San Lucas 8:30 - Tz'utujil (Ja Cꞌacꞌa Chominem)

³⁰ Ja cꞌa Jesús xbij tre: —¿Nak cꞌa abiꞌ? neꞌ tre. —Anin in Legión, neꞌxi rmal ja rachi. Queriꞌ rubiꞌ xbij como congana e qꞌuiy juleꞌ itzel tak espíritu eꞌocnak tre.

Tz'utujil NT

³⁰ Ja' Jesús cawra xc'axaj tzra: —¿Nak abi'? —Anen en Legión, cara' xbij ja' acha. Cara' rubi' xbij com congan e q'uiy jle' itzel tak espíritu e'ocnak pranm.

San Lucas 8:30 Iomraidhean Croise

San Mateo 26:53

¿La ma awotak ta cꞌa chi anin ja wixta cꞌo ngana ncꞌutuj ntoꞌic tre ja nataꞌ Dios arjaꞌ chanim nerutakto juleꞌ ángel chi ntoꞌic? Pro congana e qꞌuiy nerutakto, e caniꞌ cablajuj ejército soldado ja nerutakto.

San Mateo 4:24

In be rbixic chipan nojel ja lugar jeꞌe ja cꞌo pa rcuenta Siria. Xecꞌamarel ruqꞌuin ja yawaꞌiꞌ pro canojelal. Xa nak ta chi yobilal cucꞌan, xa nak ta ntiꞌon chique, wi ecꞌo itzel tak espíritu eꞌocnak chique, wi cꞌol ataque chique, wi e sicaꞌ, xecꞌamarel canojelal ruqꞌuin in xertzursaj.

San Mateo 8:29

Chaka jalal tok quemaj rakic quechiꞌ trij ja Jesús: —Atat ja rat Ralcꞌwal Dios ¿nak nawajoꞌ chake? ¿La maxta atpenak chi nokaryaꞌaꞌ chipan ja nimlaj rpokonal? pro majaꞌn waꞌan turilaꞌ tiempo rxin, xecheꞌ tre ja Jesús.

Marcos 16:9

Ja Jesús tok cꞌastaji chiquicojol camnakiꞌ pa jun domingo pa rsakaric. Ja cꞌa kas xucꞌut wiꞌ riꞌ nabey, chwach María Magdalena. Jariꞌ María ja recꞌo wukuꞌ itzel tak espíritu eꞌocnak tre nabey in xelasaxel tre rmal ja Jesús.

Marcos 5:9

Cꞌacꞌariꞌ ja Jesús xbij tre ja rachi: —¿Nak cꞌa abiꞌ? neꞌ tre. —Anin in Legión. Queriꞌ nubiꞌ como ok qꞌuiy, neꞌxi ja Jesús.

San Lucas 8:2

Ecꞌo juleꞌ ixokiꞌ xerachbilajel chakajaꞌ. Ja cꞌa rixokiꞌ ejeꞌeꞌ nabey emajtajnak rmal yobil in ecꞌo pa quekꞌaꞌ itzel tak espíritu pro etzursan chic rmal ja Jesús. Jun ja rixok María rubiꞌ ja cꞌo chic jun rubiꞌ Magdalena neꞌxi. Ja cꞌa María Magdalena arjaꞌ e wukuꞌ itzel tak espíritu ja xelasax tre rmal ja Jesús.

San Lucas 8:29

Queriꞌ xbij tre como ja Jesús arjaꞌ ntajini nuban mandar ja ritzel espíritu ja rocnak tre ja rachi chi nelel pa ranma. Ja cꞌa rachi qꞌuiylaj mul qꞌuejenak pa rukꞌaꞌ ja ritzel espíritu in cꞌo jeꞌe bacꞌon rukꞌaꞌ rkan pa cadena pro ni ma cꞌayew ta nuban tre nqꞌuiokpij in ncꞌamarel rmal ja ritzel espíritu chipan ja chakijlaj ulew.