San Lucas 9:2 - Tz'utujil (Ja Cꞌacꞌa Chominem)

² In xerutakel chi nequiyaꞌaꞌ rbixic ja gobierno xin Dios utzcꞌa chakajaꞌ chi neꞌequitzursaj ja yawaꞌiꞌ.

Tz'utujil NT

² Y xerutak ela chnequey-a' rbixic rgobierno Dios y ch-utz c'ara' chka' che nquecchumsaj yuw-i'.

San Lucas 9:2 Iomraidhean Croise

San Mateo 10:5

Ja cꞌa Jesús arjaꞌ xerutakel ja cablajuj discípulo in bien xuchꞌobel chiquewach nak ja xtequibanaꞌ: —Ma tecꞌamel ta jeꞌe ja bey ja nbe cuqꞌuin ja winak ja ma e aj Israel ta in chakajaꞌ ni majun tinamit quixin aj Samaria xquixoc ta chipan.

San Mateo 13:19

Ja utzlaj tzij ja nucꞌut chikawach nak rbanic ja gobierno xin chilaꞌ chicaj, ja tok nel rbixic in tok cꞌo jun ncꞌwaxaj pro matichꞌobtaj rmal ja cꞌa diablo npeti, nlasajel ja tzij ja ticon pa ranma. Ja cꞌa riꞌ tibij tzij ja rijaꞌtz ja kaj pa bey.

San Mateo 24:14

Ja cꞌa utzlaj tzij ja ncꞌamonto tre ja gobierno xin chilaꞌ chicaj jariꞌ nel na rbixic nojel nat nakaj, nojel rwachꞌulew nekaj wiꞌ. Nojel nekaj wiꞌ rbixic utzcꞌa chi nquicꞌaxaj ja winak ja recꞌo nojel tak nación. Cꞌa tokocꞌariꞌ xtipeti ja qꞌuisbal rwachꞌulew.

San Mateo 3:2

Quewaꞌ nbij chique ja winak riꞌ: —Teqꞌuexaꞌ ja renaꞌoj in teyaꞌaꞌ can ja ritzelal como xa nnakajinto ja gobierno xin chilaꞌ chicaj, neꞌ chique.

Marcos 16:15

Cꞌacꞌariꞌ xbij chic chique: —Jix nojel nat nakaj chwach ja rwachꞌulew, jeyaꞌaꞌ rbixic ja utzlaj tzij ja ncꞌamonto, jeyaꞌaꞌ rbixic chique ja winak pro ni canojelal.

Marcos 6:12

Ja cꞌa cablajuj discípulo ejeꞌeꞌ xeꞌelel, xebe cuqꞌuin ja winak in quewaꞌ nquibij chique riꞌ: —Teqꞌuexaꞌ ja renaꞌoj in teyaꞌaꞌ can ja ritzelal, necheꞌ chique.

San Lucas 10:1

Cꞌacꞌariꞌ ja kajaw Jesús ecꞌo chic setenta achiꞌiꞌ ja xeruchaꞌ, pa cacaꞌ xerutakel chi nenabeyaj chwach, nebe chipan nojel tak tinamit in chipan ja juleꞌ chic lugar ja bar xtekaj wiꞌ arjaꞌ.

San Lucas 10:11

—Ja pokok rxin ja retinamit ja cꞌo pa kakan, camic nkaquiraj can jariꞌ retal chi netij na rpokonal rmal ja mta egana xteyaꞌ ta ewxquin tre ja nkabij chewe pro tewotakij chi ja gobierno xin Dios xa nnakajinto ewqꞌuin, quixcheꞌ chique.

San Lucas 10:9

Queꞌetzursaj ja yawaꞌiꞌ ja recꞌo chipan ja tinamit in quewaꞌ nebij chique ja winak riꞌ: —Ja gobierno xin Dios xa nnakajinto ewqꞌuin, quixcheꞌ chique.

San Lucas 16:16

Ja ley xin Dios rachbil ja tzꞌibtal can cumal ja rojer tak profeta xin Dios jariꞌ ocnak chipan ja tiempo ja tok Juan Bautista majaꞌn tumaj ja rsamaj. Pro ja tok xurwilaꞌ ja rtiempo ja Juan Bautista triꞌ xumajto wiꞌ rbixic ja gobierno xin Dios in canojel ja winak netajini nquetij quichokꞌakꞌ utzcꞌa chi neꞌoc chipan ariꞌ gobierno.

San Lucas 9:11

Ja cꞌa winak tok xekaj rbixic cuqꞌuin chi be ja Jesús xebe ejeꞌeꞌ chakajaꞌ, xequiwilaꞌ. Ja cꞌa Jesús tok xeꞌekaj ruqꞌuin arjaꞌ xerucꞌul, xuyaꞌ rbixic chique nak rbanic ja gobierno xin Dios in xertzursaj ja yawaꞌiꞌ chique.