San Lucas 8:43 - Tz'utujil (Ja Cꞌacꞌa Chominem)

⁴³ Cꞌo cꞌa jun ixok yawaꞌ ja cꞌo chiquicojol ja winak, tuban cablajuj junaꞌ ni cꞌo wiꞌ jeꞌe quicꞌ nel tre. Ja rixok rqꞌuison chic nojel ja cꞌo ruqꞌuin chi rkꞌomaxic riꞌ cuqꞌuin doctoriꞌ pro majun nak ta cowin ta tzursan ta rxin.

Tz'utujil NT

⁴³ C'ol c'a jun ixak yawa' c'ola chquecjol wnak, xuban cbeljuj juna' c'ola quic' nela tzra. Ja' ixak rec'son chic njelal jc'ola ruq'uin che rk'omxic ri' cuq'uin je' doctor per next jun cwennak ta chumsyona rxin.

San Lucas 8:43 Iomraidhean Croise

Marcos 12:44

Queriꞌ nbij chewe como ja juleꞌ chic xa jariꞌ queyaꞌ ja totajnak pro arjaꞌ masqui xa ti mebaꞌ pro xuyaꞌ nojel ja cꞌo ruqꞌuin ja ntzukbej ti riꞌ, neꞌ chique ja rdiscípulo.

Marcos 9:18

Xa nak ta lugar cꞌo wiꞌ ja ncꞌajol, arjaꞌ nchꞌakix pa tokꞌulew rmal ja ritzel espíritu. Nel rpuluw ruchiꞌ in congana ncachꞌachꞌ rey pa ruchiꞌ rmal. Camic lawuloꞌ chic, majun chic rpuersa. In xincꞌutuj jun utzil chique ja radiscípulo chi nquiwasaj ja ritzel espíritu pro ejeꞌeꞌ ma xecowin ta quiwasaj ta, neꞌe ja rachi.

San Lucas 13:11

Cꞌo cꞌa jun ixok triꞌ yawaꞌ, tuban dieciocho junaꞌ toqui ja yobil tre rmal jun itzel espíritu. Rmalcꞌariꞌ tok luclic rij ja rixok, maticowini jic ta xtipeꞌi nixtacꞌa jutzꞌit ta.

San Lucas 13:16

Ja cꞌawaꞌ jun ixok riꞌ arjaꞌ riy rumam can ja rAbraham. Ja camic tuban dieciocho junaꞌ ximtal chipan ja yobil rmal ja Satanás. ¿La ma yatal ta cꞌa tre chi nel libre pa rukꞌaꞌ ja yobil camic masqui xulaꞌnbal kꞌij nachꞌob atat? neꞌ tre ja jefe.

San Lucas 8:27

Ja cꞌa Jesús tok xeli ja pa lancha cꞌo jun achi xekaj ruqꞌuin. Ja cꞌa rachi cꞌo chic tiempo eꞌocnak juleꞌ itzel tak espíritu tre. Ni mta wiꞌ rtziak nucoj in matiqꞌuejeꞌ pa rochoch chakajaꞌ, xa pa comsanto nqꞌuejeꞌ wiꞌ.

San Lucas 8:42

como cꞌo jun rmeꞌal camíc nuban in ni xarwariꞌ ti jun, cꞌo la cablajuj rjunaꞌ. Be cꞌa ja Jesús pro congana e qꞌuiy ja winak nquepitzꞌ quiꞌ trij ebenak pa rochoch ja Jairo.

San Lucas 8:44

Ja cꞌa xuban ja rixok xa janiꞌ tiloc más trij ja Jesús. Ja cꞌa tok xekaj ruqꞌuin xuchapoc jutzꞌit ruchiꞌ ja rtziak. Chaka maril xuchapoc rtziak ja Jesús ni cajeꞌe ja quicꞌ tre.

San Juan 9:1

Ja Jesús arjaꞌ rmajon binem tok xutzꞌat jun achi ti moy ja ni pa ralaxic wiꞌ chi moy.

San Juan 9:21

Pro ma kotak ta nak tre tok ncaꞌy chic camic nixtacꞌa kotak ta chakajaꞌ nak jakowi ja rwach. Mejor, tre arjaꞌ tecꞌwaxaj wiꞌ como cꞌo chic rjunaꞌ, riꞌj chic, arjaꞌ cꞌa nbin alaꞌ chewe nak ja xuban, xecheꞌe ja rtataꞌ ruteꞌ.

Hechos 3:2

Nojel tak kꞌij ni cꞌo wiꞌ jun achi triꞌ arjaꞌ ti cojo, ni pa ralaxic wiꞌ chi cojo. Cꞌamonel ja ti cojo chipan ja templo, yaꞌon chuchiꞌ jun puerta. Cꞌo rubiꞌ nbix tre ja puerta, La Hermosa neꞌxi. Triꞌ nya̱ꞌ can wiꞌ ja ti cojo chi rcꞌutuxic limosna chique ja winak ja neꞌoc chipan ja templo.

Hechos 4:22

Queriꞌ queban ja winak como ja rachi ja bantaj jun milagro tre arjaꞌ más cuarenta rjunaꞌ.