ja diablo como ja diablo arjaꞌ ni majutij ja katzij ta nbij. Ja tok nutzꞌak tzij ja diablo jariꞌ ni rxin wiꞌ como arjaꞌ ni tzꞌakol tzij wiꞌ, arjaꞌ kas nwinakarsani ja tzꞌakoj tak tzij.

1 Pedro 5:8

Ja cꞌa diablo ja recꞌulel arjaꞌ ntajini ncanoj nak nuban chewe caniꞌ nuban jun cój nurak ruchiꞌ tok nercanoj ja nerutij. Rmalcꞌariꞌ tok nbij chewe, kas bien techꞌoboꞌ na ja neban in quixcꞌascꞌoti.

Apocalipsis 9:11

In cꞌo jun ángel ocnak rey pa quewiꞌ, jariꞌ ja ritzel ángel ja cꞌa cꞌa nat cꞌo wiꞌ xeꞌ ulew chipan ja nimlaj kꞌekumal. Ja rubiꞌ nbix tre ja ángel chipan ja tzobal hebreo, Abadón neꞌxi, ja cꞌa pa griego, Apolión neꞌxi.