San Lucas 8:48 - Tz'utujil (Ja Cꞌacꞌa Chominem)

⁴⁸ Bix tre rmal ja Jesús: —Nmeꞌal, ja yukulbal acꞌuꞌx wqꞌuin jariꞌ xattzursani. Camic utz chic natbe, catquicoti, neꞌxi ja rixok.

Tz'utujil NT

⁴⁸ Cawra xbixa tzra rmal Jesús: —Nmi'al, jyukbal ac'u'x wq'uin jara' xatchumsana. Camic utz chic ncatba, catquicota, cara' xbixa tzra ixak.

San Lucas 8:48 Iomraidhean Croise

San Mateo 12:20

Ja winak ja congana lawuloꞌ quibanon in capujnak quecꞌuꞌx rmal, arjaꞌ maqueruyoj más, neruyic in nerutoꞌ. Niquirwariꞌ xtuban in rmal arjaꞌ tok xtoqui ja rbey Dios pro chijutij xtoqui in nij arjaꞌ wiꞌ ja nchꞌocmaji.

San Mateo 8:13

Cꞌacꞌariꞌ xbij chic tre ja capitán: —Camic jat, in como yukul acꞌuꞌx wqꞌuin chi nincowini ntzursaj ja ramoso in queriꞌ ja nbantaji, ntzuri, neꞌ tre. In ni jariꞌ hora tzuri ja moso.

San Mateo 9:2

Ja cꞌa tok xekaji chaka cꞌa jalal tok cꞌo jun achi xeya̱ꞌ chwach siquirnak, cotzꞌol chwach jun chꞌatan cheꞌ. Ja cꞌa Jesús tok xutzꞌat ja yukulbal quecꞌuꞌx cꞌo ruqꞌuin, arjaꞌ xbij tre ja siquirnak: —Ncꞌajol, ma taxbej ta awiꞌ, camic cuytaji ja rawil amac, neꞌ tre.

San Mateo 9:22

Ja cꞌa Jesús arjaꞌ xuyaꞌ vuelta in tok xutzꞌat ja rixok quewaꞌ xbij tre riꞌ: —Ma taxbej ta awiꞌ nmeꞌal, ja yukulbal acꞌuꞌx wqꞌuin jariꞌ xattzursani, neꞌ tre. In ja rixok ni jariꞌ hora tzuri.

Marcos 5:34

Bix tre rmal ja Jesús: —Nmeꞌal, ja yukulbal acꞌuꞌx wqꞌuin jariꞌ xattzursani. Camic utz chic natbe, catquicoti, xattotaji chijutij pa rukꞌaꞌ ja yobil, neꞌxi.

San Lucas 17:19

Cꞌacꞌariꞌ xbij tre ja rachi: —Camic catyictaji, utz chic natbe. Ja yukulbal acꞌuꞌx wqꞌuin jariꞌ xattzursani, neꞌ tre.

San Lucas 18:42

—Camic catcaꞌyi. Ja yukulbal acꞌuꞌx wqꞌuin jariꞌ xattzursani, neꞌe ja Jesús tre.

San Lucas 7:50

Ja cꞌa Jesús xbij chic tre ja rixok: —Ja yukulbal acꞌuꞌx ja cꞌo wqꞌuin jariꞌ xattoꞌowi. Camic utz chic natbe, catquicoti, neꞌ tre.

San Lucas 8:47

Ja cꞌa rixok tok xutzꞌat chi maticowin chic nwawaj ja xuban peti, congana nbirboti rumac ja xbeben riꞌil, xuqueꞌ chwach ja Jesús in xumaj rbixic tre nak tre tok xuchapoc ja rtziak, pro ni chiquewach canojel ja winak xbij wiꞌ tre. In xbij tre chakajaꞌ nak rbanic ja tok ni jariꞌ hora tzuri.

Hechos 14:9

Arjaꞌ rmajon rcꞌaxaxic ja ntajini nbij ja Pablo. Ja cꞌa Pablo arjaꞌ kas xtzꞌelwachij ja rachi in xutzꞌat chi cꞌo yukulbal rucꞌuꞌx ruqꞌuin ja Dios chi ntzuri.

2 Corintios 6:18

ninoc Tatixel ewxin in nixoc tak ncꞌajol, nixoc tak nmeꞌal. Queriꞌ ja bitajnak can rmal ja kajaw Dios ja ni majun poder ja maquita cꞌo pa rukꞌaꞌ.

Hebreos 4:2

Caniꞌ ban chique riꞌ winak ojer yaꞌ rbixic jun utzlaj tzij xin Dios chique in queriꞌ cꞌa chake ajoj camic chakajaꞌ cꞌo jun utzlaj tzij xin Dios kacꞌaxan. Pro ejeꞌeꞌ chaka quicꞌaxaj, ni majun nak ta quiwasaj ta tre, ma xyukeꞌ ta quecꞌuꞌx ruqꞌuin ja utzlaj tzij quicꞌaxaj chewiꞌ tok queriꞌ queban.