San Lucas 9:3 - Tz'utujil (Ja Cꞌacꞌa Chominem)

³ Quewaꞌ xbijel chique riꞌ: —Ni majun nak ta necꞌamel ja tok nixbe, nixtacꞌa necꞌamel ta echꞌameꞌy, nixtacꞌa emaleta, nixtacꞌa eway, nixtacꞌa epwok in ni xa ja wariꞌ ja recamisa necꞌamel ja recojon, ma caꞌiꞌ ta.

Tz'utujil NT

³ Cawra xbij ela chca: —Nmajo'n achnak nec'om ela tak xtquixba, nexte ech'me'y nec'om ela, nexte emlet nec'om ela, nexte eway, nexte epak nec'om ela, y ne xjara' ecmis ecsan nec'om ela, me c-e' ta newc'aj.

San Lucas 9:3 Iomraidhean Croise

Marcos 6:7

Ja cꞌa Jesús arjaꞌ xersiqꞌuij ja cablajuj discípulo in xuyaꞌ chique chi cꞌo quekꞌaꞌ chique ja ritzel tak espíritu chi necowini nequiwasajel chique ja winak. Pa cacaꞌ xerutakel in bien xuchꞌobel chiquewach nak ja xtequibanaꞌ:

San Lucas 12:22

Cꞌacꞌariꞌ xumaj tzij cuqꞌuin ja rdiscípulo, quewaꞌ xbij chique riꞌ: —Rmalcꞌariꞌ ja tok nbij chewe, maxta tekꞌisaj ewiꞌ tre ja recꞌaslemal: —¿Nak nkatij cꞌawaꞌ? maxta quixcheꞌe, in nixtacꞌa ja ncꞌatzin tre ja recuerpo chakajaꞌ: —¿Nak nkacoj chi cꞌawaꞌ? maxta quixcheꞌe.

San Lucas 12:28

Ja cotzꞌiꞌj masqui xa ncami, masqui xa nchakiji chanim in nporox pa kꞌakꞌ pro ja Dios arjaꞌ nuyaꞌ rcoloril. Ja wi queriꞌ nuban ¿la matuyaꞌ cꞌariꞌ chewe chakajaꞌ ja retziak necoj? Xarwariꞌ nbij chewe, ma kas ta yukul ecꞌuꞌx ruqꞌuin ja Dios.

San Lucas 22:35

Cꞌacꞌariꞌ xumaj tzij cuqꞌuin canojel ja rapóstol, quewaꞌ xbij chique riꞌ: —Ja tok xixnutakel chipan ja viaje, tok mta epwok xecꞌamel in nixtacꞌa xecꞌamel ta emaleta in nixtacꞌa exajab ta chakajaꞌ ¿la cꞌoli ja ma xtzꞌakat ta chewe triꞌ? neꞌ chique. —Ni majun xuban ta falta chake, xecheꞌ tre.

San Lucas 3:11

—Xa nak ta chewe ja cꞌo caꞌiꞌ camisa ruqꞌuin tiyaꞌaꞌ jun tre ja mta rxin owi cꞌo way ruqꞌuin tiyaꞌaꞌ rxin ja mta nutij, neꞌe ja Juan chique.

San Lucas 5:29

Ja cꞌa Leví cꞌo jun nimlaj waꞌim xchomij pa rochoch rxin ja Jesús. Ja cꞌa Jesús e rachbil ja rdiscípulo ejeꞌeꞌ etzꞌubul pa mesa. Congana e qꞌuiy ja molol tak impuesto etzꞌubul pa mesa cuqꞌuin in ecꞌo juleꞌ chic winak chakajaꞌ.

San Lucas 9:4

Xa nak ta chi jayil xquixoc wiꞌ triꞌ nixqꞌuejeꞌ wiꞌ, cꞌa tokoriꞌ neyaꞌ can ja tok nixbe chic cha jun chic tinamit.

2 Timoteo 2:4

Ja soldado tok nqꞌuejeꞌ chipan ja rejército mta moda xtucoj ta jun negocio como rjawaxic chi nnimaj ja nbano mandar rxin.