San Lucas 8:47 - Tz'utujil (Ja Cꞌacꞌa Chominem)

⁴⁷ Ja cꞌa rixok tok xutzꞌat chi maticowin chic nwawaj ja xuban peti, congana nbirboti rumac ja xbeben riꞌil, xuqueꞌ chwach ja Jesús in xumaj rbixic tre nak tre tok xuchapoc ja rtziak, pro ni chiquewach canojel ja winak xbij wiꞌ tre. In xbij tre chakajaꞌ nak rbanic ja tok ni jariꞌ hora tzuri.

Tz'utujil NT

⁴⁷ Ja' ixak tak xutz'et mesquier chic necwina nwiwaj jxuban xpeta, congan nberbeta rmal xben ri'il, xexque'a chwech Jesús y xumaj rbixic tzra nak tzra tak xuchap oca retziak, per ne chquewech conjelal wnak xbij wa' tzra. Xbij tzra chka' che njara' hor xec'choja.

San Lucas 8:47 Iomraidhean Croise

San Mateo 28:8

Ja cꞌa rixokiꞌ ejeꞌeꞌ xeꞌelel alnak ruqꞌuin ja panteón, xebe, xequibij chique ja discípulo, congana quixben quiꞌ in congana nequicoti chakajaꞌ.

Marcos 5:33

Ja cꞌa rixok congana nbirboti rumac xben riꞌ como arjaꞌ bien rotak chi xeli ja yobil tre, peti xuqueꞌ chwach ja Jesús, xuchol chwach nojelal nak rbanon pa rukꞌaꞌ ja yobil.

San Lucas 8:46

—Wotak chi cꞌo jun xinchapowi como xinnaꞌ chi cꞌoli ja poder xel chwe, neꞌe ja Jesús chique.

San Lucas 8:48

Bix tre rmal ja Jesús: —Nmeꞌal, ja yukulbal acꞌuꞌx wqꞌuin jariꞌ xattzursani. Camic utz chic natbe, catquicoti, neꞌxi ja rixok.

Hechos 16:29

Ja cꞌa chajil cheꞌ arjaꞌ xcꞌutuj jun kꞌakꞌ in tok jachtaj tre cꞌamcꞌol ranim be cuqꞌuin ja preso. Ja tok xekaj cuqꞌuin ja Pablo in Silas congana nbirboti rmal ja xbeben riꞌil in xuqueꞌ chiquewach.

1 Corintios 2:3

Ja cꞌa tok xinqꞌuejeꞌ checojol bien xurkaj chwe chi anin xin way xin yaꞌ, congana nxben wiꞌ como ja samaj congana al xinnaꞌ.

2 Corintios 7:15

Ja cꞌa Tito arjaꞌ más chi na nel rucꞌuꞌx chewij camic como bien nurkaj tre chi nixnimani ewanojelal, bien nurkaj tre janiꞌ rcꞌulic xeban chi cꞌo respeto ewqꞌuin in nexbej ewiꞌ chwach ja Dios.

Filipenses 2:12

Rmalcꞌariꞌ chakꞌlaj wachꞌalal camic nbij chewe, como ni xinenimaj wiꞌ ja tok xinqꞌuejeꞌ checojol pro ja camic más chi na nixnuban animar chi ninenimaj masqui ma incꞌo chi ta checojol. Chewiꞌ tok nbij chewe camic, tetijaꞌ ekꞌij chi rilic nojel ja totajem ja rchomin ja Dios chi nuyaꞌ chewe pro xarwariꞌ texbej ewiꞌ chwach ja Dios, ni turkaj wiꞌ chewe chi ma quixcowini newil ja xta eyon.

Hebreos 12:28

Ja Dios arjaꞌ okrcojon pa rcuenta jun gobierno pro jun gobierno ja ni mta wiꞌ siltajic trij. Rmalcꞌariꞌ nbij chewe, kayaꞌaꞌ rukꞌij ja Dios in kamaltioxij tre chakajaꞌ pro kas rubey kabanaꞌ, caniꞌ nrajoꞌ chake chi nkaban ni ta quirwariꞌ nkaban, kabanaꞌ respetar in kaxbej kiꞌ chwach